اهلا أحبتي ومساء الخير ونشاء الله حوالكم بخير أتيتكم اليوم برولي مالح مع بعض المقبلات ممكن تستفيدو من طريقة التقديم ومن الوصفات أنشاء الله نبدا بالرولي
الرولي عبارة عن ثلاث نكهات بثلاث ألوان
مقادير الخليط الاحمر :
– صفار بيضة
– 2 ملاعق صغيرة فلفل عكري حار
– نصف ملعقة ملح
– شووووي فلفل أسود
– ملعقة كبيرة حبنة طازجة طرية (( تقدري تعوضيها بكريمة سائلة ،la crème liquide ))
– ملعقة كبيرة فرينة
– ملعقة ص خميرة الحلوى
للخليط الاخضر :
– صفار بيضة
– ملعقة كبيرة فرينة
– ملعقة ص خميرة الحلوى
–ملعقة كبيرة حبنة طازجة طرية
– ملح
– ملعقة كبيرة سلق مرحي (( ذبلتو في شوي زبدة من بعد رحيتو ))
للخليط الابيض:
– صفار بيضة
– ملعقة كبيرة فرينة
– ملعقة ص خميرة الحلوى
–ملعقة كبيرة حبنة طازجة طرية
– ملح
– شوووي فلفل أسود
– كمية من الجبن العادي (( حوالي 2 مثلثات ))
– zest de citron
هذا بياض 3 بيضات مخفوق مع قرصة ملح حتى يولي كي الثلج
كل خليط نخفقو مع المكونات نتاعو ومن بعد نضيفولو البياض كيما في الصورة
حطي ورق الالمنيوم في الصينية
وحطي الخليط بهاذ الطريقة وحطيه في الفرن سخون 180°
الحشوة : جبن عادي + جبنة طازجة طرية ((أو PETIT SUISSE)) + مايونيز + زيتون مقطع
مت يديش الوقت في الطياب حوالي 10د خرجيها من الفرن وانزعي ورق الالمنيوم وبلي منشفة بالماء واعصريها وحطي الجينواز فوق المنشفة المبللة ورولي كيما الرولي الحلو عااااادي وخليها 5د
من بعد حليهاوحطي الحشوة كيما في الصورة وروليها حطيها في الثلاجة حتى وقت التقديم وقطعيها
هاهو شكلها النهائي
قدميهامع السلطات
*اصابع الملفوف بالكرمب :
كرم مفور محشي بالطون ، جبن ، زيتون مقطع
*كرم مفور مقطع بالمايونيز
*جزر مفور مرقد بصوص السلطة مع المعدنوس والثوم
قطعي الجزر شرائح وفوريه و حضري الصوص (( في كأس زيت ،كأس خل ، ملح حسب الحاجة ، فلفل أسود ، موطارد ، ثوم مقطعة صغيرة أو مهرسة )) من بعد ما تفور الزرودية وتبرد ملييح حطيها في بلارة أو علبة وخلطي معاها الصوص والمعدنوس مقطع وخليها في الثلاجة ليومين
لقيمات محشية بالجبن مقدمة مع الحميس :
مقادير العجينة :
500غ فرينة
بيضة واحدة
نصف كأس حليب دافي
ملح
م ك سكر
م ك خميرة الخبز
نصف فنجان زيت
ماء دافي لتكوين عجينة طرية
(( يمكنك اضافة الزعيترة ))
وخليها ترتاح لنصف ساعة من بعد أعجنيها غير شوي خذي كمية صغييرة من العجينة أفرديها في كف يدك حطي شوووي جبن وكوريها حطيها في الصينية مدهونة بالزيت ودهنيهم بالبيض وذرذري الجلجلاج او الحبة السوداء وخليهم 10د ودخليهم الفرة سخون 180° حتان يطيبو على مهلهم
بالنسبة للحميس :
كوسى ، بصل ، ثوم ، فلفل حار ، طماطم هاذو كامل مشويين على الطابونة عادي
من بعد نقيلهم القشرة وحطيهم كااااامل في الروبو واذا مكانش عندك قطعيهم بالسكين
كي دشيهم برك ماشي ترحيهم بزاف أضيفي لهم (( زيت الزيتون+ ملح + فلفل أسود + موطارد+ خل )) وخلطيهم خليهم يباتو ليلة كاملة في الصوص وقدميهم مع أي أكلة مممممممم
شرائح البصل المقلية :
– قطعي البصل شرائح وحليهم على بعض يعني فرقيهم
– في وعاء حطي حليب منكه بالتوابل (( ملح، فلفل أسود ، كمون، فلفل عكري حار ))
– نقعي البصل في الحليب لمدة 3 ساعات كاملة باش متبقاش نكهة البصل القوية
من بعد 3 سا حضري خليط لي راح تقلي فيه البصل
((2 بيضات ، 2 فناجين فرينة ،فنجان نشا ،ملح ، فلفل أسود ، فلفل عكري، كمون، 60مل حليب ، م ص خميرة حلوى ، نصف م ص بيكاربونات ))
هاهم بعد القلي راح يتنفخ
قدمتهم مع البوراك
نتمنى يعجبوكم وتجربوهم خاصة في رمضان الكريم
الله يبارك ويزيييييييييييد يامبدعة والله حقا ابداع
ومن فضللك حبيبتي اعطيني وصفة الجزر المرقد، والحميستاع الفلفل والطماطم عادي حابة طريقتك ضروري حبيبتي
وجزاك الله كل خير ياغالية ورزقك ما تتمنين
|
المشاركة الأصلية كتبت بواسطة فايزة44
 الله يبارك ويزيييييييييييد يامبدعة والله حقا ابداع
ومن فضللك حبيبتي اعطيني وصفة الجزر المرقد، والحميستاع الفلفل والطماطم عادي حابة طريقتك ضروري حبيبتي |
لك ألف الف شكر وراني عدلت الموضوعوحطيت كيفية ترقيد الجزر اما الحميس راني حطيت الوصفة
يعطيك الصحـــــــــــه …. كل شيء يشهي
الاخت لي حابة الحميس على طريقتي
حميس الفلفل والطماطم :
4 حبات فلفل حلو
2 حبات فلفل حار
حبة كبيرة طماطم
4 فصوص كبار ثوم
هاذو كامل مشويين على النار في الطابونة
ملاحظة : الفلفل اشويه على نار قوية
الطماطم أشويها على نار هادية
نقيلهم القشرة نتاعهم وحطيهم في الروبو دشيهم برك واذا معندكش الرور قطعيهم بالسكين
في وعاء معدني ( طاوة) حطي الخليط وزيديلو (( نصف كأس زيت او زيت زيتون ، نصف كأس خل ، م ص موطارد ، ملح حسب الحاجة ، فلفل أسود ، كمون )) خليهم يغليو شوي فوق النار وحركيهم مرة على مرة لمدة 5د وطفي عليهم خليه يبرد شوي وخبيه في الثلاجة مع حفظها في علبة مغلقة
بالصحة والهناء
|
المشاركة الأصلية كتبت بواسطة ladymillion
الاخت لي حابة الحميس على طريقتي
حميس الفلفل والطماطم : نقيلهم القشرة نتاعهم وحطيهم في الروبو دشيهم برك واذا معندكش الرور قطعيهم بالسكين |
شكررررا يامتواضعة ، شكررا حبيبتي على الرد وانشاء الله يحقق للك مبتغاك عاجلاعاجل يارب
بوركت .
اخرطلب على بالي كثرت عليك : في 1كغ جزر شحال ندير الثوم ، ووصفة الجاري شكرررا ، واسفة على الازعاج ولكن نوعدك نجربهم ونحطهم في قسم التطبيقات 
ههههه ماكان حتى ازعاج بالعكس نحب نفيد بواش نعرف
في كيلو جزر ( 5 فصوص ثوم كبيرة شوي )
وصفة الجاري :
حبة كبيرة بصلة
حبة متوسطة طماطم
3 فصوص ثوم
شوي دبشة مربوطة بخيط يعني ربطة صغيييرة
التوابل (( 2 م ص ملح ، م ص فلفل أسود ، نصف م ص فلفل عكري ،م ك كسبر ))
3 ملاعق كبيرة زيت
لحم كيما تحبي ديري
حطيهم يتقلاو غييير شوي في الكوكوط أضيفي 1 لتر من الماء يعني حتان تتغطى المكونات كي يغلي أغلقي الكوكوط يطيبو لمدة نصف ساعة حسب اللحم لي درتية
كي يطيبو نحي اللحم والدبشة على جهة وميكسي المكونات ملييح وصفي المرق باش يكون صافي خلاص
رجعيه على النار متوسطة وزيديلو شوي ماء قدر كأس +طماطم مصبرة حسب الرغبة+ اللحم كي يبدا يغلي حطي نصف كأس فريك وخليه يغلي على نار هادئة
ومرة على مرة حركيه واذا تحبي ديري حبة فلفل حار مدة نصف ساعة وطفي
قدميه بالدبشة مقطعة وشوي قارس
بالصحة والهناء
اذاتحبي تشوفي يالصور غدا اذا حيانا ربي سبحانو ندير جاري ونحط الوصفة هاذي مع الخطوات المصورة
شكرررررررررررررا ياغالية وبارك الله فيك والله ماقدرتش نعبر بوش نشكرك حبيبتي ، يسر الله للك كل عسير وفرج كربك وسدد خطاك يارب شكرا مرة اخرى
آمين يارب دعوة خير احسن كم كل شىء سعدت بمرورمك أختي
يعطيك الصحة يا الفحلة
إمممممممممممممممممم تشهي بارك الله فيك
فيكم بركة أخواتي سعدت بمروركم وردردكم فرحتونيييييي
أعتذر على الصور لا ادري ما المشكلة
الله يحفظك ويبارك فيك