بسم الله و السلام عليكم
عندي مشكلة مع الطفلة الي خاطبها
في الحقيقة هي بنت عمتي و هي آية في الجمال و الاخلاق ،كذلك خريجة جامعة
المشكل هو هدية البنت باباها و عمامها و جدودها الي تابعين لباباها عندهم مرض وراثي يجيبو بعض ولاد بيض
الشعر ابيض و الحاجب ابيض و البشرة شديدة البياض
انا صراحة قبل كنت مانيش مهتم غير اني نديها زوجة في لحلال مفكرتش كرجل في العواقب بصح ضوركة كبرت و ليت نخمم قلت كون نديها اكيد راح تكون حاملة المرض و راح تجيب ولاد ميتحملوش الشمس و يبكيو عليا و عليها و يقولولنا و علاش نحنا بيض و ماناش زي الآخرين منقدرش نتحمل هكذا وزيد انا نقربلها يعني احتمال ضعيف متجيبهومش بيض
البنت فارحة و ملقيت حتى سبة باش نقلها راح نفسخو الخطوبة
قولواليا واش ندير ؟
السلام عليكم يا اخي ارمي حمولك على الله واستشر اماما مثلا حتى لا تضلم البنت معك ادا كان السبب فعلا هم الاولاد لااستطيع ان انصحك بشيء الا استخر الله و راجع اماما وربي يجيب لي فيه لخير
ربي يكون معاك اخي
هذه الامراض وراثية و لهذا ينصح بتجنب زواج الاقارب
عليك بمراجعة امام و استشارة اطباء ايضا
يعني قبل ما تخطبها علاش ما خممتش في هاذ المشكل و خليت حتى خطبتها و تعلقت بيك و من بعد حاب تفسخ الخطبة ربي يكون في عونها انشاء الله
السلام عليكم
وعلاش كي حبيتها وخطبتها ماكنتش داير حساب
اخي انا من راي اسال الطبيب قبل فسخ الخطوبة
من بعد خذ قرارك
لا حول و لا قوة الا بالله, قبل كانت الناس تخمم و مبعد تخطب,
ضرك لا مودا تخطبوا و مبعد تخممو
ربي يسترنا
نظن مش أكيد تكون حاملة المرض
و أنت أيضا مش أكيد تكون حامل المرض
و ممكن كاين تحاليل ديروها باه تتأكدو
اسأل طبيب و ربي يسرلكم ما فيه خير لكما
يا اخي الا عندها اخوات اكبر منها و متزوجات شوف ادا كانو اولادهم حاملين هاد المرض و في الاخير استشير طبيب
|
المشاركة الأصلية كتبت بواسطة رمزي 1989
 بسم الله و السلام عليكم
عندي مشكلة مع الطفلة الي خاطبها في الحقيقة هي بنت عمتي و هي آية في الجمال و الاخلاق ،كذلك خريجة جامعة المشكل هو هدية البنت باباها و عمامها و جدودها الي تابعين لباباها عندهم مرض وراثي يجيبو بعض ولاد بيض الشعر ابيض و الحاجب ابيض و البشرة شديدة البياض انا صراحة قبل كنت مانيش مهتم غير اني نديها زوجة في لحلال مفكرتش كرجل في العواقب بصح ضوركة كبرت و ليت نخمم قلت كون نديها اكيد راح تكون حاملة المرض و راح تجيب ولاد ميتحملوش الشمس و يبكيو عليا و عليها و يقولولنا و علاش نحنا بيض و ماناش زي الآخرين منقدرش نتحمل هكذا وزيد انا نقربلها يعني احتمال ضعيف متجيبهومش بيض البنت فارحة و ملقيت حتى سبة باش نقلها راح نفسخو الخطوبة قولواليا واش ندير ؟ |
ما تدير والوا ، واصل كما أنت و لا تجعل الوسوسة تحطم تفكيرك
هي بنت عمتك ، عمتك غير حاملة للمرض و بالتالي زواج القرابة هذا لا علاقة له بإمكانية ظهور المرض
لأن الصفة الغالبة ستكون صفة الأم التي هي عمتك و والدك الذي هو خالها ، اللذان لا يحملان المرض
إمكانية ظهور المرض في حالة زواج القرابة يكون كبير حينما تتزوج تلك الفتاة من شخص يقربها من أبيها ،
و بما أن المرض غير ظاهر في عالتها الصغيرة ، فإن إندثاره و إختفائه كبير جدا في حالة عدم زواجها من أقاربها من أبيها
أما زواجها من أقاربها من أمها التي هي عمتك الغير حاملة للمرض ، سيكون سببا في إختفائه
يعني ، إمكانية ظهور المرض في حالة زواجك بها قليل و ربما مستحيل ، و يمكنك إستشارة الطبيب في هذا
و لا داعي للندم و لا للطم الجبين
و ألف مبروك مسبقا
و ما تنساش تعرضنااااا
استشر طبيب اولا
و لما لا اخضعا معا للفحوص و ان تبين ان هناك احتمال انجاب اطفال مصابين
ففي هذه الحالة ستكون الصدمة عليها اخف
استشر طبيب اولا
و لما لا اخضعا معا للفحوص و ان تبين ان هناك احتمال انجاب اطفال مصابين
ففي هذه الحالة ستكون الصدمة عليها اخف
أخي الغلطة غلطتك انت …….أين هو دور الإستخارة ….و إستشارة أهل الرأي
في رأي إفسخ خطوببتك الآن ….أفضل من أن تظلم الفتاة معك غدا ……………
وفقك الله عز وجل
السلام عليكم مدام راك تشوف فيه مشكل من الافضل الابتعاد لان لااحد يضمن عدم وجود طفرة حتى بدون وراثة او بزواجك من فتاة اخرى وعلى الاقل لاتتهمها يوما بانها سبب هذه الطفرة باي شكل من الاشكال
ايااااااااااااااااااااااااااااااك تفسخ خطوبتك ثم ايااااك لانك راح تندم بزاف ومش حتقدر تصلح الغلطة
هذي ماهي الا وسواس خناس حاول تتغلب عليه وترمي همومك وتتوكل على ربي سبحانو
نصيحة اخت
سقسي مجرب ومنسقسيش طبيب