راااه قرّب الصيف و يبداااوا معااااه الأعراااس
أناااا بالنسبة لياااا كرهت الأعرااااس
و لوكااان نصيب مااا نحضر حتى عرس 
أماااا بالنسبة لي راااهم يروحوا للأعرااااس
تاااااكلوا تشربوا تفرحوا وترجعوا لديااااركم
و كاااين لي مااا يكلش الحلوى في العرس
يجيبهااا للدااار
باااش يديرولهااا تحليل 
مممم تاااع اللوز
تااااع الكاااوكاااو
بوووووووووه
و العروسة شفتي هاااذيك التصديرة 
و فلااانة و فلاااانة
ومول العرس يدير واااش يدير بصح موحااال يسلك من التمنشير
واااااش من كريدي وزيد كون هكاااا برك مااااعليه واااااش من عرس ماااايفوتش بلا الزقى 
من بعد يااااسيدي تفتحوا كاااامل المشااااكل مع ليااااام وسااااادت الراااااحة والهدوء
وعااااش الزوجين لااااباس عليهم
وفي يوم من الاياااام سمع الزوج بلي مرتو
حاااامل … طاااار من الفرحة مانحكيلكمش
الله الله راااااح يجيني وليد
كي نسميه ماااايكل ولاااا هنكل ولاااا جنقل
لاااا لخضر ولاااا على جدي الله يرحمو عبد البااااقي
اووووه كون طفلة هاااا الزهرة ولاااا عوالي
الزوجة يغيضهاااا الحاااال اناااا نسمي وليدي ولاااا بنتي نورماااالمو ميناااا ولا ليناااا ولا جيناااا
ولاااا ولد وساااام ولااا مهند
خلي حتى نخمم مليح
وام الزوج انا نسمي وليد وليدي بتقى على خويا الله يرحمو
ولااااا طفلة طلقهاااا ياوليدي مانحتااااجوش
يبداو يجهلوا يروح الزوج لمرتو وانت وااااش مديسيديا جيبي طفلة ولا طفل
الرجل …انا حاب ولد
المرأة …واناااا واش دخلني هدي حااااجة ربي لي مدهولي مرحبا بيه
الرجل …راكي مطلقة ألااافونس اذا طفلة
المرأة …وااااش هاااذ القوم لي جيت عندهم
يايماااا طلي علياااا
الام …خلاااات على بنتي وين رميتهااااا
المرأة … ياااااربي وانا ليخدمتو رااااهي حااااجة من ربي سبحانو
الرجل …بدون تعليق جهل بقسمة ربي
لكن ربي حنين كريم
و أعطاااالهم زوج بيبيااااات
بنت و وليد راااااهم يسمعوا في زقااااهم
البيبياااات …يادراااا وااااشبيهم ماااايخلوش البناااادم يرقد دقيقة ماااا يقيمونا ماااا يشوروناااا داااايرين غير راااايهم
الولد …لوكااان تسميني ماااماااا بيدرو
ولبنوتة …واناااا لوكااان تسميني جاناااات
آااااااه حتى البيبي عااااد يخمم على اسمو
من بعد الحمد لله زااادوا
و سمااااوهم كيمااا كتب ربي
و يوم بعد يوم تبدأ المشااااكل
تبدى الزوجة تحب تتشرط
.
.
..
تشريلي منصورية ولالا
اصبري مازال مافيراوش
بصح نسااات بلي قبل الزوااااج كااانت هاااكاااا
و من بعد الزواااااج
و الاولااااد
مااا عندهااا وين تروووووح
كاااانت مجرد أفكااار
ربمااا تحدث في الوااااقع
و ربماااا لا
اذن كل وااااحد يخبرناااا ويحكي لناااا عن عاااادات منطقته او عاااائلته
يخبرنا على الطريقة تاااع العرس
في la salle
و لااا في الدااار
و لااا في الخيمة
احكيولنااا على المهر
و على العقلية الساااائدة
أحكيولنااااا على الأولاااد كي يكونوا شكون يسميهم…
المهم كل ماااا يقدر يخبرناااا بيه ماااا يبخلش عليناااا
سلاااااااام من
أنفـــــــــــــــــــ أم ـــــــــــــــــــال
حنا رانا على الأبواب أحكونا على المهر هههههه مزال البري طالع والا هبطوه كلش يطلع ويهبط إلا المهر يطلع ومابهبطش هههه
عجبتني هذي ههههوالله يا اختي انا تاني وليت نكره الاعراس وشطيح ورديح
عراس عندنا ولات في صالة وزخ ونوخ وعشاتهم قرنينة
عندي عرس قريب نروح ليه في شرق الجزائري كي نروح نجي نحكيلك
ان شاء الله بلاك عوايدهم غير عوايدنا
احنا الحمد لله مكانش البدع بزاف …. مكانش لاصال .قاعة الحفلات وغيرها .المهر يتراواح بين 19 دورو وبين 20 مليون فرق شاسع ههههههه لأنها تختلف من الى .. يقولوا العريس يعرس ولمشوم يتهرس هههه…..موضوع قيم شكرا لك
ما كلاااه نحكيلك عندنا اههههييه حاجة أخرى
لازملك عام وانا نحكيلك
يقولو ** زواج ليلة يليقلو تدبير عام **
و كل واحد كيفاش يدير عرسو كيما حنا، في عائلة ابي يديرو فالدار أما في عائلة ماما يديرو في الصالة
أما بالنسبة للتسديرة ف في عائلة ابي لازم العروسة تلبس الشدة تاع تلمسان لأنه من الغرب أما عند عائلة ماما فلازم تلبس العروسة اللباس العاصمي
أما عن المهر ففي كلتا العائلتين ما يشرطوش الدراهم و انما يشرطو الهناء و على الراجل يفهم بلي لازم يمد دراهم حتى و لو ما شرطوش
موضوعك متنوع
مشكورة أختي
بالنسبة لعائلتنا ليست هناك مشكلة في الذكر أو الانثى فنحن سواء عند والدينا
عندنا الوالد يدلل فينا احن البنات
بصح ماما تدلل في الدراري
عجب رانا عايشين بالعكس
و الحمد لله أسرتنا متدينة و مثقفة بما يكفي ليعلم الأب أن تحديد جنس المولود يكون من خلاله
فكما نعلم الأب لديه كروموزم جنسي XY
أما الأم لديها XX
و المولود المحتمل يكون بتطبيق الخلط المورثي للجينات
يعني حتى يكون لدينا
ذكر لازم XY
أو أنثى لازم XX
و المعنى أن الأم المسكينة ما عندهاش Y لي عند الأب باه يلومها على الأنثى….
هذا بين قوسين فقط للآباء و للمقبلين على الأبوة ربي يهدينا أجمعين
بالنسبة للتسمية في دارنا لي يسبق للطبيب منهم في زوج يسميه هو
بابا سماني و سمى الدراري
و ماما لحقت و سمت غير أختي 
و لكان الزوجة تتعب و تجيب الأولاد و تهتم براجلها
و الله ماهي خسارة فيها مليون منصورية
و ما فيها والو ساعة على ساعة تنحي على بالها تلبس المنصورية مكان مئزر المطبخ
و دير العطر مكان رائحة الثوم و البصل
و دير ماكياج بدل الغبار
مادابيا نشوف ماما تحط الحطة في لعراس
كنشوفها فرحانة بالدنيا و ما فيها
و مادابيا الأزواج ساعة على ساعة يتفكروا نساهم بهدية بسيطة دون مناسبة….
مع العلم أني ما نروحش لعراس ههههه
يكسرولي راسي بالحس
وزيد غير المشاكل
و أهم ما فيه يديرولك سكانار مع الدخلة
وش لابسة..كفاه تمشي…و قداه مديت العون والا الكادو….يا يمى على النساء 
و العرس كان وحد الزمان غير في الدار يديروه
درك احم احم
ندير عرس ولدي والا بنتي في لاصال و الا ماكان لاه
و زيد لازم فرقة عيساوى تدخل لعروسة من الطوموبيل حتى لاصال لداخل
مبعد فقيرات مع العشية +قهوة +حلويات بين قوسين عصرية غير الللللللوز يخبط*هلكونا بعجينة اللوز القاطو كامل كيف كيف غير اللون و الشكل يختلف هههههه*
لعشيه يجيبوا فنانة مشهورة لازم للنساء في لاصال
والرجال راكم تعرفوها*تحيي السهرة فرقة فلكلورية* ههههه
و لي ما عندوش باه يجيب فنانات والا فنان
لازم Dj مليييييح
و الحمد لله كاينين ناس يديروا العرس بالأناشيد الدينية و كاينين لي يجيبوا فرق ملاح
العشاء يبداوا يعشيوا الناس البرانية مبعد يعشيوا لافامي هههههه مساكن
و العشاء كل واحد و مقدوره
على العموم
شوربة+كسكسي والا شخشوخة+مرقة زيتون+سلطة+ديسار+ليموناد والا عصير
عندنا في لا فامي
احم احم
يديروا شوربة+كسكسي+دولمة بالزيتون+دجاج محمر وحده +سلطة متنوعة يعني فيها كلشي *ماسيدوان*+ديسار+عصير*و ساعات تلقاي لي يدير مرقة حلوة*باللوز تاني هههه*
احم احم
يعني لي يجي عندنا لازم يكون تقريبا صايم نهار كامل و ادا غلط و جانا متغدي خلات عليه السبيطار يعيط *لا قدر الله*
راني نضحك معاكم برك
العروسة
قبل ما تجي سيييير خطبوها
كاينة منها
يعني كاين خاتم خطوبة+لاطارت *لازم كبيرة* هههههه
و يتفاهموا على الشرط فيها
كل واحد و عقليته
بصح على العموم عندنا يقولوا مالين لعروسة. احن ما نشرطوش
مالين لعريس.كي ما تشرطوش احن نشرطو على ارواحنا
صداق بنتكم 10 ملايين سنتيم+مقياس نحاس هههه ذهب باينة خلاص*و كاين لي يجيب طقم بارير بالعربية +و خاتم للعقد+خاتم للفاتحة+*ادا حبوا سلسلة مع الصوف* و الصوف لازم يكون تع كانيش ههههه
و كيفاه ….عبالكم لازم لاكاليتي
بالنسبة للعائلة نتاعي يقولك الفايدة في لهنا
*يلعبوها برك أو فاقوا هههه سير كون يقولوا مالين لعريس نقدروا نجيبوا غير الخاتم بابا علابالي بيه نورمال
بصصصصصح ماما….بعد ما يروحوا نعلقولها السيروم في السبيطار
لاتونسيون طاحت
وين راح بالك….
لالا….
مسكينة ملفرحة بالخطابة ما كلات حتى حاجة حلوة من الصباح علابيها طاحتلها لاطونسيون هههههههههه
من جهتي لوكان نصيب ندير كلشي في نهار واحد
و كي ندير الخطبة ندير العرس وراها بشهور برك
باه ما نكتروش على العريس
راكم تعرفوا….هدا عيد صغير…وهدا عيد كبير…والمولد يعيط…..
و لازم ندير الخطوبة وراء عيد ميلادي و لعرس قبل ما يلحق عيد ميلادي الجاي ههههههه
و الحق تاع ربي
لوكان نشرط نشوف قيمتي في هداك الشرط
و انا قيمتي اكبر من أي شرط
و الفاهم يفهم
الفايدة في لهنا و راحة البال
أقلهن مهورا أكثرهن بركة
و للشباب ادا العروسة عاونتكم هدا ما يخليكمش تحطوا من قيمتها من بعد…..راكم فاهمين واش راني نهدر
و بارك الله فيكم
بين قوسين التقاليد و العادات لي هدرت عليها راهي من الشرق الجزائري
المهم
بالاك كترت ملهدرة
أختي ام انفال الله غالب رانا غارقين في مجال البحث العلمي
و هدا الموضوع نحالي على بالي و خلاني نهدر….نهدر…نهدر
اففففففففففف
غلبت
راني نزيد نولي و الحاجة لي نتفكرها نزيدها
.
.
.
.
.
.
|
المشاركة الأصلية كتبت بواسطة zorro__dz
 حنا رانا على الأبواب أحكونا على المهر هههههه مزال البري طالع والا هبطوه كلش يطلع ويهبط إلا المهر يطلع ومابهبطش هههه
|
انت و السوق خويا ندبر عليك زيد اصبر الغرام تع الذهب زاد طلع و المهور راهي في السما
كشم يكون جديد راني نقلك :d
و لكن للأسف أشعر بالغم عندما يكلمني أحد عن الأعراس و عن الزواج بصفة عامة لأنه صار من المستحيلات السبع عند جل الشباب نظرا لتكاليفه الباهضة ناهيك عن غلاء السكن للإيجار أو للبيع.
إذا فالتفكير في الزواج هو مرض بحد ذاته،والله غير تغيضني عمري كي نشوف الأعراس و الكورتاج فيه تقريب 30 سيارة ماركة هاذي كورولا وهاذي ميجان كاسكيطا و هاذي شيفرولي و هاذي كابتيفا ووو و البارود و التزغريد و الكاميرا HD تصور في العرس و الديجي و الطعام و اللحم 10 نعجات و القاطو على كل لون،و أنا و غيري الكثير يشقى و يتعب و يسافر و لكن دوما نحن في الزيرو ما درنا والو،هناك فتاة من أقاربي طلبتها للزواج على بالكم واش قالتلي قالتلي يا إما أتدير كيما الناس أي كما ذكرت سابقا يا إما درق وجهك علينا و هاذ الهدرة ما تزيدش تعاودها،علاش كون ما عنديش الدراهم باش ندير عرس ب 40 مليون و نشري شامبرا ب 6 ملاين أو أكثر رغم أني عامل و عندي دخل محترم يسمح لي بالعيش الكريم و لكن العقبة الوحيدة في طريقي هي الزواج اللذي أصبح كابوس مفزع،أكره الأعراس أكره الصيف و الخريف و الشتاء و الربيع و كل الفصول الأربعة أكره كل شيء من حولي.
آســــــــــــــــــــــــــف و أرجــــــــــــــــــــــــوا المعـــــــــــــــــــــــــــــــــذرة
أني اثرت الهموم في نفوس الكثير و لكن للأسف هذه هي الحقيقة المرة و في الأخير
123
viva
l’algerie
|
المشاركة الأصلية كتبت بواسطة نينا الجزائرية
 عجبتني هذي ههههوالله يا اختي انا تاني وليت نكره الاعراس وشطيح ورديح عراس عندنا ولات في صالة وزخ ونوخ وعشاتهم قرنينة عندي عرس قريب نروح ليه في شرق الجزائري كي نروح نجي نحكيلك ان شاء الله بلاك عوايدهم غير عوايدنا |
وجدي روحك ماله
عندك ما تشوفي
|
المشاركة الأصلية كتبت بواسطة khaledinho
|
|
المشاركة الأصلية كتبت بواسطة khaledinho
ما كلاااه نحكيلك عندنا اههههييه حاجة أخرى
لازملك عام وانا نحكيلك يقولو ** زواج ليلة يليقلو تدبير عام ** |
والله عندك الحق
|
المشاركة الأصلية كتبت بواسطة red moon
مشكورة يا أختي على الموضوع
و لكن للأسف أشعر بالغم عندما يكلمني أحد عن الأعراس و عن الزواج بصفة عامة لأنه صار من المستحيلات السبع عند جل الشباب نظرا لتكاليفه الباهضة ناهيك عن غلاء السكن للإيجار أو للبيع. إذا فالتفكير في الزواج هو مرض بحد ذاته،والله غير تغيضني عمري كي نشوف الأعراس و الكورتاج فيه تقريب 30 سيارة ماركة هاذي كورولا وهاذي ميجان كاسكيطا و هاذي شيفرولي و هاذي كابتيفا ووو و البارود و التزغريد و الكاميرا hd تصور في العرس و الديجي و الطعام و اللحم 10 نعجات و القاطو على كل لون،و أنا و غيري الكثير يشقى و يتعب و يسافر و لكن دوما نحن في الزيرو ما درنا والو،هناك فتاة من أقاربي طلبتها للزواج على بالكم واش قالتلي قالتلي يا إما أتدير كيما الناس أي كما ذكرت سابقا يا إما درق وجهك علينا و هاذ الهدرة ما تزيدش تعاودها،علاش كون ما عنديش الدراهم باش ندير عرس ب 40 مليون و نشري شامبرا ب 6 ملاين أو أكثر رغم أني عامل و عندي دخل محترم يسمح لي بالعيش الكريم و لكن العقبة الوحيدة في طريقي هي الزواج اللذي أصبح كابوس مفزع،أكره الأعراس أكره الصيف و الخريف و الشتاء و الربيع و كل الفصول الأربعة أكره كل شيء من حولي. آســــــــــــــــــــــــــف و أرجــــــــــــــــــــــــوا المعـــــــــــــــــــــــــــــــــذرة أني اثرت الهموم في نفوس الكثير و لكن للأسف هذه هي الحقيقة المرة و في الأخير 123 |
انت نويت لحلال و حبيت السترة ليك وليها
و هي شافت لحلال في واش يديروا الناس
ربي يطيحها في لي يجيب كيم الناس
و ربي يطيحك في لي حابه لحلال كيفك
خلاصة القول الطيور على أشكالها تقع
بالتوفيق
|
المشاركة الأصلية كتبت بواسطة zorro__dz
حنا رانا على الأبواب أحكونا على المهر هههههه مزال البري طالع والا هبطوه كلش يطلع ويهبط إلا المهر يطلع ومابهبطش هههه
|
ربي يسهلّك
أمااا عن المهوووور نخلي الجدد يجاااوبوك
أناااا متشرطش
و ماااا نتشرطش في بناااتي
نطلبو الهناااااا
|
المشاركة الأصلية كتبت بواسطة نينا الجزائرية
عجبتني هذي هههه
والله يا اختي انا تاني وليت نكره الاعراس وشطيح ورديح |
و في لاااصاااال مول العرس مااا يتعبش
و كي يخلاااص العرس يروح للداااار يريح
بصحتك العرس لي راااكي راااايحة ليه
مااا تنساااايش تعمريلناااا القرع
شكراااااا لكي نيناااا نوّرتي الصفحة
.والله ما نعرف حاجة على الاعراس
الله غالب ما نخدمهمش
بصح شفت صوالح هاك وهاك
يعني الحالة ما تعجبش
وتبقى من خصوصيات المجتمع الجزائري
سلام…