اول هدف هو التعرف على معنى الاعراب التقديري
ثاني هدف هو التعرف على اسباب تقدير الحركة
مفهووووم حتى الان ؟
لاحظي معايا المثال التالي
كيف ترقى رقيك الانبياء
المثال الثاني
لم يساووك في غلاك…
المثال الثالث:
يقضي القاضي على الجاني
نفهمك بادارجة باش تدخلك المعلومة مليح
ظرك نتسائلو كاين علمات في الكلمات لتحتها سطر ولالا؟ معناها ظاهرة ولا مقدرة ؟
انا نجاوب اكيد مقدرة مراهيش ظاهلرة
واش نعربو الكلمة الاولة يعني ترقى ؟ تعرب كلمة ترقى اكيد فعل مضارع مرفوع بصح الضمة هنا ظاهرة ولا مكانش مقدرة يعني؟
الجواب هو مقدرة ….على واش مقدرة ؟ مقدرة على الالف المقصورة علواش مقدرة ؟ على التعذر
ملاحظة التقدير على حروف العلة 3
على الواو والياء لثقل و الالف التعذر
ظرك نروحو لكللمة علا هل حركتها ظاهرة ام مقدرة؟ واش تعرب ؟
الجواب اكيد هو
تعرب كلمة علا في المثال الثاني اسما مجرور بـ من وعلامة جره الكسرة هنا الكسرة مقدرة ولا ظاهرة ؟
اكيد مقدرة بصح على واش مقدرة اعزائي؟
الجواب مقدرة على الالف الممدودة للتعذر دائما قلنا لتتقدر على الالف دائما للتعذر
صحا نروحو للمثال الثالث
واش نعربو القاضي وهنا الحركة في اخر الكلمة ظاهرة ولا مقدرة ؟
اكيد مقدرة اذن واش نعربو القاضي؟
تعرب يااعزائي فاعلا مرفوع بالضمة ولاكن الظمة هنا مقدرة علواش مقدرة نقولو مقدرة على الياء لمذا للثقل وانا قلتلكم الياء والواو داءما للثقل
الخلاصة
الاعراب التتقدير هو وجود حركة في التقدير مع وجود مانع يمنعها من ظهور ويشمل الاسماء والافعال في زوج
تحياتي حساني اسامة / الافق الجميل/
شكرا بارك الله فيك اليوم الاستاذة جنت وهي تفهمهولنا
درس سهل جدا
استاد تعنا ما شاء الله
بارك الله فيك ننتظر المزيد
في مجال البلاغة :
عنوان الدرس : التضـمـين
الهدف من هذا الدرس هو: 1/ نتعرفو على مفهوم التضمين
2/ نوظفو التضمين في كتاباتنا
ملاحضة – اشرح الدروس بالعامية الدارجة لكي يسهل على الطالب الفهم يعني اهل الاختصاص لا يلمونا على طريقة الشرح وشكرا
نشوفو المثال الاول واش يقول :
قال الشاعر :
تعودت قهر النفس طفلا وانه …….( لكل امرئ من الدهر ماتعودا)
وقال المتنبي:
.( لكل امرئ من الدهر ماتعودا ).….وعادة سيف الدولة الطعن في العدا
المثال الثاني :
قال ابو فراس :
سيذكرني قومي اذ جد جدهم….( وفي الليلة الظلماء يفتقد البدر)
وقال قبله عنترة :
سيذكرني قومي اذا الخيل اقبلت…..( وفي الليلة الظلماء يفتقد البدر)
نلاحظو ان الشاعر في البيت الاول سلف بيت نتاع المتنبي لونه بالاحمر ودخلو في القصيدة نتاعو يعني اخذ نصف بيت ودخلو مع كلامو واصبح شطر نتاعو وشطر نتاع المتنبي ..مفهوووووووم الان؟؟
المثال الثاني
ابو فراس اخذ شطر من بيت نتاع عنترة بن شداد وضمنه في كلامه
ملاحظة :علاه سماوه التضمين؟ لأنو ببساطة الشاعر يضمن او يسرق شطر من بيت خاطيه…..وهذا في البلاغة يسمى التضمين..
الخلاصة :
التضمين هو ان يضمن الشاعر شيئا من شعر غيره. يتحفو مليح كأنه له وهو نوع من المحسنات اللفظية.
اخوكم حساني اسامة
اي استفسار او شرح درس الرجاء وضعه هنا وتنبيهي ..الي الملتقى مع درس اخر ان شاء الله
الشطر التالي خاطئ
لكل امرئ من الدهر ماتعودا
الصواب :
لكل امرئ منْ دَهْرِهِ ماتَعَوَّدا
((على البحر الطويل))
|
المشاركة الأصلية كتبت بواسطة بلقيس الهدى
 ملحوظة
الشطر التالي خاطئ الصواب : |
شكراااا اختي على التنبيه جزاك الله خيرا
انا شعبة رياضيات هل يمكنني المشاركة
|
المشاركة الأصلية كتبت بواسطة malak54
انا شعبة رياضيات هل يمكنني المشاركة
|
نعم يمكن لك المشاركة
بارك الله فيك…
جزاك الله خير
بارك الله فيكم على المرور الطيب
|
المشاركة الأصلية كتبت بواسطة GranD_AmjeD
درس سهل جدا
استاد تعنا ما شاء الله |
شكرا لك استاذ اتمنى ان تفيدن دائما بمعلوماتك القيمة
ا جزاك الله خيرا طريقة الشرح بالدارجة تقرب المعنة اكثر ننتظر منك المزيد استاد بارك الله فيك
العفو اخوتي ضعو عنوان الدرس المقبل واحوال شرحه لكم ان شاء الله