[size="7"] ا لسلام عليكم ورحمة الله وبركاته
كيفكم يا البنات نشاء الله لاباس انا عندي استفسار من الاخوات الخياطات حابة نشري مشينة نتاع خياوتصلح طة [color="purple"]للبرودي بلا ما تفسد كي نحولها من الخياطة للبرودي والعكس واش من مركة تنصحوني بيها وتكون متوفرة في الجزائر ارجو المساعدة عارفتكم ما تردونيش يا الفحلات[/size[/color]]
والله اختي انا نحب غير نخيط
و الطريزة مانعرفش
شريت مشينة من مدة تطرز لكن مافيهاش بالزاف نقط نتاع طريزة
اسمها
super zig zag 820
شريتها بثمانمية الف
مليحة شوي
نصحتني بيها الاخت افاق لانها تخيط بيها عندها مدة
انا ممكن نكون مانيش موالفة بيها مليح على بيها تقلقني
كاين الاخت لالئ واحد المرة نزلت مودال قندورة مطروزة ممكن تعطيك ماركة مشينتها لما تدخل
مشكورةحبيبتي على الاهتمام ولعلمكم راني نحوس على مشينة البيدال واحسن ماركة سانجار ولا مارسيداس او اي ماركة خرى
السلام عليكم ختي راكي باغية نتاع بردي افريكان ولا عائلية انا ننصحك بسانجار
مشكورة اختي ام هالة شهرزاد على مرورك العطر ولكن كانت عندي سانجار وفسدت مين بديت نردها للخياطة ومن بعد للبرودي ونهايتها كانت الخردة حابة حاجة مزدوجة العمل
اي مشينة حبيبتيكي تبدليها من لخياطة للطرز ولا العكس راح تجيب مدة باه تتعدل
ننصحك اذا قادرة وامكانياتك تسمحلك اشري وحدة تاع خياطة من الصغار انا عندي طويوتا
وللطرز شريت وحدة انوستريال مدايرتها للطرز سنجر
شكرا اختي ام اثري راح نعمل بنصيحتك ولكن طيوطا شحال تسوا
انا تاعي شريتها عندها بزاف قريب خمس سنين شريتها بمليون ثلاثمية اكيد يكونو زادو
راهو كلش طلع للسما غير لعباد
انا نطرز بمشينة singer ونخيط بيها وعاجبتني
شريتها عندها مدة ست الى سبع سنوات لا اتذكر
ثمنها وقت ما شريتها 3 ملايين و700
شكرا لكل من اهتم بمساعدتي
|
المشاركة الأصلية كتبت بواسطة ام إثري
 انا تاعي شريتها عندها بزاف قريب خمس سنين شريتها بمليون ثلاثمية اكيد يكونو زادو
راهو كلش طلع للسما غير لعباد |
انا اختي عندي تويوتا شريتها العام اللي فات بمليون و سبعمائة
انا نخيط بها برك