لحظــــات مخــــــبـــرية فــــي الفـــنـون المــطـبــــخـية
الدرس رقم 9
خبيزات السلق والجبن
مقادير الحشو
ربطة سلق
5سنينات ثوم
ملعقة صغيرة طماطم مصبرة
فلفل عكري
ملح
فلفل اسود
راس الحانوت
قصبر مطحون
كمون
2 ملاعق زيت
ماء
جبن
مقادير العجينة
2 كوب فرينة شوب تع القهوة
كاس شاي زيت
ملح
2 قرصات خميرة الحلوة
القليل من الماء لجمع العجينة
زيت للقلي
بياض بيض لتثبيت الخبيزات
طريقة التحضير
نغسل السلق جيدا ثم نقطعوه رقيق نحطوه في قددر نضيف له فنجان ماء ونغطيه ونتركه اطيب كيطيب نصفيه
في مقلاة نحضر التقلية ندرس سنينات الثوم نحط الملح الكمون راس الحانوت و فلفل اسود والعكري قصبروالزيت والطماطم مصبرة وقليل من الماء ونتركها تتقلى على نار قليلة ثم نضيف نصف كاس ماء كتغلي نضيف السلق ونخليه يتشرب التقلية حتى ينشف ويشرب كامل التقلية
نحضر العجينة بخلط الفرية والملح و2 رشات خميرة الحلوة والزيت انبسها مليح بالاصابع ونجمعها بقليل من الماء وما نعجنهاش
نحل العجين رقيقة نحطها في طابع السوفلي او نقطع دوائربكاس ثم نحط السلق لازم يكون ناشف ما فيهش الصوص باش ما يعجنش العجينة نحط قطع الجبن ندهن الحواف بالبياض ثم نغلق الدائرة ونثبت مليح باش ما تتفتحش ثم نقليها في الزيت على الجهتين مليح ونقدمها مع عصرات من الليمون مصحوبة بحساء او شربة
وممكن تعملي الخبيزات في الكوشة وتدهني الوجه بالبيض وترشي بشوية جلجلان ايضا اجي بنينة جدا
راني ننتظر في تطبيقاتكن لمزيد من لحظات مخبرية في الفنون المطبخية
دعوة خير تكفيني
مع تحيات ام اسلام واية ويوسف
ما شاء الله اختي من الصور تبان تشهي جازات الله كل خيرو جعل ايامك كلها حلوة
ماشاء الله روعة
يسلمووووو
خرجولك هااااااااايلين يعطيك الصحة
يبانو ي يهبلو يعطيك الف صحة حبيبتي كل وصفاتك تعجبني وتقريبا طبقتها وانستنا وصفات جديدة من يديك و ماطوليش علينا بزاف هههههههههههههه وشكرا مرة اخرى
ما شاء الله
خرجولك روعة
بارك الله فيك
ما شاء الله
متحوفين خاصهم شوية تحمار برك
لو كان فتحتي وحدة باش نشوفوها من داخل
شكرا لك
أهلا عزيزتي دائما متميزة في وصفاتك لكن عندي طلب اين اجد باقي وصفاتك حبذا لو تجمعينهم من الدرس الاول الى اللدرس الاحير حتى يتسنى لي رؤيتهم و تسلمين عزيزتي و بارك الله فيك و ربي يخليك ياغالية
الف شكر،بانتظارالدرس 10
بارك الله فيك حبيبتي ام اسلام واية ويوسف ربي يحفظهملك
سوفلي روعة وغني ما شاء الله اكيد بنته وحدها
مشكورة اختي واكيييييييييد راح نجربهم
ماشاء الله مرة ونص
يعطيك الصحة جاوك روعة رانا نستنو المزيددددد
ربى يحفظك
ya3tik saha ya chatra jawak raw3a
شهية جدا يعطيك العافية
روووووووووووووعة يعطيك الصحة هايلين يشهو ان شاء الله نجربهم نمووووووت على السلق