مساء الخير
انا مشكلتي في القياس
واش هو القياس لي تجيني فيه الخياطة مربع تاع السرير
اني مزروبة بالخدمة
من فضلكم مساعدةةةةة
مافهمتش طلبك واش تقصدي بالضبط
الاخت حسناء اليمامة خدمت واحد شوفيه وراهي
شارحة كلش بالتفصيل وادا احتجتي شيء اسالي ونجاوبوك
https://www.djelfa.info/vb/showthread.php?t=1531704
السلام عليكم
اختي حورية انا ايضا حابة نخدم كوفرولي بالسموكس لكن بهذه الغرزة
ادخلي للموضوع وساعديني ارجوكي
حورية اختي دايما هنايا في المساعدة ربي يخليك و يعطيك على قد قلبك
لا شكر على واجب وانا علمني المنتدى بفضل العضوات ربي يحفضهم بزاف حوايج ماكنتش نعرفهم ورانا هنا باش نمدو وندو
كنت حابة نعاون الاخت سدر المنتهى لكن النت صباح كانت كارثة الله غالب ولكن لبنات كانو في المستوى
ادا احتجتي اي شيء ونقدر عليه راني هنا
ربي يخليك حورية
انا المخدة لي نديروها فوق السرير حبتها على شكل مربع مش مستطيل
انا كي نخيط دائما تجيني مستطيل قوليلي واش ندير باه تجيني مربع
انشاء الله تفهميني
القماش فصليه مربع وقبل ما تخيطي //بعد ما تخدمي الغرزة قيسي الاضلع تاع المربع والمربعات في الباترون لازم يكونو كيفكيف // باش تتاكدى انو مربع
من نعد نزيد نشوفلك القياسات بالظبط
ممكن الغرزة لي راكي تخدمي بيها ما ساعداتكش ………….
واش من غرزة راكي تخدمي فيها باش نحاول نمدلك المقاييس
نظن ما راهيش تخرجلك مربع لانه كاين بزاف غرزات ما يتكمشوش بالطول قد ما يتكمشو بالعرض
فهمتيني و انا عادة كي نخدم الكوفرولي نحسب شحال اصبح بعد الخدمة في الطول و العرض و ندير قاعدة ثلاثية و نصيب المقاسات على مخدة
نعطيك مثال
كوفرولي خدمتو بغرزة نصف الضفيرة واكي خدمت المخايد حبيتهم مربع
حسبت لقيت باش ندير مخدة تاع 55/55 لازملي تقريبا 85/76
و كيما قالت الاخت حورية بارك الله فيها على حساب الغرزة
شكرا ليكم على المساعدة
يعطيييييييييكم الصحة