بعد بسم الله السلام عليكم ليوم جبتلكم وصفة مجربتها بزاف واليوم قلت نصورها ليكم وهي
minis baguettes farcies
التحضير: 3 كيسان فرينة +2 مغرف صغيرة ملح +2 مغارف كبار خميرة خبز + 1 خمارة تاع حلويات+4 مغارف زيت نصف علبة ياؤورت طبيعي + ثلاث الارباع كاس حليب دافئ خلطي هذه المواد واجمعيها بالماء دافئ حتى تولي عجينة طرية ادلكيها قليلا وغطيها وخليها تخمر.
الحشوة: نقطع 2 بصلات رقيق ونذبلهم في شوي زيت وملح على فكرة ضروري لما تقلي البصل ديريلو فلبداية شوي ملح باش يذبل بسرعة ثم تحبي ديري شوي فطر وقليه مع البصل انا مدرتوشنحيه من النار وضيفيلو علبة طون + 2 بيضات مغليين ومقطعيين + 3جبن مثلثات +شوي زيتون اسود او اخضر مقطع دوائر + معدنوس مقطع حوالي مغرف فلفل اكحل وشوي كمون قليل وشوي فلفل احمر حلووخلطي الكل.
لما تخمر العجينة نكسرها ونشكل كويرات بحجم حبة المندرين نحلهم بالحلال على شكل مستطيل وتكون رقيقة
ثم ضعي فوقه الحشوة
ولوي العجينة ولسقيها بيدك مليح على شكل labaguette
وخليها تخمر ثم ادهنيها بالحليب ورشيعليها جلجلان او سانوج
ودخليها طيب في فرن سخون 210د حتى تحمار
هذه الوصفة عندي 6 سنين نديرها من عند شيف اسامة وتقدري ديري الحشوة باللحم مرحي طيبيه كيما البوراك
اتمنى تعجبكم تحياتي
مممممم تسلم الايادي حنونة…
الله يبارك عليك اختي راكي جايبتها من كلش في الكوزينة
ما شاء الله
يعطيك الصحة
بارك الله فيك اختي
مشكورات على المرور العطر تشرفت بكن اخواتي الكريمات لكم كل الحب والاحترام
بارك الله فيك اختي ياسمين جاك هايل
|
المشاركة الأصلية كتبت بواسطة ام خديجة1
 بارك الله فيك اختي ياسمين جاك هايل
|
يبارك فيك اختي ام خديجة منورة دائما
يعطييييييييييييييييك الصحة حنونة
بارك الله فيك
مشكورة اختي تبان شهية بزاف
بارك الله فيك يااختي خبز باين هايل فكل وصفاتك رائعة
الف شكر لكن اخواتي الكريمات تشرفت بهذه الردود الجميلة تحياتي الخالصة
هايل يعطيك الصحة اختي ياسمين