حوار المتزوجات فقط 2024.

مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف
انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة
راني نستنا في ردودكم وفي مشاركات اخرى

ربي يعطيك الصبر ويرزقك بذرية الصالحة ان شاء الله اختي الكريمة

اصبري اختي وكاديريش على ام زوجك الصح في راجلك واطلبي من ربي يهدي ام الزوج نتاعك وان شاء الله يا ربي تترزقي بالذرية الصالحة وتعمري الدار

بسم الله الرحمن الرحيم والسلام عليكم
انا ايضا لدي مشكلة مع الزوج نتاعي صح يحبني ويعزني لكن في بعض الاحيان يصبح شخص اخر ويصير ميفهمنيش ويغضب لاتفه الاسباب لدرجة انه يجرحني بالكلام ثم يندم ويطلب المسامحة لكن انا في بعض الخالات منقدرش نسمح وايضا منتفاهموش في العقلية ………..راني صابرة واللي مصبرني حبه ليا لاني مننكرش انه يعزني و يموت عليا

السلام عليكم
فكرة تهبل نقول لي حبيبتي تسنيم انا نعطيك دواء و ان شاء الله ترفدي والله نعرف وحدى قعدت 10سنين وكي دارته رفدت

ارك الله فيكم
واش هو الدواء ياخيار الناس خلينل كامل نستفادو

قل لن يصيبنا الا ما كتب الله لنا عليك بالدعاء في كل اوقات الاجابة ورب يرزقك هو الحنان المنان لا تقنطي من رحمة الله أخية و الصبر مفتاح الفرج

والله توكلي على الله ياما في ناس صبرت ونالت والله راه يختبر فيك ولكي يستجاب دعاؤك ما عليك سوى قيام الليل ولو مرة في الاسبوع انت و زوجك و سترين النتيجة واله سادعو لك الله في صلاتي.

السلام عليكم
من باب الفضول اطلعت على الموضوع رغم اني مش متزوجة وراني سمحت لنفسي باش نشارككم ان شاء الله تقبلوني اخواتي لا يوجد بيت يخلو من المشاكل وتبالي حلاوة الحياة في هذه الاختلافات (تنعش الزواج) ولا وش رايكم كنت نظن بلي الزواج سعادة ومعيشة لكن يبدو اني مخطئة تبقى ديما حاجة؟؟ دعائي ان شاء الله ربي يزوج كل عازبة ويهني كل متزوجة ويرزق كل محرومة بالذرية الصالحة يارب قولو اميييييييييييييييييييييييييييييييييييييييييييييييي يييين
من خلال تطلعي في النت وجدت في واحد المنتدى هذا الموضوع اللي ان شاء الله يفيدكم ونطلب منكم الدعاء بالخير لصاحبته وادعيولي انا ثاني

انا نقولك بلي تحكمي طريق ربي او متحبسيش علي الدوا بالصح الراجل خلقو ربي خائن بالفطرة او في دقيقة يبيعك والمرا مسكينة غير اتبع انا نحكيلك على بنت عمي تزوجت او منابش عليها ربي 8سنوات ونهار عرف بلي يجيب الولاد اتزوج اعليها والله ما يتامنوا .المسكينة راها ضرك تكمل في قرايتها باه ما تحتاج حتى واحد والديها ما راهم دايمينلها .انا على روحي متزوجتش حتان ن كملت قرايتى .نصيحتي ليك يا اختي الكريمة انك اديري حاجة تخدميها باه متقلقيش والحاجه اللي ما جاتكش في الدنيا تلقايها عند ربي مخبية.

السلام عليكن الحياة الزوجية لا تخلو من المشاكل وعلى الواحدة منا ان تكون ذكية في التصرف مع زوجها فكل الازواج عصبيون ويغضبون لاتقه الاسبابالمهم ان لا نجعل من الحبة قبة ولا نعكر صفو حياتنا الزوجية ولا تنسوا الاية الكريمة[هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ] (البقرة: 187. ومشكلة تاخر الحمل فعلا مقلقة لكن مادام الامر في يد الله فلا تيأسن فالله يرزق من يشاء بغير حساب عليكن بالصبر وكثرة الاستغفار والصدقة.