مقادير العجينة
4 بيضات – كأس سكر – كأس زيت – 2 خميرة كيمائية – قشور الليمون – 3 كيسان
فرينة –
للتزيين 400 غ معجون – نصف كأس فرينة
التحضير – نخلط البيض و السكر جيدا ثم نضيف الزيت و قشور الليمون و فى الاخير نضع الفرينة مع الخميرة ننقص حوالى 6 مغارف كبار من العجينة و نضع لها نصف كأس فرينة و نفرغ العجينة فى صينية مدهونة بالزيت و نضع لها المعجون
و نأخذ 6 مغارف التى أضفنا لها نصف كأس فرينة و نسكرفجها فوق المعجون
و ندخلها للفرن يكون سخون من قبل حوالى 40 دقيقة
و لما تبرد جيدا نقسمها .
شكرا أختي ……انا مالفة نديرو حتى في العيد نقصلو الخميرة باه مايجيش طالع بزاف ونلون العجينة بالبرتقالي ولما تطيب وتبرد نقطعو معينات كي البقلاوة .يجي باهي ….بصح مايطولش بزاف خاطر ييبس عليها من الاحسن نبدلو الزيت بزبدة ذايبة …..هذي تجربتي الخاصة …تقبلي مروري….
بارك الله فيك
مشكور اختي على الوصفة
شكرا علي الوصفة
شكرا على الكيفية واحنا نسميوه قاطو بساط الريح
اختى العزيزة ما فهمتش مليح يعنى طبقة عجينة ثم طبقة معجون ثم طبقة العجينة المسكرفجة
هكا ولا لا
شكرا اخواتى على المرور نعم طبقة عجينة ثم المعجون ثم طبقة العجينة المسكرفجة
بارك الله فيك
شكرا علي الوصفة
الف شكر اختي
الشكر لكل الاخوات و بارك الله فيكن
تسلم الايادى اختى على الوصفة الرائعة