حلوى الفروماج والقوفريط***من مطبخي

أهلا أحبتي جبتلكم قاطو لذييييييييذ وبدون بيض ولا سكر الجيريا راح يعجبكم سهل ومفيهش التعب ومكوناتو غير مكلفة ونتمنى تجربوه راهو بنيييين قاطو الفروماج والقوفريط شكلو مثلثات لازم يكــــــــــــــون مثلــــــــــثـات الجيريا
نخليكم مع المقادير غير مكلفة

-150غ مارغارين بحرارة الغرفة
– 100غ بسكوي مرحي رطب (أي بسكوي أنا ستعملت بيمو)
– 90غ قوفريط مرحي رطب
– 2 ملاعق كبيرة نشا
– 2 م ك ماء زهر
– 2 م ك زيت
– 2 م ك عصير ليمون
– م ص فاني — قرصة ملح — نصف باكي خميرة الحلوى
– فروماج 2 مثلثات (( انا مكانش عندي مثلثات ))
-فرينة خسب الخليط (( ميحتاجش بزاف ))

للتلصيق نحتاج معجون (أي معجون )
للتزيين معجون + ماء زهر + قوفريط مدشش
القوفريط استعملت هاذ النوعية هي مناسبة جدا لهاذ الحلوى ومقرمش ولذيييذ وانت والرغبة نتاعك

الطريقة:
– حطي المارغارين + الفاني والملح وخلطي ملييييح أنا خلطت بملعقة خشبية حتان تبياض المارغاريت + الفروماج+ الزيت + ماء زهر + عصير ليمون وزيدي خلطي ملييييح
– من بعد حطي البسكوي +القوفريط +النشا
– الآن زيدي الفرينة شوي شوي حتان تتكون عجينة طرية كيما السابلي
– خطبها بـ بلاستيك وحطيها في الثلاجة لــ15د برررررررك

– أجبديها وحضري أدوات لي نحتاجوهم ( سكين – حلال – بلاستيك – طابع مثلث- فرينة باش ميلصقص الطابع في العجينة – و لوحة تحلي فوقها اذا أمكن )

– وشعلي الفرن 180° والصينية تكون في الوسط
– حلي العجينة ولازم يكون فوقها بلاستيك وطبعيها وحطي الحبات في الصينية ودخلي للفرن حوالي 15د ميديش الوقت في الطياب حتان تشوفي الحبات بني من تحت طفي عليه

– خليه يبرد من بعد لصقيه بالمعجون أنا درت معجون الفراولة حطي قداش حبة قدام بعضاهم كيما في الصورة باش تربحي الوقت وحطي حبة فوق حبة وخليه يجف شوي لساعات