السلام عليكم ورحمة الله وبركاته
اليوم جبتلكم طريقتن لحلوى سهلة واقتصادية الى حد ما بمناسبة العيد اعاده الله علينا وعليكم بالخير واليمن والبركة هذه صورة الحلوى اللي راح نعملها
اولا نبدا بالاولى وهي عبارة عن صابلي على طريقتي طبعا
نحتاج الى
500غ مرغرين
بيضة
كاس نشا
كاس سكر بودرةمعطر
نصف كيس خميرة حلويات
وفرينة(طحين)
للتزين
نحتاج الى مربى المشمش وشوكولاطة سوداء خاصة بالحلويات
الطريقة
راح نخلط الزبدة مع السكر جيدا ثم النشا ثم البيضة والخميرة وخيرا الفرينة
حتى تتحصلي على عجينة طرية تشكليها مثل ماتحبي اختاري القالب الي يعجبك
ونحطها تنضج
بعدما تنضج راح ناخذ كل قطعتين ونلصقهم ببع بالمعجون ونزين بالشوكولاطة
ملاحظة طريقة التزين كل وحدة وذوقها
الحلوى الثانية عبارة عن حلوى تسمى عندنا بالجزائر بوسو لا تمسو
المقادير
نحتاج الى
500غ مارغرين
بيضة
ملعقة نشا
ملعقتين سكر بودرة ( ممكن الاستغناء عنها)
مبشور ليمونة زائد عصير اليمونة متوسطة الحجم
نصف كيس خميرة حلويات
ملعقة كاكاو لاعطاء لون بني للحلوى (اختياري)
طحين
للتزيين
رطل سكر بودرة معطر
الطريقة
نخلط الزبدة مع السكر والبيضة والنشا واليمون والكاكاو وفي الخير الدقيق حتى تتحصلي على عجينة طرية قابلة للتشكيل
راح تاخذي العجينة والديري حربوش طويل وتقطعي على شكل مربعات او معينات مثل ما تحبي
والطيبي في الفرن لما تخرجيها من الفرن مباشرة ديريها في مسحوق السكر البودرة المرة الاولى
بعد ماتبرد تعيدي وتغليفها بالسكر البودرة وحطيفي الصحون الورقية
والف صحة وهنا
واي سؤال انا بالخدمة
بسيطة وسهلة وكلاهما خفاف انا بالنسبة لي مجربتهم في انتظار الجديد
شكرا على الوصفات
لكن أنت متأكدة بلي الصابلي بحبة بيض برك أنا دايما نديرها ب500غ زبدة و4حبات بيض
|
المشاركة الأصلية كتبت بواسطة yasoso_soso
 بسيطة وسهلة وكلاهما خفاف انا بالنسبة لي مجربتهم في انتظار الجديد
|
شكرا سوسو على المرور بصحتك بانتظار الجديد من عندك
|
المشاركة الأصلية كتبت بواسطة جيجلية
شكرا على الوصفات
لكن أنت متأكدة بلي الصابلي بحبة بيض برك أنا دايما نديرها ب500غ زبدة و4حبات بيض |
اهلا اختي جيجلية متاكدة انا قلت صابلي على طريقتي
وجي خفيف وبنين جربي مش راح تندمي
يعطيك الصحة على الوصفات الجميلة والاجمل انها من صنع يديك.بارك اللّه فيك وحفظك من كل شر.
شكرا لك يعطيك الصحة انا شريت نفس الطابع و مازال ماستعملتوش كل عيد ندير ليسابلي بطابع انشاء الله المرة هده ندير متلك عجبني التزيين صحيتي و عيدكم مبارك
بارك الله فيك
merci infiniment ma soeur
[IMG]https://**********/N0tDY.gif[/IMG]
بارك الله فيك
شكرا على الوصفات البسيطة والجميلة ..يعطيك الصحة
شكرا شابة بزاف
شكرا تسلم الايادي