، كيما وعدتكم اليوم رايحة نقدملكم وصفة حساء الشفلور ونتحداكم إذا طبقتوها كيما حطيتهالكم أنو أي شخص يذوقها يفيق باللي فيها شفلور …….. مستحيل 
.عندي مدة طويلة كنت حابة نجربها بصح مترددة ، متخوفة من طعم الشفلور لكن كاينة أخت هنا شجعتني نجربها وفعلا قريت بزاف وصفات من النت وحدة ماقنعتني 100/100
لهذا جربت نعملها بطريقتي وفعلا عاودتها عدة مرات والطعم روعة في البنة وساهل ماهل ويحمر الوجه قدام الضياف.
– راس شفلور صغير أو نص راس كبير
– حبة بصل متوسطة مقطعة شرائح
– حبة بطاطا كبيرة أو 2 حبات متوسطين مقطعين مكعبات
– 2 فصوص ثوم مقطعين شرائح
– 3 ملاعق كبار زيت + 2 ملاعق كبار زبدة أو مارغارين للتقلية
– 2 ملاعق فرينة ماشي معمرين مليح
– التوابل : ملح ، ثوم ، فلفل أسود ، ثوم بودرة ، مكعب مرق دجاج ماجي ، 2 اوراق رند.
– جبن أبيض ضروري
– أي نوع جبن آخر يفضل كامومبير أو جبن أحمر أو قرييار المهم جبن ذو طعم لاذع شوية.
– 1 ملعقة كبيرة معمرة مليح كرام فراش.
الطريقة :
1- نظف الشفلور مليح ونحاول نتخلص من العصاعيص نتاعو
يعني نحاول نحافظ على الجزء العلوي منو مثل مايظهر في الصورة لأنو العصاعيص هذوك هوما اللي فيهم الريحة نتاع الشفلور مركزة ويطلقو الماء بزاف .2- نظف باقي الخضار ونقطعها.
3- نحط على نار متوسطة (على الكانون الكبير ) في كوكوط الزبدة والزيت يسخنو ونضيف الشفلور والبصل يتقلاو ونبقى كل شوية نحرك لازم يتقلاو مليح والشفلور يكتسب لون ذهبي . هذي الخطوة مهمة جدا لأن لما نقلي الشفلور مليح في الزبدة رايحة تروح ريحتو والتحمار نتاع الخضار رايح يعطيني طعم لذيذ من بعد للحساء.
4- نضيف البطاطا والثوم ونقلي حتى تكتسب هي أيضا لون ذهبي وكل شوية نحرك لازم نقلي مليح. ممكن في الصور تبان ماشي مقلية مليح لأنو الإضاءة قوية لكن في الواقع لونها راهو بني فاتح .
5- نضيف التوابل كلها + الفرينة ونقلي غير شوية فقط حتى تكتسب الفرينة اللون الذهبي. اللي يحب الحساء يكون خفيف وماشي ثقيل كيما الكريمة ممكن يستغني عن الفرينة لكن أنا نفضل نحط فرينة.
6- الآن نضيف ماء ساخن ومانكثرش الماء فقط حق مانغطي الخضار لأن الشفلور يزيد يطلق الماء نتاعو وأصلا يطيب بسرعة.
7- كي يغلي المرق نغلق الكوكوط ونحطها على الكانون الصغير لمدة 20-30د لا أكثر راهي طيب بسرعة.
8- نحل الكوكوط ونحي أوراق الرند ونضيف الأجبان أنا حطيت كمية مليحة جبن أبيض + شوية من كريمة الكامومبير وحبيت نضيف شوية نتاع شيدار لكم الاختيار . في هذا الحساء لازم إضافة جبن طعمو لاذع باش يختفي تماما طعم الشفلور اللي أصلا راح مع التقلية في الأصل يحطولو جبن أزرق أو كامومبير لكن لاأعتقد أنو طعم الجبن الأزرق يعجبكم وزيد غالي بزاف
.9- نمكسي الخليط بالميكسور ونرجعو للنار ونضيف الكرام فراش ونحرك حتى يهز الغلية ونطفي.
10-حتى هنا الحساء راهو واجد ممكن يقدم مباشرة . هنا كي يكونو عندنا ضياف بعد مانطفي مباشرة نضيف قطع جبن أبيض مقطع مكعبات وكي نبغي نحط في الصحون نحرك بالشوية باش ماتتفتتش قطع الجبن ونحط في الصحون ونتأكد أنو كل الصحون فيها قطع جبن . طبعا تقديم فاخر للضياف يحمر الوجه.
.
بااااااااااااااااارك الله فيك ختي الهام انا شخصيا نحب نتعلم الشوربات ووصفاتك رائعة ماشاء الله عليك ربي يجازيك
شهيتينى
بارك الله فيك دمتى لنا اختى
شكرا لهومة عندي شوفلور و مالقيتش كيفاش نتخلص منو بادن الله نجربها
هايل اختى يعطيك الصحة
هههههههههههههههههههههه
عجبتني هدي
شكرا على الوصفة
الله يبارك طبق كامل متكامل������
ربي يحفظك ويسترك ويرزقك من أوسع أبوابه ياااااااااااارب������
نوري الطريقة لأختي ونحاولها شوي تجربها هههههه������
على ضمانتك������
أحلى تقييم لأحلى لهلوبة حلوة⭐️⭐️⭐️⭐️⭐️⭐️
امواااااااااااح������
يا لهلوبة يا ملكة الحساء هاتي راسك نبوسوووووووووو يعطيك الصحة و العافية
الله يبارك تسلم الايادي
تعيشي لهومة نطلب منك طلب ادا تعرفي وصفة الحلقومة زوجي يحبها بزاف وحابة نعملها في البيت الله يبارك في عمرك و يحفظلك والديك
الهام حساء رائع شكرا على الوصفة
مممممممممممممممممممممممممممممممممممممممم هايل يعطيك الصحة
امممممممممم الله يعطيك الصحة شهيتيني
امممممممممم الله يعطيك الصحة شهيتيني
رووووووووووعة يشهي يعطيك الصحة