جديد بادنجان سيجار رولي وفارسي+اعادة للبادنجان المحشي 2024.

السلام عليكم نظرا لطلبات الاخوات فيما يخص مراحل عمل البادنجان المحشي بالجبن راني عاودت عملتو وصورت المراحل بالتفصيل وزدت عمل اضافة من عندي وهي بادنجان سيجار بطريقة جديدة وبشكل جديد نتمنى يعجبكم
هاد المرة قليت البادنجان قبل مانحشيه وجا المداق خير من اللي عملتو المرة السابقة في الفرن
المهم نخليكم مع الصور ونتمنى تجربوه لانو فعلا رائع ويصلح للعرضات والعزومات انا عملتو للغدا مع سلاطة وبطاطا مقلية واي استفسار انا في الخدمة
ماتنساوش تعطوني رايكم راني نستنى

المكونات
بادنجان +فروماج وممكن تتعملي لحم مفروم في مكانو +بيضة مخفوقة+فرينة+خبز مرحي او شلبلير+زيت للقلي

اولا تنقي البادنجان وتقطعيه شرائح متوسطة عدليها بالسكين حتى تولي كل شريحتين من نفس الشكل والحجم ترشيها بالملح وتخليها 5د حتى تطلق الماء تنشفيها منو بورق ماص

تقليها في الزيت من غير ماتتحمر وتحطيها على ورق ماص حتى تبرد

تاخدي شريحة تحطي فيها قطعة من الفوماج انا بصراحة كل اطباقي نستعمل فيها جبن باربار فعلا روعة او تحطي حربوش من اللحم المفروم حسب الرغبة وترولي حتى يولي شكل سيجار

مرغديه في الفرينة مليح خاصة الجوانب

ثم في البيضة المخفوقة مع شوية ملح

ثم في الشابلير

او ديري طبقة من الجبن او اللحم المفروم فوق شريحة البادنجان

غطيها بشريحة تانية من البادنجان

مرغديها في الفرينة ثم البيض ثم الشابلير

اقليهم في زيت غزيرة وحطيهم مباشرة فوق الورق الماص

قدميهم مع سلاطة او بطاطا مقلية ولا حسب الرغبة

شوفو الشكل من الداخل والجبن دايب اممممممممممممممم طعم لا يقاوم

راني نستنى تقييمكم

3ajbatni la recette njarabha merci

اقتباس:

المشاركة الأصلية كتبت بواسطة nournour59 3ajbatni la recette njarabha merci

مشكورة اختي العزيزة على المرور وراني بانتظار تطبيقك ورايك يهمني

يعطيك الصحة يا لحبيبة
والله مواضيعك رائعة وطبخك أروع
عن نفسي استفدت كثيرا منك

ربي يخليك ويعطيك ما تتمناي

اقتباس:

المشاركة الأصلية كتبت بواسطة *عاشقة الجنة* يعطيك الصحة يا لحبيبة والله مواضيعك رائعة وطبخك أروع عن نفسي استفدت كثيرا منك ربي يخليك ويعطيك ما تتمناي

الله يسلمك اختي مرورك هو الاروع
حتى انتي مواضيعك كلها روعة وانا تاني من متتبعيها ومنين نجوع ندخل نشوف الزيراوي نسخف مليح ونخرج هههه
ادعيلي معاك ربي يرزقني الذرية الصالحة

يعطيك الصحة نجربها و نردلك لخبر

اقتباس:

المشاركة الأصلية كتبت بواسطة عاشقة الرمال يعطيك الصحة نجربها و نردلك لخبر

راني بانتظار تطبيقك ورايك اختي مرورك نور صفحتي

اقتباس:

المشاركة الأصلية كتبت بواسطة ninafret الله يسلمك اختي مرورك هو الاروع حتى انتي مواضيعك كلها روعة وانا تاني من متتبعيها ومنين نجوع ندخل نشوف الزيراوي نسخف مليح ونخرج هههه ادعيلي معاك ربي يرزقني الذرية الصالحة

يا عمري يخليك ويحفظك
الزيراوي راه ساهل غير يكون عندك سميد خشن ديريه
واذا متقدريش اطيبيه ف الطاجين ضرك نحط طريقة نطيبوه ف الفرن

*اللهم إني أسألك بكل اسم سميت به نفسك أو أنزلته في كتابك
العزيز ان ترزق اختنا الغالية بالذرية الصالحة يا رب يا رحمن يا رحيم
يا مجيب الدعوات استجب لدعائي*

دعائي لك حبيبتي في صلاتي باذن الله

أمممممممممممممم وصفة رائعة يعطيك الصحة ، كنت ننتظر نهاية أخرى للباذنجان هههه.

walahhh rawaa yaatikk sahaa

مشكوووووووووووووووووووووووووورة

[IMG]http:/[/IMG]

اقتباس:

المشاركة الأصلية كتبت بواسطة *عاشقة الجنة* يا عمري يخليك ويحفظك الزيراوي راه ساهل غير يكون عندك سميد خشن ديريه واذا متقدريش اطيبيه ف الطاجين ضرك نحط طريقة نطيبوه ف الفرن *اللهم إني أسألك بكل اسم سميت به نفسك أو أنزلته في كتابك العزيز ان ترزق اختنا الغالية بالذرية الصالحة يا رب يا رحمن يا رحيم يا مجيب الدعوات استجب لدعائي* دعائي لك حبيبتي في صلاتي باذن الله

فرحتيني بدعواتك يا اختي العزيزة ربي يعطيك ماتتمناي

شكرا لكن اخواتي على المرور