هذي طريقتي في تعليب الفاكهة تماماً مثل التي تباع و بدون مواد حافظة و ملونات
انا عملت البرتقال و ممكن استعماله في العصائر و التحليات و التورتات و السيرو تاع البرتقال نقدرو نسقيو بيه البسبوسة و لي بابا و الجينواز وووووبزاف حلويات اللي تحتاج للشاربات
نقشرو البرتقال و نقطعوه و اذا فيه بذور نحيوه
نغليو برطمان زجاجي مدة 30 دقيقة
نرصو البرتقال في البرطمان
نغليو كيلة سكر مع كيلتين ماء حتى تظهر الفقاعات
نصبوه و هو يغلي فوق البرتقال ننتظر دقيقة
و نغلق البرطمان بفيلم بلاستيكي ثم الغطاء ، تأكدوا دائماً من الغلق المحكم
نغليو البرطمان لمدة 20 دقيقة في الماء لازم يكون مغطي كاااامل بالماء
و نخبيو البرطمان في مكان بارد و جاف حتى ثلاث أشهر خارج الثلاجة
هذه الطريقة درتها مع الكرز و الخوخ و المشمش و االليمون و البرتقال و الأناناس و الآجاص و كان الطعم رائع ، لكن الفراز ماعجبنيش طعمه كان مثل طعم المعجون
من الافضل لف البرطمان بقطعة قماش اثناء الغلي كي لا يتحرك من مكانه
بالصحة و الهناء
انا اول من ردت نديهم كامل يعطيك الصحة شكرا تستاهلي احسن تقييم
تفضلي يا غالية اكيد ما يغلاوش عليك
الله يسلمك و يغلي شانك صحيتي يالفحلة
:m h31:
يعطيك الصحة زينب
جربت هاذ الطريقة من قبل مع المشماش وخرجلي رووووعة وراني معولة نعاودها هاذ العام وندير الخوخ تاني
و التفاح درته تاني واستعملته في طاجين الحلو درت تفاحات صغار بلا مانقطعهم
يعطيك الصحة يا الغالية
شكرا بارك الله فيك نجربها ان شاء الله
يعطيك الصحة يا زينب و شكرا على ألأفكار النيرة
الله يبارك زينب يعطيك الصحة افكار روعة شكرااااا جاري التطبيق ان شاء الله
شكرا باذن الله نجربها
ربي يبارك كل مرة تنورينا بفكرة أروع من لي قبلها
ان شاء الله سأعتمد طريقتك في تصبير الفواكه
جزاك الله خيرااااااا
تستهلي كل خير على كل ما تقدمينه من روائع
حفظك الرحمان عزيزتي
وصفة هايلة يعطيك ألف صحة
وصفة هايلة يعطيك العافية