السلام عليكم اخواتي 
انا على وشك دخول شهري بايام مع ان هذا طفلي الثاني ان شاء الله لكن راني مازال مادرت والو تقريبا حتى كابتي مازال ماحطيتش فيها مستلزماتي راهم مبعثرين بلا مانهدر على تحضيرات الدار كيما طمينة وحلوى وحتى لوازم المطبخ ماشريتش لأني غيرما درت كوزينة وحدي المهم حالتي راها كارثة وهذا كامل لان طبيبتي قاتلي ماتتحركيش من مكانك خطر عليك ما خرجتش هاذ الشهر حتى الخدمة مانيش نروح نخدم بليزززززززز اخواتي عقلي ماهوش عندي كون تفكروني واش لازم ندير وكان كاش واحدة عندها افكار عملية تساعدني بيها بداية من الكابة الى المنزل الى الحلوى و الطبخ وحتى فراش جزاكم الله خيرا وشكرا
|
المشاركة الأصلية كتبت بواسطة lidania
 السلام عليكم اخواتي
انا على وشك دخول شهري بايام مع ان هذا طفلي الثاني ان شاء الله لكن راني مازال مادرت والو تقريبا حتى كابتي مازال ماحطيتش فيها مستلزماتي راهم مبعثرين بلا مانهدر على تحضيرات الدار كيما طمينة وحلوى وحتى لوازم المطبخ ماشريتش لأني غيرما درت كوزينة وحدي المهم حالتي راها كارثة وهذا كامل لان طبيبتي قاتلي ماتتحركيش من مكانك خطر عليك ما خرجتش هاذ الشهر حتى الخدمة مانيش نروح نخدم بليزززززززز اخواتي عقلي ماهوش عندي كون تفكروني واش لازم ندير وكان كاش واحدة عندها افكار عملية تساعدني بيها بداية من الكابة الى المنزل الى الحلوى و الطبخ وحتى فراش جزاكم الله خيرا وشكرا |
السلام عليكم اختى ربي يسلكك على خير ولازمك توجدى كابتك ديري فيها كل لاوازم مدامك قلتى ولادتى الثانية راكى عارفا واش نستحقو ادى معاك لبسة ولا زوج لوازم لى نستحقوهم وقت الولادة راكى عارفتهم بلا ما نقول
…………………………وتانى ادى فراشك من لحاف دروات كوات خطرش تحكمنا البرودة بعد الولادة ودفى روحك ريح الصيف صعيب وكى تلمى لوازمك حطيهم فى مكان ظاهر لوقت لى يحكمك الوجع تروحى وتولد بالصحة والعافية
وتانى لوزم البيبىمنها منشفة كوات اذا تلبسيه تكون ملابس تريكو وكوش واش حاب انت تلبسيه واذا تقمطيه تكون 3 ولا 4 تاع قماش
اما بالنسبة لطمينة وقاطو واش راكى تستناي حمصى لحرش تاع الطمينة وديري فية زبدة وخبيه وقاطو اصنعى على حساب طاقتك وخبيه فى الثلاجة
وحركة مفيدة للحامل وهى فى شهرها وانت الله اعلم علاش قالتك ما تتحركيش واش هو السبب
ان شاء الله نكون ساعدك شويا كون جيتى قريبة ليا نساعدك فى تحضيرات
ان شاء الله تجيك ساعة ساهلة
وتانى ادى معاك دفتر العائلى وكارنى تاع الفحص وتحاليل ولكو لى درتهم فى اخر شهر
تحياتى الخالصة اختاه فى امان الله سلام
اختي شكرا على الرد واش راكي تقولي بالنسبة للملابس كاينة لكن ماحطيتهمش في الكابة اما شي اخر من تحضيرات فانا كي نتفكر بلي يجوني ناس نخاف كاش ما ننسى وانا راني حابة كلش يكون بالطبع زعمة كيما قاطو واش لازم ندير شحال من نوع والضيافة كيفاش تكون
اولا ربي يسلكك بخير خمي اولا في نفسك صحتك وصحة صغيرك طبعا بما انك عارفة نهار الولادة
وعارفة العلامات الي تسبقها داومي على شرب التيزانة كالقرفة مثلا او اذهبي عند طبيب اعشاب
يصف لك التيزانة المناسبة.وما نسايش تدي معاك تيرموس تاع قرفة كاحتياط لالام ما بعد الولادة
اظن ان الاسم راه معين ومتفاهمين عليه
نجيو ليك نهار تحسي بالالام الحقيقية ما تتقلقيش .وخوذي حمام دافي قبل الذهاب للمستشفى
وما تنسيش تنشفي شعرك لتتجنب ريح النفاس
وطبعا كي تروحي للمستشفى خوذي لوازمك معاك والمتمثلة في بوشات بها صابون .معطر .مشط
وسواك عوضاعن الفرشاة.فوطة الوجه .+الفوط الصحية وملابسك اللازمة + الكحل
+ ملابسك المعروفة تدي تبديلتين مع غطائك وغلاف المخدة
+ خذي معاك كاس فنجان ملعقتين+منديل لليدين+صحن صغير
والنهار الاول لازم تدفي روحك وتغطي راسك ولو ببوندانا
اما لوازم الصغير فطبعا تريكو باليدين +كسوة خفيفة+جوارب + الحفاظات واللحاف باه تلميه
+تبديلة للنهار الي بعده
من غير التالك+العطر حليب للببشرة +سرابت التنظيف المعطرة+اكياس بلاستيكية تحتاجيها في وقتها
وخوذي معاك بيبرون للاحتياط.لربما ماتقدريش ترضعيه في الساعات الاولى
طبعا بلاماتنساي الدفتر العائلي الدفتر الصحي وكل ما يتعلق بالفحوصات الاخيرة لك
ما تخليش الهاتف بدون تعبئة باه تطمني عليك اهلك
اما في البيت احرصي على ان يكون نظيف مرتب
المطبخ اقلي الطمينة وحطي شوية عسيلة وزبدة بالثلاجة وكي تخرجي بالسلامة تروني بالشوية
اذا كنت ماعندكش الي يبعثلك فطور الصباح ديري القهوة في البراس وصي راجلك يطيبها كي يجي جاي ليك
حطيلو ترموس على اليد +خلطي شوية طمينة وغطيها يجيبهالك مع القهوة
اما عن الظيوف اخر يوم وجدي صينية كبيرة من كلش وغطيها تبقى نظيفة والحلوى راكي تقولي الطبيبة منعت عليك
الحركة فاشري نوعين فقط اذاكنت رايحة تديري سبوع منبعدوكثري من المشروبات في الثلاجة
ماتنسايش غرفتك تخليها كيما دخلتيها اول مرة وحضري سرير الصغير
اما اهم شى هو ولدك او بنتك الاولى ماتنسايش تحطيله كل لوازمه عند الشخص الي رايحة تخليه عندو
وتخليلو لعبه المفضلة باه يتلهى . واخيرا نتمنى نكون افدتك وما بقالي غير نتمنالك انك تقومي بالسلامة وربي يفرحك بصغيرك
والله يا اختي يعطيك الصحة على المساعدة بارك الله فيك والله فكرتيني في بنتي الكبيرة لازم تكون معاها اللعبة تاعها صح و الا راح تدير حالة و تاني اني ناخذ تيزانتي معايا و نحضر قهوتي
ربي معاك ويسهلك اكثري من الدعاء.وما تنسايش تطمنينا عليك
|
المشاركة الأصلية كتبت بواسطة lidania
اختي شكرا على الرد واش راكي تقولي بالنسبة للملابس كاينة لكن ماحطيتهمش في الكابة اما شي اخر من تحضيرات فانا كي نتفكر بلي يجوني ناس نخاف كاش ما ننسى وانا راني حابة كلش يكون بالطبع زعمة كيما قاطو واش لازم ندير شحال من نوع والضيافة كيفاش تكون
|
لا شكر على واجب اختاه
وراهى الاخت هدايات 26 ربي يحفظها زادت وضحتلك كل شى
ربي يسلكك على خير وطمنينا عليك
|
المشاركة الأصلية كتبت بواسطة ام كمال
لا شكر على واجب اختاه
وراهى الاخت هدايات 26 ربي يحفظها زادت وضحتلك كل شى ربي يسلكك على خير وطمنينا عليك |
شكرا اختي يعطيك الصحة
|
المشاركة الأصلية كتبت بواسطة هدايات26
ربي معاك ويسهلك اكثري من الدعاء.وما تنسايش تطمنينا عليك
|
تعيشي اختي يعطيك الصحة على الاهتمام انت و الاخت ام كمال
لا شكر على واجب راني هنا اذا تلفتلك عيطيلي هههههه
انا ندبر عليك ديري كيما درت انا في نفاسي خبرت كل اللي باش يجيني من الضياف بللي راح نلم وندير قهوة وبهذا فهمو رواحم وغير اللي تبعث تسقسي وكتاش تلمي ومادام ماهوش نفاسك الاول يكون على بالك شكون يجيك وبالتالي حتى الحلويات حضرتهم بعد ما نفست وزدت نظفت داري ملييييح وحددت يوم عيطت فيه للنسا ودرت قهوة على كارهاوعاونوني اهلي في التسربية وانا كنت تقريبا تعافيت وبالتالي في يوم واحد تهنيت من نزقوم ايامات
|
المشاركة الأصلية كتبت بواسطة أم نديم
انا ندبر عليك ديري كيما درت انا في نفاسي خبرت كل اللي باش يجيني من الضياف بللي راح نلم وندير قهوة وبهذا فهمو رواحم وغير اللي تبعث تسقسي وكتاش تلمي ومادام ماهوش نفاسك الاول يكون على بالك شكون يجيك وبالتالي حتى الحلويات حضرتهم بعد ما نفست وزدت نظفت داري ملييييح وحددت يوم عيطت فيه للنسا ودرت قهوة على كارهاوعاونوني اهلي في التسربية وانا كنت تقريبا تعافيت وبالتالي في يوم واحد تهنيت من نزقوم ايامات
|
شكرا عندك الحق فيما يخص اني ندير قهوة لكن مانقدرش دوكا حتى مور رمضان لاني ننفس في رمضان انشاء الله و احنا في عايلتنا ما يبطاوش باه يجوا للنافس تمتم يهنيولها في اقرب مناسبة مع العلم اختي رمضان هاد العام السهرة ديالو قصيرة راهم مايكملوش التراويح بكري مانلحقش ندير سهرة
حتى انا نفاسي كان في رمضان وكانت سبة مليحة باش يتاخرو مايجيوش لالنو السهرة قصيرة خليت بعد العيد بومين ولميت
نصيحتي لك عندما تحسينا بالوجع خذي حمامك وهدا يساعدك علىتسهيل الولادة ثم حضري معك ترموس من القرفة وعند وصولك الى المستش اشربي منها كثيرا.
الله يبارك لك وتجيك ساعهساهله وبارك الله في البنات ونصايحهم