بعد السلام والتحية
البارح جارتى بعد عناء واولادها كبرو ايا رايح مسكينة تخرج لدارها وحدها
عندها 6 وليدات مسكينة الان راهى غادى تتحصل على الاستقلالية
وقررت ما تدى والو من دار شيخها ولا مغررررررف هههههههههه
طلبت منى نصيحة 
واش لازم يكون عندها ماعن فى الدار ملاحظة شرات الثلاجة و الفرن
مستواها الاجتماعى متوسط
حسيت روحى غير نلبز معاها 
اشرى هادى اشرى هذى لازم 3 طاوات لازم 4 مانيش عار ف تاعش
المهم قتلها كى ترحلى نوعدك بقائة مشتريات و جيت نجرى عندكم 
نعرفكم شاطرا ت والله الله عليكم ما تبهدلونيش قدام الجارة تدى خبارى هيهيهيهيهيهيهيهيهيهيهيهيههيهي
هههههههههه ام امجد ضحكتيني
اولا الي تبغي تدير دار لاول مرة لازم تجيب الاشياء الضرورية فقط ومن بعد تعرف واش تزيد
يعني لوازم الطياب مثلا
كوكوط وطاجين و مقلة و قدرة بكسكاس و طاوات
براس تاع قهوة او صفاية و براد
فناجين قهوة
مواعين لاتاي يعني كيسان و براد وسكريات
صينيات
طباسا بعدة احجام و غرفيات للشوربة و مغارف كبار و صغار و فراشيط و سكاكين
رحى تاع الخضرة
و قصعة
باسينات لغسيل المواعين
و اخرى لغسيل القش
بيدو التسياق و مكنسة و فروتوار
وكي تستقر في دارها بالشوية عليها وتشري مواعين الضياف بما انك قلتي انها متوسطة الدخل راه كاين كلشي وباسعار معقولة
و ماتنسيش تديلها كادو شباب سارفيس مثلا ينفعها احسن من حاجة للديكور
ونتمنى نكون افدتك حبيبتي ام امجد
انا مع الاخت ام رجا نزيدك حاجة اخرى تروح بالغرفة مثلا الصالون تشري زربية ولا زوج حسب حجم الصالون ومطارح وكانابيات ان امكن وتلفاز وطابلة تاع تلفاز
الكوزينا ثلاجة فرن وطابلة تاع الكوزينا ماهيش ضرورية في الوقت الحالي والاواني اللي قالت عليهم ام رجا وين يرقدو الاولاد البنات ديريلهم غرفة اشريلها مطارح وحصيرة وغطا والاولاد يرقدو في الصالون حتى يفرج ربي
للضياف مش لازم حوايج البريستيج لانها ساكنة جديدة
وغرفة النوم راه عندها تاعها ولا ماهيش راح تديها
ننصح اي وحدة ساكنة مع دار شيخها تشري وتخبي حتى يفرج ربي لانه وقت الرحلة ماتصيب واش تشري وواش تخلي
وكي نتفكر حاجة نرجعلكم
;الله واش نقولكم عارفتكم شاطرات
حبيت نقولكم حاجة هذا المراة كانت عايشة فى دار شيخها والان ولدها كبار وكانت حارم روحها من كشى و دس فى ادراهم اان راه عندها شكار تاع دراهم من جهة هيهيهيهيهيهيهيهيهيه ربى يبارك
من جهة الفراش تقريبا مقيومة انها كان عندها اولاد و تشرى نورمل
وهى حابة دير دار فى نهار قلتلكم الشكار كاين ههههههههههههههههه
حابة كى يجوها غاشى راجلها و هوما الله يبارك يقدرو يديرو بلاد وحدهم ههههههههههههه بزاااااااااف
واش سلافات واش طفلات غير العجايز عندها زوج و فاملت راجلها كرطى كامل ليهم
وحابة تقتل سلافات
وتعمر الدار فى نهار راكم عارفين عقلية النسا
كينا فهمتها المهم الهنا و الصحة حسيت روحى نهدر مع حيط و عارفتى وحيدة و ما نهدرش اصلا ما عنديش لمن نهدر جات حكاتى
ايا واش نقوللها
هبلتنى قلتلى شعال لازم الدار تكون فيها من طاوة ومن مقلة ووووو
ياااااااااااااااااااااااااااااااااااااااااااو الشكار راهى تهدر فيها
السلام عليكم و رحمة الله و بركاته
هاذ الشي كامل فات عليا لاني اول ما تزوجت سكنت وحدي و كي دخلت لداري لقيت فيها غير الطباخة و الثلاجة و خزانة الاواني
ولا شيء نطبخ فيه او ناكل فيه
بديت نفكر …………… بديتها من الصباح كي نوضو واش نحتاجو
لازم غلاي للي نسخنو فيه الماء
+
براس القهوة
+
طاوا لغلي الحليب
+
صينية تجهيز القهوة
+
صينية الشاي
+
بعض الصحون للزبدة او الجبن او المربى
و سلة الخبز + مناشف للايدي
تاتي الوجبة الرئيسية
لازم لكل بيت جزائري ادوات تحضير الكسكس
القدر
+
القصعة
+
ملاعق
+
ملعقة كبيرة
+
طاولة
+
ابريق المرق
+
ممكن نحتاج الى قدر الضغط
لي عودة لتكملة الصور
يتبع……………………..
شوفي اختي اولا لازم تختار لون معين لحوايج كوزينتها مثلا كيما انا دايرة الاورنج تنسق ماعينها على حساب هاذ اللون وتتفنن في اختيار احسن ديكور ثانيا تركز على ماعين الضياف كيما سرابس ملاح نتاع قهوة واتاي صحن فواكه اواني كريم ديسار وكل مايخص اكسيسوار وحوايج التقديم لعرضة مليحة ثالثا تشري ماعين للطبخ من نوعية مليحة برمة وكسكاس قدر الضغط طاوات ملاعق سكاكين قصعة سلات بسينات للغسيل رحى خضرة ادوات النظافة من اهم الاشياء وانشاء الله ربي يهنيها بدارها اي فكرة في بالي نقلك عليها واي استفسار راني هنا على خاطر انا ثاني راني قريب ندير دار وحدي وتقريبا كملت وجدت كلش
يا الحنونة كي راهي الشكارة تهدر فيها امالا علاه سقساتك…..وش تقوليلها ما يعجبهاش…..
شكرااااااااااا على الردود قلت نزيد نكتبلها تشرى 2 سارفيس تاع قهوة حاجة فور كاين لى تارموس تاع 380هايلين معاهم 6فناجين كبار نوعا ما يعنى تاع قهوة و حليب و 6 فناجين صغاااااااااااااار للقهوة كحلة بالسنيوة لسارفيس تاع المغرف و سرابيت و طبسى من نفس النوع و طبسى شباب للقاطو من نفس النوع
ولازم 2 سارفيس لان ساعات يجيونا ضياف نسا و رجال 2 سارفيس للشاي يكون طقم كاااااااااامل
ونزيد نكتب 2 سارفيس كامل تاع طعام طبسى كبيييير فيه 4 طباس صغار و طاس للمرقة و طاس للبن لقيتهم 250و فيهم كاامل الالوان لقيتهم عند بائع العشاب
و 2 سارفيس كل واحد و لونو
سارفيس تاع ليبول تاع حريرة 6 فى 6
طباس تاع السلاطة و الحلو و طبق الرئيشى و طبسى تاع المقبلى
و سارقيس تاع سلاطة الفكهة و سارفيس تاع الفلون
وطبعا يكون السارفيس 2 لان كما قلت مرات يجيو نسا و رجال
و طابلات كبار بالنابراللون نتاعو يتغير على حساب لون السارفيس يعنى تشرى ليناب بزاف على حساب لى سارفيس الى عندها
واش رايكم
وتشرى باتور و ميكسور و ليبلا تاع كيكات تشرى مشينة تاع بقلاوة
واش رايكم
و ربي يثبتلك الاجر يا ام امجد سلميلي عليه
يعطيكم الصحة
بما انها الشكارة واجدة ماعليها غير تشري سارفيس كبير مثل ما نقولولو سارفيس اتابل مقيوم من كلو ابتداء من طقم القهوة والحليب لطقم الشربة وووووسعرو من 3 ملاين وطلع كل شيء فيه وزيد حاجة متشابهة وبريزونتابل وتكبر بروحها راهم كاينين اركوبال بكل الالوان مثل هذا للتوضيح
وطقم للملاعق
وتزيد طقم متكامل لاواني المطبخ مثل هذا
اهم حاجة اذا حبت تتفاخر امام اهل زوجها انو يكون عندها ذوق في اختيار الاواني المتناسقة
ياما دخلنا مطابخ وفيها اواني جميلة ولكن طريقة تقديمها للضيوف او تناسق الوانها يخرب كل شيء
ربي يهنيها بدارها ويبعد عليها العين
راه كاين أركوبال فيه 45 قطعة راه كل شيء كاين توجد غيل الدراهم
بما أنها مقتدرة مدينا
ننصحها تشري كلش أسورتي
يعني تشري ليسرفيس كومبلي .تاع كلش 12
وحتى القدور والملاعق ومقالي والطاوات
وماتنساش الطابونة والطجين والقصعة
وعلب التوابل وعلب الأكل وقدر الضغط
الروبوات
ماااااااااااااااااااااااااااااااااااشاء الله عليكم لبنات رانى غرت ههههههههههههه