البارح درت قاطو الكسكاس نتاع الأخت it’s me وجاني روعة خفيف و منتفخ كنت درتو في قوالب زجاجية دائرية نتاع فلان وزينتهم بالمعجون و نوادكوكو و حطيت حبة كرز مجفف في الوسط والله غير الدراري ماشبعو منو،حبيت نقول للأخوات الي ماجهمش مليح أو أنو ماطبلهمش،نقولكم بلي تحطو القدرة فيها الماء فوق النار وابعد ابداو تحضروا فلقاطو غير تكملوا تلقاو القدرة بدات تغلي وبعد حطو القوالب يطيبو في الكسكاس من هذا الوقت ابداو تحسبوا خمسة عشرة دقيقة جربوه وماتخافوش وراني بإذن الله رايحة نحط مجموعة من تطبيقاتي و تشوفوه معاهم مصدر لأني رايحة نتعلم نحط الصور،ونقدم شكري للأخت صاحبة الوصفة 
انا ثاني جربت الوصفة أقل ما يقال عنها رائعة.
سلمت وسلمت يداك.
الله يعطيك الصحة
بصحتكم حبيبتي ، بالهنا و الشفا عليكم
momkin la ressat t3ichou w qlq foto nchoufou
في انتظار الصور
هي فعلا وصفة ممتازة وراااائعة وخفيفة والاهم سريعة في 15 د توجد
بارك الله فيك اختي وبصحتكم
سامحيني الاخت Madie مانقصتش فالنار و جربيه و ما تخافيش
جربتو و عاودتو قلت بالاك غلطت في حاجة ولا بصح ما عجبنيش 
كيفاش خرجلكم بنين ؟؟؟؟
ممتاز عقبال لتطبيقات اخرى ناجحة