من دون اطالة الصور سوف تتحدث
اخدت وصفات كثيرة من عدة مواقع و جربتها و هادي صورة من خرايبي فالدار 
و وجهي صحيح نزيد نزينها ههههه
ما نحكيلكمش على الطعم تاعها 
كاارثة برك فيه ريحة المورانغ الريحة و برك حمدوالله ما تكسروش سناني
و بينما كنت ندور فالمنتدى كي العادة لقيت وصفة ام كوثر و انا صراحة جربت وصفاتها من قبل و صلحولي مالا قلت نجربها و ما نكدبش عليكم جاااا مورانغ كيما تاع البيع ريحة وطعم و شكل 
و هادي حبة و حدها شوفو كيفاه جات
و هادي من تحت جات هشوشة و تهبــــل
و اخيرا اقول للغالية ام كوثر
و كل من تحب المورانغ غير تجربو على ضمانتي
يعطيك الصحة صلحلك صح،ياليت تحطيلي رابط المورانغ باش نجربو
شكرا لك
|
المشاركة الأصلية كتبت بواسطة ~الشّذى الفوآح…
 ههههههه،تقريبا كالملين رانا في الهوا سوا،كل مرة نجرب حاجة من النت وما تصلحليش نكره حياتي وزيد نكره كي يولو يعلقو عليا في الدار،على هكذاك قرر ندير غير لي مجربين من هنا في المنتدى والصح يحياو شافات المنتدى وعضواته
يعطيك الصحة صلحلك صح،ياليت تحطيلي رابط المورانغ باش نجربو شكرا لك
|
ايه صح اختي نسيت ما حكيتش على التعليقات فالدار ههههه
هادا رابط الوصفة جربيه و رديلي لخبر
هههههههههههههههههههههههههه والله ضحكتيني حنونة وانا نموت على المورانغ اليابس كون غير بعثتيهولي خخخخخخخخ
بصح المحاولة الثانية وااااااااااااااو يعطيك الصحة وتاكلوه بالصحو ولهنا نشالله
|
المشاركة الأصلية كتبت بواسطة رانيا3
ايه صح اختي نسيت ما حكيتش على التعليقات فالدار ههههه
هادا رابط الوصفة |
رانيا معليش نزيد نتعبك 120غ سكر شحال من مغرفة ما عنديش باش نوزنها تقدري تفيديني
واسمحيلي على صماطتي
نجربو ان شاء الله
|
المشاركة الأصلية كتبت بواسطة ~الشّذى الفوآح…
ياخي قتلك رانا في الهوا سوا،تعليقات تثبط وتهبط المورال بالصح مالازمش نستسلموا
رانيا معليش نزيد نتعبك 120غ سكر شحال من مغرفة ما عنديش باش نوزنها تقدري تفيديني واسمحيلي على صماطتي |
اختي الشدى الفواح سمحيلي طولت عليك رحت قستلك بالمغرف شحال يجيو 120 غ سكر وجيت
شوفي 120 غ سكر جاتني 5 مغارف و نص تاع الماكلة
ان شاء الله يصلحولك وتسمعي من دار كم غير الشكير
|
المشاركة الأصلية كتبت بواسطة أم محمد تاج
هههههههههههههههههههههههههه والله ضحكتيني حنونة وانا نموت على المورانغ اليابس كون غير بعثتيهولي خخخخخخخخ
بصح المحاولة الثانية وااااااااااااااو يعطيك الصحة وتاكلوه بالصحو ولهنا نشالله |
و الله كون جيت نقدر نبعتو اني نبعتهولك
|
المشاركة الأصلية كتبت بواسطة رانيا3
اختي الشدى الفواح سمحيلي طولت عليك رحت قستلك بالمغرف شحال يجيو 120 غ سكر وجيت
شوفي 120 غ سكر جاتني 5 مغارف و نص تاع الماكلة
ان شاء الله يصلحولك |
كنت نكتب في الوصفة وراني درت ملاحظة من التحت 120غ =5 مغارف ونص
اكيد يصلحولي كي جربتيهم انت ونجحولك
ربي يوفقك ويعطيك لي راكي باغيتها
الف الف شكر ليك حْبيبة
|
المشاركة الأصلية كتبت بواسطة ~الشّذى الفوآح…
رانيا انت لي سمحيلي تعبتك والله غير راني حشمانة منك،ربي يعطيك ماتتمناي ويزيدك من فضله
كنت نكتب في الوصفة وراني درت ملاحظة من التحت 120غ =5 مغارف ونص اكيد يصلحولي كي جربتيهم انت ونجحولك ربي يوفقك ويعطيك لي راكي باغيتها الف الف شكر ليك حْبيبة |
ان شاء الله يصلحولك و كي يشكروك تفكري اختك رانيا
لازم نديرو بيكاربونات معنديش
|
المشاركة الأصلية كتبت بواسطة souzie
لازم نديرو بيكاربونات معنديش
|
والله ما نكدب عليك اختي لاكان كي تنحي البيكربونات تصلح ولا لا
انا قبل كنت نجربو ما كانش يصلح ما نعرف منها ولا لا
المرة هادي درت بيها وحمدو لله صلحلي
مالا لازمك تشري باطة صغيرة هاديك تاع 35 دج
حمام مائي تخلي نار شاعلة وتخلطي؟؟
يعطيك الصحة ونغتنم الفرصة ونشكر ام رامي وام كوثر على وصفاتهم الرائعة
جربتها مصلحتليييييش