ظرك انا حاب نحكي الكم تجربتي الشخصية مع مادة الفلسفة في باك 2024
اولا انا في الباك في الفلسفة دييت 17.5
قولي لي كييفاه؟؟؟؟؟؟؟
اولا منقولكومش احفظوا الكراس عن ظهر قلب و لا مترقدوش قاع لازم تحضرو الدرس
عندي طرق تقدر تفييدكم بلا متعبوا كل هذا التعب
1_ لازم تحبوا مادة الفلسفة و تنساو الافكار السلبية كل علييها
2_ دائما في القسم اصغي الى كلام الاستاذ ملييح وملييح و لا خلييه منين يبدأ يشرح الدرش و شغل في برطابلك (تسجيل) اييه سجل كلام الاستاذ خاصة عندما يبدا بشرح الدرس من الاحسن ومبعد واش ديير روح للدار بعد ما تترتاح طبعا وتريح احكم تليفونك و حل الكراس الفلسفة و ابدأ اسمع و شفو برك و ركز مع اللي مكتوب و مع اللي يقولوا الاستاذ والله هذي الطريقه لو اتبهعا الطالب من سبتمبر الى ماي اقسم بالله يتحصل على 19 من عشريين ركزوا
3_ المقالات الموجودة على النت بلاكم تهملوها حملوها قدر المستطاع لخطر فييها حجج ماهيش في الكراس مدابييكم تشوفوا فييها ملييح و تحكموا كناش و قلم رصاص ة تكتبو الحجج المهمة وتخلوها معاكم في المحفظة باش تشاركو بييها في القسم
4_ الاستيقاظ على 4
اذا حبيتوا ترتاحو من بيداية العام لازم تصبروا و تنوضوا على الرابعه و تشوفوا شويه في كراس القلسفة
5_التدرب يوميا او على الاق مرة في الاسبوع على كتابة مقالة من صنع يدك و باسلوبك الخاص تحضيرا للبكالوريا
6_ الحرص على الاهتمام بكرراس الفلسفة اكثر من غييره لكي يزيد فتح شهية المراجعة
المراجع الخاريجية مهمة ولقد افدتني في تطويير اسلوب كتابتي خاصة مرجع الكافي الذي كان بمثابة السراج
كتابة مقالة و تقدييمها للاستاذ لكي يصححها مرة في الاسبوع مفييد جدا
اما بالنسبة للدروس الخصوصية انا لم اعمل اي دروس خصوصية قط دروسي الخصوصية هي اني كنت نسكر على روحي في الشونبرا و نقرأ بنفحة كبييرة و كي نعس نكل و نرقد باش نجدد ناشطي لــــ 4 تاع الصباح
ارجو التثبيت و الموضوع يتابع ……..
ورمضان مبارك عليينا ان شاء يدخل عليينا بالخير
اتمنى ان اكون افدتكم يا احبابي
أحييك جدا أخي الكريم على منح الطلبة تجربتك الشخصية الجميلة فهي مثال للمثابرة و الاعتماد على النفس
تجربة ممتعة و ناجحة وأنا بنفسي سأتبع نصائحك و أستفيد من تجربتك الناجحة ,
السلام عليكم أخي الكريم
اولا الف مبروك التحصل على الشهادة و من نجاح الى نجاح باذن الله و عقبال لينا و لكل المقبلين على الشهادة
و شكرا جزيييييييييييييييلا لك اخي على النصائح القيم و على طرح تجربتك الشخصسة خاصة حول هذه المادة بالذات التي تلقى خوفا من كل الطلاب انا شخصيا العام المقبل الباك …………..علوم تجريبية يعني رايحة نقراها لاول مرة و متخوفة منها بزاف لانو مادة جديدة و كل لي يحكي عليها يكرها و ماعنديش ادنى فكرة عليها و ديما نحب نسقسي غير عليها المهم نصائحك جد قيمة و ليا شخصيا رايحة تفيدني بزااف و رايحة نتبعها باذن الله …مشكور مرة ثانية و بارك الله فيك و رمضانك كرييييييييييم
رحيل
السلام عليكم
بالتوفيق ليكم خاوتي
انا ايضا حاصل على شهادة البكالوريا دورة جوان 2024 شعبة اداب وفلسفة
بصح والله العضيم يا خاوتي عام بكل مادرت والو صراحة والله الكراس ماقستوش ومانتبع ماوالو نتفرج غير البالو والريال ههههه
بصح الشهر الاخير سيريت روحي وتحديدا 8 ماي بديت المراجعة والحفض خلصت 24 ماي تصورو هههه الحمد لله حفضت 5 مقالات متوقعة المقالة فيا اكثر من 6 صفحات وطاحو مقالتين ملي حفضت في شهادة البكالوريا حاب نقولكم ماتخافوش في مادة الفلسلفة في الشهر الاخير سيتحدد الخمس مقالات التي ستقع في البكالوريا والرسالة لي حاب نوصلهالكم انو اذا كان راسك خفيف يعني تقدر تحفض بسرعة ماتخافش على روحك 20 يوم تكفيك اما اذا كنت ثقيل الله غالب ابدا المراجعة من اول العام وماعرف لا تلحق ++ بخصوص اللغة العربية ننصحكم ديرو نثر نص واخطيكم من لي يقولوكم اي القصيدة خيييييير لان اجوبة الاسئلة كلها موجودة في النص والبناء الفكري لن تحصل على اقل من 6/10 اما القصيدة فأجوبتها يجب ان تكون دقيقة وعلى الغالب هي معقدة الا اذا درست القصيدة من قبل مع الاستاذ في القسم على عكس النص حتى ولم تقرأها من قبل فأجوبته بديهية سهلة في الاغلب البناء اللغوي عليك بتعلم الاعراب والقواعد منذ بداية السنة الدراسية وهادو مووحاال تفهمهم الشهر الاخير امـــا التقويم النقدي 5 ايام يكفيوك تخلص كلش وغالبا اسئلة التقويم النقدي في النص تكون حول فن المقال او النثر العلمي وهذا ماحدث في العامين الماضيين واذا لم يكن عن المقال سيكون عن خصائص احد الكتاب والمدرسة الذي ينتمون اليها كخصائص البشير الابراهيمي وطه حسين والعقاد واحمد حسين هيكل ومقدمة ابن خلدون …. الخ ++ الاجتماعيات حاول تبدا تحفض الشخصيات والمصطلحات من اول العام باه تراجع برك الشهر الاخير علاخاطر راهم بزااااااااااااف اما الدروس فكلها سهلة الحفض وغير معقدة تستطيع حفضها في وقت قليل لا تقلق ++ التربية الاسلامية حاولو ان تبحثو عن ملخصات غير قصيرة للدروس في النت وحملوها واحفضو منها لان الدروس طويلة لكن لها نفس مضمون الملخصات الشئ الزائد هو طريقة التعبير فقط مبعد فالورقة اك تقدر تزيد من عندك
بالتوفيــــــــق ان شاء الله
لم اكن اتوقع ان تنال تجاربي اعجابكم شكرا لكم شجعتوموني على طرح المزييد الله يوفقكم اللي فييه الخير و باذن الله رح تنجحوا
بالنسبة الى انيس مولودية ، كلامك غير منطقي ويؤدي للهاوية.
انــا قلت لي قادر عليها وراسو خفيف يقدر يحفض ماقلتش الناس كامل !!!!!!!!!
ربي ينجح كامل المقبلين على بكالورياء 2024
تجربة ممتعة وناجحة انا ساتبعك ان شاء الله جزاك الله خير
اولا الف مبروك لك اخي هههههههه فيلسوف بمعنا الكلمة اخي ربي يوفقك
وانا عندي سنة باك 2024 ان نشاء لله شعبة اداب وفلسفة ياخي عندي مشكل في لغاات ممكن تعطينا بعض نصائح فرنسية وانجليزية
والله نصائح في القمة مشكور وربي يوفقك
مشكوووووووووووووور اخي على النصائح القيمة
ان شاء الله نكون مجتهدين كيما انت
بارك الله فيك
حيووووووووووووو ربي يخلييك طريقة راااااااائعة
انا معهاااااااااا
انا طالب مهمل ما نحفظ مانكرفس ما نحظر الدروس ندخل 4 ساعات فالشهر للمدرسة
قريت 2 مقالات ماشي حفظت قريتهم برك جاو هوما في زوج
الاجتماعيات عندي خلفية عن الاحداث علوم شرعية ساهلة
بقات العربية اديت 14.5 والله العام كامل داخل اقل من 10 ساعات
كتبت واش فهمت من النص فالاجبات وهدا مكان يعني شيء عادي
الفورنسي واللونغلي لاعلاقة
والحمد لله تحصلت على معدل جييد 12.84 في البكالوريا
ربي يوفق هدي تجربتي