السلام عليكم حبيباتي إن شاء الله تكونو كامل بخير
اليوم جبتلكم صور نتاع كسرتنا واللي قلتلكم من قبل تشبه للخبز العربي الطريقة ساهلة وراهي بالتفصيل في الموضوع الأول وهاواك الرابط نتاعو
www.djelfa.info/vb/showthread.php?t=1270583
هنا كنت عجنتها وكملت ماصورتش العجين كيفاه داير لاخاطر شيخي وعجوزتي كانو قدامي وحشمت يقولو هبلت 
وممبعد نقرصها عادي وفرشها فوق منديل نتاع طبخ ونخليها تخمر مليييييييييييح وممبعد نطيبوها في الكوشة وهاياك صورتها هنا راهي واضحة خير ، هنا في بومرداس كاينين عند ليسودور ماشي كامل بصح كاينين اللي يخدموهم 
إضغط هنا لرؤية الصورة بحجمها الطبيعي.
نرمو بالزوج خبزات ماشي بيدنا بلوحة تجي طويلة تشبه لنتاع الخباز نسيت ماصورتهاش
للأسف الصور مقلوبة ماعرفتش نسقمهم 
وممبعد كي يحمارو نقعدو نقلبو فيهم من كل الجوانب بواسطة مخطاف طويل حنا نقولولو هكدا ماتضحكوش ، جاي على شكل حديدة رقيقة ومعوجة من القدام نحركو بيه راهو يبان شوية في الصورة ، نقلبوهم حتى يزيدو يحمارو من التحت
وممبعد نجبدوهم كي يحمارو مليح ونكملو بنفس الطريقة حتى يخلاصو أنا درت الله يبارك 18 مالحين و3 مسوسين
وهاياك كي طابت 
وشوفو من الداخل كيفاه جايا تصلح للساندويتشات وللشاورما 
ببساطة هادي هي كسرتنا من صغري نديروها انا راني نتعلمها بالشوية مرة تصلح مرة نص نص مرة تجي لاعلاقة اليوم زعمى جات مليحة نضت على ال6 عجنتها
ايا اللي يدخل يقولي رايو ويلا يعرفها ولا لالا وواش رايكم فيها
واو ماشا الله عليك ام محمد يوسف يا ريت ابعثيلي وحدة
صراحة حنا مانديروهاش لكن سبق وكليتها ومزال بنتها في فمي
يعطيك الصحة اختي وربي يعطيك ويقوويك
ماشاء الله رووووعه المطلوع يسخف بصحتك
الله يعطيك الصحة هايلة
نقلك على عفسى ام ماجد كيكون قدامها باباها وتحب تصور تقولو سقم روحك باش نصورك تلعبها تصور فيه وفي الوصفة هكى مايفيقش ههههههههههههههه جربي المرة الجاية وتشوفي ههههههههههههههه
الله يبارك راكي شاطرة وكسرتك تشهي ويعطيك الصحة عجنتي 18 باين عليك ربيتي لي موسكل هههههههههههههه
عجبني الفور نتاعكم اول مرة نشوف هذا النوع
موضوع هايل و راكي قلتي الصح. كي يشورفونا نصورو يستغربو و يتساؤلو. وهذا شيئ طبيعي. جاك هايل المطلوع و الفران عجبني بزاف كي نتاع بكري
يعطيك الصحه ام يوسف حبيبتى كسرة هايله وباينه بنينه انا بصراحه منعرفهاش شفت بعض الوصفات هنا فقط شكرا حبيبتى على الوصفه وياريت تزيديلنا مواضيع رائعه متل هادي خاصه القاطو نقطه ضعفي ههههههههههه
شكرا مرة اخرى ونورتينا
ما شاء الله خرجت لك هايلة وتبارك الله واش عجن لك18خبزة راه عندك عضلات قويه وانا متخيلاتك ضعيفه ههههههههههههه
زعمه كي اختي
يعطيك الصحة خرجت هايلة فحلة والله
الله بارك حبيبتي
جاتك تهبللللللللللل
هاذي الكسرة كون تصحلي منخممش خلاص على لعشا توجور سندويتش ههههه نربو لخدود هههههه
اتحفينا بالمزيد عزيزتي
علابالي في جعبتك الكثيررررررررررر
الله الله عليك ام يوسف
حرة لحراير
هذا اللي كليتو فعين طاية يتباع برة رووووووعة
كيما قالت ام سراج كون انا كل يوم سندوتشات ههههه
بصحتكم
الله يبارك عليك حبيبتي ويعطيك الصحة
مانعرفهاش باينة مليحة
الله يبارك ام يوسف انا اول مرة نسمع بها من عندك تبان خفيفة وتصلح للسوندويشات ويعطيك الصحة على 18خبزةفى الشتا معليش مبصح فى الصيف ربى يلطف بيك
|
المشاركة الأصلية كتبت بواسطة sousou batna
 واو ماشا الله عليك ام محمد يوسف يا ريت ابعثيلي وحدة
صراحة حنا مانديروهاش لكن سبق وكليتها ومزال بنتها في فمي يعطيك الصحة اختي وربي يعطيك ويقوويك |
يبارك فيك يسلمك حنونة ، نبعثلك ماشي خسارة لوكان غير جيتي قريبة ، شكرا حنونة على المرور
|
المشاركة الأصلية كتبت بواسطة أم إناس
ماشاء الله رووووعه المطلوع يسخف بصحتك
|
الله يسلمك اختي مشكورة
|
المشاركة الأصلية كتبت بواسطة أم ياسين الزهراء
الله يعطيك الصحة هايلة
نقلك على عفسى ام ماجد كيكون قدامها باباها وتحب تصور تقولو سقم روحك باش نصورك تلعبها تصور فيه وفي الوصفة هكى مايفيقش ههههههههههههههه جربي المرة الجاية وتشوفي ههههههههههههههه |
حكتيني حنونة أواه العفسة هادي ماتنفعش معايا يقولو هبلت كثر على السبعة صبحت تصور فينا هبلت رسمي ههههههههه
مشكور ة حنونة على المرور
|
المشاركة الأصلية كتبت بواسطة ام إثري
الله يبارك راكي شاطرة وكسرتك تشهي ويعطيك الصحة عجنتي 18 باين عليك ربيتي لي موسكل هههههههههههههه
عجبني الفور نتاعكم اول مرة نشوف هذا النوع |
هههههه ، ضحكتيني صح راني ربيتهم من العجين
ماشي 18 خبزة عجنت 21 ، 18 مالحة و3 مسوسين ، كبرت معاهم ماخلاصو هههههههههه
روعة روعة روعة
حقا خودي راي ام ياسين راني نديرها صح هههههههههههههه
|
المشاركة الأصلية كتبت بواسطة lamiak1
موضوع هايل و راكي قلتي الصح. كي يشورفونا نصورو يستغربو و يتساؤلو. وهذا شيئ طبيعي. جاك هايل المطلوع و الفران عجبني بزاف كي نتاع بكري
|
أنا صراحة نصور بالتخبية لاخاطر كيما قلتي يستغربو كي يشوفونا نصورو ، شكرا حنونة على المرور يعطيك الصحة
|
المشاركة الأصلية كتبت بواسطة omnadjem.10
يعطيك الصحه ام يوسف حبيبتى كسرة هايله وباينه بنينه انا بصراحه منعرفهاش شفت بعض الوصفات هنا فقط شكرا حبيبتى على الوصفه وياريت تزيديلنا مواضيع رائعه متل هادي خاصه القاطو نقطه ضعفي ههههههههههه
شكرا مرة اخرى ونورتينا |
القاطو كامل نقطة ضعفنا أنا نموت على حاجة حلوة بصح مع لاطاي مانحكيلكش لازم نبعد عليه بصح صراحة مانقدرش
بارك فيك حبيبتي أم نجم مشكورة
|
المشاركة الأصلية كتبت بواسطة الأمنيات
ما شاء الله خرجت لك هايلة وتبارك الله واش عجن لك18خبزة راه عندك عضلات قويه وانا متخيلاتك ضعيفه ههههههههههههه
زعمه كي اختي يعطيك الصحة خرجت هايلة فحلة والله |
شكرا أمنياتي الله يسلمك حنونة ، لالا مارانيش ضعيفة راكي راغبتني برك ههههههههه
|
المشاركة الأصلية كتبت بواسطة أم سراج الدين
الله بارك حبيبتي
جاتك تهبللللللللللل هاذي الكسرة كون تصحلي منخممش خلاص على لعشا توجور سندويتش ههههه نربو لخدود هههههه اتحفينا بالمزيد عزيزتي |
بارك الله فيك حنونتي الله يسلمك ، المليح في كسرتنا انها تصلح للساندويتش عكس المطلوع نتاع الطاجين حنا هاداك مانطيبوهش قليييييييييييييل وين نديرو لراجلي مرة في الزمان
[quot e=حلم جميل;1055068666]الله الله عليك ام يوسف
حرة لحراير
هذا اللي كليتو فعين طاية يتباع برة رووووووعة
كيما قالت ام سراج كون انا كل يوم سندوتشات ههههه
بصحتكم [/quote]
مشكورة حنونة ، عين طاية ماشي بعيدة علينا بزاف وفي جهتنا كامل يتباع في الطريق ، النسا اللي في الدار يجيبو منو مصروف مليح فيه الفايدو والتعب تاني هههه
يعطيك الصحة حنونة على الرد
|
المشاركة الأصلية كتبت بواسطة fati21
الله يبارك عليك حبيبتي ويعطيك الصحة
مانعرفهاش باينة مليحة |
يبارك فيك حنونة ، الله يسلمك ولك بالمثل عزيزتي
|
المشاركة الأصلية كتبت بواسطة الاء هبة الرحمان
الله يبارك ام يوسف انا اول مرة نسمع بها من عندك تبان خفيفة وتصلح للسوندويشات ويعطيك الصحة على 18خبزةفى الشتا معليش مبصح فى الصيف ربى يلطف بيك
|
اهلا حنونة واش احوالك لاباس
والفتها حنونة خلاص عادت تجيني نورمال بصح في الصيف صح صعيبة وخاصة على الخمار ربي يعينا ويأجرنا إن شاء الله