تابع https://www.djelfa.info/vb/showthread.php?t=951825
أخواني أخواتي قريتو موضوعي الأول وكاين لي لام عليا وكاين لي نصحني بطاعة زوجي وكاين لي نصحني بالقران والاستغفار وعندو الحق لي قال حنا الرجال كيما هكدا نتوسوسو وحبيت نوضح فقط أني قبل أي خطوة كنت قد قرأت كل الأحكام الشرعية التي أكدت أنني في الحلال الحلال الحلال
لكن عندي بعض الأسئلة أرجو واحد منكم يلقالي أجوبتها
لمادا الرجل الجزائري يتوسوس حتى من زوجتو حلالو شرعا ؟
كيف ونحن في هدا الوقت أين تخرج الألاف من المغريات في الشوارع وأقولها المغريات وليس البنات وتنادي للحرام هل من طريقة أخرى غير الحلال؟
الغلطة مني اني قبلت بانسان ماعندوش باش يخطب اليوم يزوج غدوة ؟ وكون ماقبلتش به تقولو ماترياليست
الكلام سهل واللوم أ سهل حتى أنا كنت كيفكم نتشوكا كي نسمع حكاوي غيري ماحسيت بالجمرة غير كي عفست عليها
الان اين هو الحل زواجي بعد بضعة أشهر وهو الان يتحكم في مصيري وبمستقبلي ويريدني أن اترك عملي وأعيش مع أهله وأقبل بالذل وأنا المدللة في بيتنا لماذا لأنني تقيدت بالشرع والحلال وماكونتش ماترياليست وساعفتو وحبيت نعاونو حتى في السكن هو الان يقولو لي مانسحق منك والو وتعيشي أمة تحت رجلي
أين هو العدل أريد حلا وليس مواعظ
يااااااااااااااااااارب ضاقت بي السبل فمن لي سواك يفرجها
اذا كان انسان متدين يقوم بصلاتو وشايفى فيه بلي ميدورش عليك وميكرهلكش حياتك اومبعد توكلي على ربي وكملي
بصح اذا كنتي مش ضامنة في اخلاقو ومش حيكون اب صالح وزوج صالح متغامريش
وقبل كل هذا عليك بالاستخارة فهي حلك الاكيد
نعطيك حل أختي بما أنه هو يقول هكا كما قلتي كذالك انت قلتي انك مدللة وراكي تحبسي العمل وتعيشي معه أهله
بصراحة نشوف تفتارقو كل واحد يروح الحالو انت مزالك مش عروستو يعني بينكما عقد فقط لأنه الحين اصبح يشوفك بين يديه ولا تستطيعي فعل شيء
صدقيني أختي مهما تخسري كي تسرعي في ترك هذا الرجل مش راح تكون بعد الزواج وانت استخيري ربي خصوصا إذا هو لا يحترمك ولا يقدرك فكيف بعد الزواج خصوصا راح تسكني انت مع أهل زوجك وانت قلتي عن نفسك انك مدللة عند اهلك صدقيني مش راح تقدري تصبري
استخيري ربي وشوفي مع روحك
هذا رأي الخاص تقبلو مروري
أما إن اتفقتم على هذه الأمور و نقض العهود فلا خير فيه و لا خير في رجل يقول لك أنك أمة تحت رجله
هذا رأيي
أختي الفساد بين الناس ماش مليح …
لكن الي من أولها و قبل الزواج يقول لك راكي امة تحت رجلي
غير ما تقربيش ليه , مالا بعد الزواج واش يقول وواش يعمل
استغفر الله العظيم….
يا اختي انتي راكي تتمسخري
واتمنى ان لا تحذف مشاركتي هذه
كيفاش تخليه يلمسك قبل العرس؟؟؟
ماتقوليلي حلال
ماتقوليلي علماء
ماتقوليلي فتاوى
ماتقوليلي راجلي ماوالو
حتى زوجك لي عقد عليك في البلدية و فتّح عليك و اعطاك المهر
ما يلمسكش قبل العرس
و يتوسوس منك لان هذا تمسخير
يا اختي اذا كنتو اتفقتو على هذ الشروط قبل العقد والان دار في رايه نقولك صراحة مفيه خير…معندهش راي ثابت وممكن بعد الزواج تاني يدور عليك…
ننصحك تتخذي قرار يا تبطلي وتبدي حياتك من جديد يا تتكلمي معاه بكل صراحة وتقوليله شروطك""عمل…..""هذي حياة مش يوم او اسبوع ويخلاص..
اما بخصوص انك حلاله خلي هذوك الامور يبداو من ليلة الدخول احسن…
|
المشاركة الأصلية كتبت بواسطة عُضو مُحترم
 يا اختي انتي راكي تتمسخري
واتمنى ان لا تحذف مشاركتي هذه كيفاش تخليه يلمسك قبل العرس؟؟؟ ماتقوليلي حلال ماتقوليلي علماء ماتقوليلي فتاوى ماتقوليلي راجلي ماوالو حتى زوجك لي عقد عليك في البلدية و فتّح عليك و اعطاك المهر ما يلمسكش قبل العرس و يتوسوس منك لان هذا تمسخير |
انا من راي الاخ بارك الله فيك
ربي يعطيك الصبر أختي
ربي يوفقك
الأمر صعب اختيتي ,, فمن يقوم بما قام به وهو لم يبني بعد !!! فكيف بعد البنى وبعد ان
يصبح الأمر رسميا !!! المهم لا تزال الفرصة امامك لتفكري اكثر قبل ان يقع الفأس في الرأس
وحينها لا ينفع الندم ,, لهذا فكري كثيرا واسألي عنه اكثر من هو اقرب منه على تجدي عنه
ما يزيل عنك الشكوك امام ان تنهي كل شيئ او تمضي …
السلام عليكم
أخيتي لا تلتفتي لكلام الناس ما دمت لم تعصي ربك، لا أقول أنك لم تخطئي و لكن اللوم لا ينفع الآن.
لا يمكنني أن أقول لا تتنازلي عن حقوقك أو اتركيه بسبب إحساسك إنما أحسني ظنك بالله و سلمي كل أمرك له، عليك بصلاة الإستخارة وتأكدي أن الخير فيما اختاره الله سبحانه.
أسأل الله تعالى أن ينير بصيرتك و ينور دربك و أن يقدر لك ما فيه صلاح دنياك و آخرتك.
سلام
إذا كنت تعانين ضغوطا منه ومن أهلك ومن المقربين منك فاستخيري الله وحاولي أن توضحي لهم مساوئ هذا الرجل
وأنصحك بالابتعاد عنه إذا ظهر لك بأنه مزاجي وما عندوش كلمة
وربي يسر أمرك
أولا و قبل كل شي الايمان و الثقة بالله انك مش اذا متزوجيش هذا الرجل مش رايحة تتزوجي خلاص
و اذا كان هو زوجك و تعيشي معاه رايحة تتزوجيه هو و اذا لالا مش رايحة تتزوجيه خلاص حتى و لو يكون الغاء العرس في الدقيقة الاخيرة
الايمان و الايمان و الايمان و الايمان
___________________
مازال اربع شهور زيديلو فرصة اخرى
انت داومي على صلاة الاستخارة على الاقل كل يوم مرة و من الاحسن اكثر من مرة
و ماتنسايش ان مش لازم يكون حلم او منام
في دعاء صلاة الاستخارة ندعي ان الله يكتب لنا الرضا مهما كانت نتيجة الدعاء
من بعد اهدري معاه و قوليلو شروطك اللي تفاهمتوا عليهم في الاول اللي غير رأيو
قوليلو تفاهمنا على هكذا و هكذا مش تبدل رأيك في أي لحطة و انا ساكتة
و اهدري معاه بطريقة انك ممكن تستغني عليه اذا بدل رأيو
و قوليلو فكر و رجعلي الخبر
و انت ماتعيطيلوش خليه هو اللي يعيط
و القرار بيدك تكملي و الا لالا
المهم تعرفي واش راكي تحوسي في حياتك
و على العلاقة للي بينكم اللي قبل العرس قولي خلاص و كل شيء في وقتوا احسن
حتى و لو راكي في الحلال و الحلال و لكن العادات و التقاليد ايضا تحكم
____________________
تردد ببببببببزاف باش نكتبلك رد اكثر من خمس مرات نكتب و نمسح
ان شاء الله نكون مديتلك الحل اللي راكي تحوسي عليه
ان شاء الله تكون الفكرة و صلتك
و ماتنسايش الدعاء
ربي يوفق
____________________
اللهم صل و سلم و بارك على سيدنا محمد
قرات مشكلتك و تعجبت منك.كيف لك ان تفعلي بنفسك هدا من قال لك انه حلال ما فعلت.والعادات والتقاليد اين هي[ انت من جنيت على نفسك فاستغفري ربك واكثري من صلاة الاستخارة. اللهم اغفر لنا جميعا وتب عنا انك تواب رحيم.
ان كان اليوم وانت في بيت اهلك يتحكم فيك بل وينعتك بالامة تحت رجله …بكره هيعمل ايه ؟
لا حول ولا قوة الا بالله العلي العظيم
اوعي تقولي متدين ويصلي ………….كم من مصل وصائم ولكنه لا يفقه من امر دينه شيئا
استخيري ثم استخيري ثم استخيري وشاوري من هم اكبر منا سنا فهم اكثر خبرة
لا تقبلي الزواج الا اذا تأكدت ان هذا الرجل يصلح ليكون زوجا لك وابا لاطفالك
وفي المثل
قعدة الخزانة ولا الجوازة الندامة
( اي البقاء بدون زواج افضل من الندم في وقت لا ينفع فيه الندم )
حفظك الله ورعاك