السلام عليكم اخوتي الكرام
انا صاحبة الموضوع
https://www.djelfa.info/vb/showthread.php?t=1410897
شكرا جزيلا لمساهماتكم و اقتراحاتكم
لكن للاسف انا لا اتقن المهارات اليدوية كثيرا انا متدئة فقط يعني ما نقدرش نخدمها لانو لازم نكون محترفة خاصة و انو المحترفين موجودين بكثرة لانو شاعت هذه الافكار….. اما بالنسبة لفكرة الدروس الخصوصية هي فكرة جيدة لان عندي اسلوب في التعليم لكن للاسف مساحة البيت لا تسمح بذلك
رجاااااءا اذا ممكن افكار اخرى ربي يجازيكم خير و يوفقكم
لا عليك حبيبتي لعل الله يفرجها من عندو
وانتي لماذا لم تحاولي ان تشاركي في اطار الادماج بشهاده الباك تاعك او ياي شهاده تعادلها
اتفقي مع كاش مدرسه او قريب ليك كمقاول مثلا المهم انوا يديرك عندوا ومتنخدميش راكي تقري ظرك
وهكذا تستفيدي شهريه وتعاوني روحك وباباك وتقري على روحك وكي يجي الصيف الا قدرتي اخدمي في اطار الادماج الي قلتك عليه وفي القرايه تفاهمي معاه وحبسي وربي ييسرلك
أكثري من الإستغفاااااااااااااااااااااااااااااااااااااار
طالما لا تملكين حرفة
فأحسن فكرة الدروس الخصوصية و ضيق البيت ليس عذر فيمكنك انت ان تذهبي الى التلميذ
هناك الكثير من الاهالي مهتمين بتدريس اطفالهم في البيت فقط ابحثي و ستجدي ان شاء الله
ربي يفتح عليك
للاسف الشديد كنت اعمل على انترنت من مدة لكن الموقع الذي كنت اعمل فيه اغلق مع اسف والى كنت سوف اعلمك كيف تجنين 500$ بكل سهولة (والله حقيقة ) بقيت عندي 100$ في حسابي في قوقل ادسنس اذا ارتي اعطني رقم حساب ccp حلما اسحبها ارسلها لكي لعلها تفيدك على اقل شهر هذا ما عندي .
السلام عليكم
أختي تقدري تقري دروس خصوصية ماشي في داركم كاين جمعيات للدروس الخصوصية شوفي معاهم وحتى اذا كان المبلغ قليل معليهش لانك رايحة تقري غير يومين في السمانة
و ثاني تعلمي صنع الحلويات و تعاملي مع محل لبيع الحلويات (مربحة جداً) انتي وشطارتك
قري الدروس الخصوصية عند التلاميذ ولا اتفاهمي مع جمعية
السلام عليكم المهم ياخت الصبر اهم شئ نقدر نصحك به والقري نتعك متفرطيش فيه مهما كانت الظروف وتاكدي أنه الكثير من هم في فقر اكبر لكن يقوم من اجل الوصول الله المستعان
بخصوص صنع الحلويات مربحة حتى لو مش محترفة فيها
++
الدروس الخصوصية قادرة كيما قالولك كاين اماكن يدرسو فيهم
ايضا كاين دروس خصوصية تع تروحي لدار التلميذة
من لم يعاني من المشاكل المادية في حياته الجامعية ؟ لا أحد . أختي الكريمة أنصحك بالاتي :
– حذار من التفكير في الزواج للهروب من المشاكل فعواقبه وخيمة و لا يمكن استدراكها .
– لا تفرّطي في دراستك في كل الاحوال و مع كل الصعاب ، ففترة الدراسة ستنتهي مهمى طالت و لن تبقى منها الا الشهادة .
– ارضي بالقليل الذي قسمه الله لك تكونين أغنى الناس ، وسيّري منحتك الجامعية بالتي هي أحسن فقد كنت أعرف من الطالبات من كانت تساعد أسرتها من 2700 دج !
– البحث عن عمل اضافي الى دراستك أمر ممكن و قد أجاد المتدخلون في أفكار طيّبة : كالحلويات أو نسخ مذكرات التخرج عند مقاهي الانترنت -خاصة في الجامعات أو الاحياء الجامعية – أو الدروس الخصوصية في بيت من تثقين فيهم . لقد كنت أعرف طالبة تسأل عن أستاذات أو طبيبات محترمات حوامل أو عندهن مشاكل صحيّة فتساعدهن في تدريس أبنائهن أو غسل الأواني و كي الملابس …بمقابل مادي وقد أنهت دراستها بتفوق.
– و يمكنك أن تقترحي على أمك أو أختك ان كانت لا تدرس حضانة أطفال صغار في البيت بسن 03 أشهر فقد كان هذا عملي قبل أن أتوضف و لله الحمد .
– تجلّدي بالصبر و اجتهدي بالدعاء فالله لا يضيع أجرالصابرين .بالتوفيق.
ديري حضانة مصغرة
يجيبوهملك الوالدين للي يخدمو ربع دراري و الا راكي تستفادي بزاف عالاقل بشوي
و توكلي على ربي و كل صباح اقراي سورة الواقعة
ربي يفتحها عليك فكري مليح الحاجة ام الاختراع و اكيد كاين مخرج
بما انك متعلمــــة
ابحثي عن وظيفة في أي ادارة
لست اول وحدة تدرسي وتعملي في نفس الوقت
و ربي يسهل أختي
السلام عليكم اختي
ربي يفرج عليك انشالله كثري من الدعاء وقراءة سورة الواقعة
اكثري من الاستفغار و ربي يفتح عليك