تأخير الحمل 2024.

السلام عليكم إخوتي الكرام في هذا المنتدى المحترم.
أردت أن أطرح عليكم موضوع تأخير الحمل لمدة 6 أشهر أو سنة من بداية الزواج حتى تعتاد الزوجة الجديدة على المحيط الجديد و عقليات الناس في بيت زوجها.
لقد طرحت هذا الموضوع على خطيبتي فرفضت و قالت أنها لا تريد التأخر في الحمل حتى تتقي نظرات أهل الزوج لها مع العلم أني أنوي السكن في منزل منفصل عن منزلنا الكبير لكنه محاذ له.

السلام عليكم اخي
ماهدا الطلب الغريب؟والسبب غير مقنع هي ستتزوج بك انت والفايدة في عقليتك انت صراحة طلبك غريب

ياأخي

أنصحك لوجه الله تعالى

أنت تريد تأجيل الحمل

ولا تعرف ماسيفعله الله تعالى .

ربما قد تجدان مشاكلفي الحمل فيما بعد

فنحن في وقت صعيب بزاف والحمل أصبح هاجس النساء المحرومات منه

فما بالك أنت تريد تأخيره و بإرادتك و لا داعي للتبرير إلا إذا كان بعذر طبي .

توكل على الله أخي

و الله يرزق من يشاء

يا أخي تتحدث و كأنك أنت من يقرر ذلك و نسيت أن الله عز و جل هو من يفعل ذلك .
سأسألك سؤالا : هل أنت ضامن أنك ستعيش 6 أشهر دون أن يحدث لك شيء لا قدر الله يمنعك من مرادك و هل أنت ضامن أنك ستنجب.
نعود الى سبب تأخيرك للحمل لكي تتعود زوجتك على العائلة فهذا سبب غريب و كأن زوجتك أتت من كوكب آخر فنحن الحمد لله جزائريين و كل الأسر الجزائرية متشابهة .
أخي خير البر عاجله والحمل 9 أشهر و ليس شهر و خلال هذه الفترة ستتعود الزوجة على الأجواء.

اخي الحل سهل جدا
حاب تأخر الحمل ماعليك غير دير احتياطاتك انت يعني انت اشرب حبوب منع الحمل

السلام عليكم اخي
فعلا امرك غريب وعلاه تطلب أمر كهذا وواش دخل اهلك فعلا هي ل وتتأخر فالحمل اهلك ما راهمش راحين يرحموها لأنو إنت وليدهم لو يكون العيب فيك يرجعوه فيها
ومن جهة من حقك تراعي ظروفك و تتفاهمو لكن هذا بعد الزواج مش تحكو فيه الآن وهي خطيبتك يعني هنا قادرة دير في بالها إنو إنت مش ناوي دير معاها دار او مش باغي يكونوعندكم اولاد وعندك دارك منفصلة معناها خويا راك دير فالأسباب وفقط لو تخيل تجي تأجل الحمل حتى تثاب بعقم اكيد الجواب البديهي تروح تتزوج ربي يهديك اخي هذا امر تتفاهمو عليه بالعقل ومن حقها ترفض موفق

اقتباس:

المشاركة الأصلية كتبت بواسطة كاميلا اخي الحل سهل جدا حاب تأخر الحمل ماعليك غير دير احتياطاتك انت يعني انت اشرب حبوب منع الحمل

ههههههههه كاميلا ردودك دائما تعجبني

يا خويا والله ما كاين حتى سبب مقنع باش تأجل بما انو عندكم بيت مستقل وقادر تصرف عليهم اما حكاية تتعودي على اهلي مكانش كامل منها وكان جيتو رايحين تسكنو معاهم نقولو معليهش
وزيد الاغلبية يحملو بعد 3 اشهر او اكثر خليها على ربي ولي جات جات

اقتباس:

المشاركة الأصلية كتبت بواسطة samira135 ههههههههه كاميلا ردودك دائما تعجبني يا خويا والله ما كاين حتى سبب مقنع باش تأجل بما انو عندكم بيت مستقل وقادر تصرف عليهم اما حكاية تتعودي على اهلي مكانش كامل منها وكان جيتو رايحين تسكنو معاهم نقولو معليهش وزيد الاغلبية يحملو بعد 3 اشهر او اكثر خليها على ربي ولي جات جات

الصراحة راحة هههخههخهه هي من حقها ترفض وهو حاب يأخر الحمل ماعليه غير يشرف الدوا هو وهي متشربش وتنتهي المشكلة والا يحبوا يطفروها في بنات الناس من بعدا تولي تصرالها مشاكل كي تولي متولدش اول حاجة يديرها يرونوفلي عليها هوما اصلا بلا سبة يحوسوا يبدلوا واذا محبتش يزوج عليها يطلقها بطبيعة الحال والاغلبية ميحبوش يتبناو
لن نقع في الفخ خهههههه
ربي يهديه وخلاص منعرف واش ناوي يدير كون قال حالتي الاجتماعية مش مليحة ممكن نعطيوه عذر هذا عندو سكن مستقل وحاب يدير هكذا كون جا مع والديه نقولوا الضيق مي حاجة تخوف واحد يبدا يشرط هكا
سميرة شكرا هههعععههه

غريب طلب اخي بما انك راح تسكن وحدك الفايدة كي تكونو متفاهمين انت وياها هي عندها الحق الحمل نعمة كبيرة يحس بيها غير لي معندوش لولاد

غريب أن تتحدثوا في أمر كهذا والزواج لم يتم بعد والفتاة في بيت والدها!!
وعلى فرض أن الزواج تم فأنت في بيت منفصل دير رايك وما دام حكيتو في موضوع كهذا قبل الزفاف فأكيد الزوجة منسجمة معك تماما ولا تحتاج الى أن تنسجم مع أهلك لأنها تزوجت بك وحدك!

اقتباس:

المشاركة الأصلية كتبت بواسطة محمد جديدي التبسي غريب أن تتحدثوا في أمر كهذا والزواج لم يتم بعد والفتاة في بيت والدها!! وعلى فرض أن الزواج تم فأنت في بيت منفصل دير رايك وما دام حكيتو في موضوع كهذا قبل الزفاف فأكيد الزوجة منسجمة معك تماما ولا تحتاج الى أن تنسجم مع أهلك لأنها تزوجت بك وحدك!

كيفاش يدير رايوا ؟؟؟؟؟؟؟؟؟؟؟؟ تقدر تفهمنا فيها ؟