بسم الله الرحمن الرحيم
عملت بزاف مواضيع على طبخات بالقازوز باتيسري , كاب كايك , ميني كايك , لكن متاكدة بلي بزاف الأخوات مادخلت في راسهم العفسة نتاع القازوز فالقاطو , انا مرة عملت مسكوتة و جاتني يابسة و الحليب ما بقاليش , خممت نزيدلها الماء تجي صامطة , أمالا دبر عليا راسي زدتلها القازوز خخخخخخخخخخخخخ و من هداك النهار وليت نستعمل القازوز في المسكوتة نتاعي هكذا تجي كي لقطن
البارح عملت مسكوتة ساهلة بمقادير بسيطة جدا متوفرة في كل بيت و صورتها و جبتلكم الصور بالتفصيل الممل
نخليكم اولا مع المقادير ثم مع الصور
المقادير :
نصف كأس زيت الكاس لي ستعملتو ضيق من تحت لكن الكمية تقريبا نص كاس برك
كاس قازوز انا نستعمل فرحة ذوق ليمون ليم ذوقو امممممم
وحدة و نصف خميرة
علبة ياغورت أنا استعملت صغيرة نتاع ألف لي تحب تستعمل الكبيرة تستعملها عادي
3 مغارف كبار سكر
تقريبا 2 كيسان فرينة نستعمل كاس و نصف و اذا بقات جارية نزيد من النصف
كاس كوكاو نرحيه و نغربلو الرقيق نستعملو فالبداية و الخشن نضيفوه مع نصف كاس جوز الهند في الأخير
2 فاني نسيت ما صورتهمش
قرصة صغيرة ملح
3 بيضات
و كيما تشوفو في بلاصت الحليب انا نستعمل القازوز و الزيت نستعمل غير نص كاس حتى ما تجيش ثقيلة و مزيتة بزاف
و دركا مع الطريقة بالتفصيل الممل و الصور
نحط السكر و الياغورت و الفاني مع الملح و البيض و نخلط
نخلطو مليح حتى تتشكل فقاعات و اسهل طريقة نخلطو مرة لليمين و مرة لليسار خخخخخخخخخخخ هكذا ساهلة احسن من التحريك بشكل دائري
نضيفو الكوكاو الرطب و الخميرة و الزيت و نخلط مليح حتى يبياض المزيج
نضيفو القازوز و نخلط مليح
نضيفو الفرينة
هاذا المزيج بعد ما ضفنا الفرينة يبقى جاري شوية فقط
نضيفو الكوكاو و جوز الهند و نخليوه 3 دقائق
هنا بعد ما ضفناه و خلطناه مليح باش يتجانس
هنا بعد 3 دقائق الكوكاو و الفرينة و جوز الهند تشربو السوائل و تماسك المزيج اكثر
نحطوه في لي مول بملعقة و نحاول ما نمسخش الجوانب و لا نحطوه في ساشي و نثقبوها ثقبة متوسكة و نفرغو منها باه تجي العملية سهلة و سريعة
نفرغو المزيج في ليمول حتى للخط الدخلاني كاين واحد الخط فالمول ما نتعداوهش باش مع التخمار ما يفيضش العجين . نسخنو الفرن مليح و نشعلو غير من تحت فقط
نحطوه في فرن سخون مليح انا درت فالكويزنيار على 260 درجة مدة 5 دقائق علاش ؟ باه من فعل السخانة يطلع و الهواء السخون تم تم يعملو قشرة من بعد ما يزيدش يهبط حتى ولو حليتي الفرن مليون مرة
من بعد 5 دقائق ننزل الحرارة 160 او 150 درجة بمجرد ما نبداو نشمو ريحتو معناها طابت من تحت , خخخخخخخخخخخخ بالطبع ماشي ننساوه حتان تولي ريحت الحريق
و لي ما تعرفش تستعمل الضوء نتاع الكويزنيار أو ضواية تشوف بيها داخل الفرن , اذا شافت القاطو صفار شوية و انتفخ بعد تقريبا 10 دقئق و ريحتو بدات تجي معناها طاب من تحت تحل الفور و ما تخافش و تشوف الحواشي و الجناب لازم يحمارو غير شوية ماشي بزاف
طفي و تزيد تشعل من فوق 2 دقائق حتى يولي لونها ذهبي
هنا بعد ما خرج من الفرن لازم يطيب اصفر ذهبي لأنو كل مازادت المدة رح ينشف و يولي فيه شغل فتات من برا على الوجه التحتاني
نقلبوه فوق سارفيات ولا قطعة قماش نظيفة و نحيو المول الحديد و نخليوه يبرد مليح
ممكن نخليوه كيما هو ممكن ندهنوه بشوية عسل من فوق و نرش الكوكاو لخشين في كلتا الحالتين بنين
شوفو من داخل بيضا ماشي ميدمة و كي لقطن هشوشة
هادا صحن لحباباتي و للعضوات الكريمات
الله يبارك رايحة نجربها عندي ليمول
وصفة هايلة بارك الله فيك بغيت نسقسيك هذا الوصفة شحال تدير من حبة ؟
|
المشاركة الأصلية كتبت بواسطة أم ماجد
 الله يبارك رايحة نجربها عندي ليمول
|
يبارك في سلامتك أختي ام ماجد
كون قلتيلي برك كون جبت البيبي مسكوتة نتاعي و جيت لعيد ميلاد بنتك ما تشقي روحك ما والو خخخخخخخخخخخ 
|
المشاركة الأصلية كتبت بواسطة wafa.wafa
وصفة هايلة بارك الله فيك بغيت نسقسيك هذا الوصفة شحال تدير من حبة ؟
|
شكرا اختي الله يبارك في سلامتك
عملتلي 21 حبة 14 مول كبير و 7 حبات لي فالوسط اكبر شوية برك
ياك انامن معروضين ام ماجد ووفاءسبقوني خلصو هذاك صحن زيدي عمريه اوباين بنين يعطيك الصحة
مسكوتة بالقازوز غريبة نهار نحب نديرها وما نلقاش الحليب نجربها بارك الله فيك
هايلين يعطيك الف صحة….
مالفة حنونة نستعمل قازوز صح تجي هشوشة بزاف
جاو يسخفو وين هو حقي راني نسنى خممممممممممممممم
ماشاء الله 4444444444444 بارك الله فيك
بـــــــــــارك الله فيـــــــــــك
شكرا جزيلا عزيزتي kakinova مواضيعك دائما جميلة
|
المشاركة الأصلية كتبت بواسطة ام فريال
ياك انامن معروضين ام ماجد ووفاءسبقوني خلصو هذاك صحن زيدي عمريه اوباين بنين يعطيك الصحة
|
معروضة لعزيزة و كل العضوات الكريمات الخير كاين و مازال الحمد لله
|
المشاركة الأصلية كتبت بواسطة عطر الياسمين الاصلي
مسكوتة بالقازوز غريبة نهار نحب نديرها وما نلقاش الحليب نجربها بارك الله فيك
|
جربيها و الله ما تندمي جربي ببيضة و لا زوج و رديلي الخبز خخخخخخخخخخخ لا معجباتكش ما نزيدش نطبخ
|
المشاركة الأصلية كتبت بواسطة &عسل&
هايلين يعطيك الف صحة….
|
الله يعافيك اختي نورتي
|
المشاركة الأصلية كتبت بواسطة لينا11
مالفة حنونة نستعمل قازوز صح تجي هشوشة بزاف
جاو يسخفو وين هو حقي راني نسنى خممممممممممممممم |
آهااااااااااااااااااااااااااااااااااااااااااا تعرفي العفسة نتاع القازوز و مخبيتها علينا شفتي كيفاه كشفتي روحك خخخخخخخخ
ايه و الله هشوشة و خفيفة و بنينة حقك ديما يبقى محفوظ حتان ييبس خخخخخخخخ واش راه وليدك حنونة ربي يحفضو
ما تغيبيش بزاف هكذا ديما تاكلي حقك سخون
|
المشاركة الأصلية كتبت بواسطة شلال فرح
ماشاء الله 4444444444444 بارك الله فيك
|
و فيك بارك الرحمن اختي شكرا لمرورك
|
المشاركة الأصلية كتبت بواسطة tong
بـــــــــــارك الله فيـــــــــــك
|
و فيك بارك الرحمن اختي نورتي
|
المشاركة الأصلية كتبت بواسطة الصوامعية
شكرا جزيلا عزيزتي kakinova مواضيعك دائما جميلة
|
شكرا لمرورك صوامعية نورتي و الله انتي الاجمل نحبك فالله سلامي لناس الصوامعية و ناس عين مليلة يسلمو عليك و يدعيولك شكرا
يعطيك الصحة فحلة وشاطرة خموس عليك خسارة ماعنديش لي مول مي راح نشريهم و انجربها بحول الله والله ديما ينتابني تساءل حول معنى إسمك ؟؟؟؟؟؟؟؟؟؟؟؟ عذرا على التطفل ههههههههههههههههه تحياتي و سلامي ياغالية
|
المشاركة الأصلية كتبت بواسطة miri_27
يعطيك الصحة فحلة وشاطرة خموس عليك خسارة ماعنديش لي مول مي راح نشريهم و انجربها بحول الله والله ديما ينتابني تساءل حول معنى إسمك ؟؟؟؟؟؟؟؟؟؟؟؟ عذرا على التطفل ههههههههههههههههه تحياتي و سلامي ياغالية
|
علاش خسارة تقدري تعمليها في ليمول الكبار و تقسميها مربعات
خخخخخخخخخخخخخخخخخخخخخ و الله عادي سماني بهاد الاسم عمي الصغير و للأن يعيطلي بيه و كاين بزاف يعيطولي كاكي برك خخخخخخخخخ اختصارا للإسم
سلامي ليك لعزيزة و شكرا لمروك