بقلاوة بشكل جديد لمناسباتكم السعيدة

سلام الله عليكم حبيباتي
ليوم جتلكم بقلاوة عندي عامين وانا نديرها شكلها جديد ويحمر الوجه وساااااااااااااااهلة
4كيلات فرينة ونص كيلة مايزينة 2 م كبار لحظة و2 م كبار خل وكيلة -نص سمن ونص صالحة- رشة ملح وإذا استعملت كيلو فرينة في كل كيلو ديري بيضة
نبسس العجينة بليدام ونزيدو المكوينات الاخرى ونلمها بالماء الدافئ وماء الزهر نخليكم مع الصور
انا كيلت بكاس تاع حليب خاطر درت غير شوية غير على جال باه نويريلكم الطريقة
الجيريا

نتحصل على عجينة طرية نخلوها ترتاح بيلا مدرنا الحشو
الجيريا

الحشو 3 كيلات لوز او جوز او كوكاو بكيلة سكر خشين + م كبيرة فاني + م كبيرة زبدة اختياري ونلمها بماء الزهر منشمخوهاش بزاف تكون شادة روحها
اذا كان عندك كوكاو وحبيتي تتحصلي على ذوق اللوز نفور الكوكاو وفي ماء التفوار نديرو زيست تاع لوز حلو ومر ونفور الكوكاو من 12 الى 25 د
ونرحيه مع السكر ونلم الحشو بماء الزهر ونديرو قطرة زيست تاع لوز حلو ومر
الجيريا

نقسم العجينة على 8 كريات
الجيريا

نفتح كل كرية غير شوية وندير بيناته مايزينة ونكمل ومبعد نحلهم كامل نفس طريقة البقلاوة منرققهاش بزاف
الجيريا

نحتاجو زوج قاطعات وحدة كبيرة واخرى اقل منها واذا عندك بالارقام نحتاجو رقم 8 و رقم 6
الجيريا

ونحتاجو مول كيما هكا
الجيريا

نقطع بالقاطعة الدائرية الكبيرة دائرة ونديرها داخل المول وندير فوقها الحشو
الجيريا

وبالقاطعة لأقل منها نقطع دائرة
الجيريا

وبالموس نقطع هذيك الدائرة على 4
الجيريا

ومبعد نشدو الحواف الخارجية ونشدهم مع بعض باه تشكلنا ورقة كيما راهي تبين الصورة
الجيريا

نشكلو وريقات ونديرهوم فوق الحشو ساير داير ونديرو في الوسط وردة وحبة لوز
الجيريا

او تحبي ديري العجينة في الة الرشتة وديريها فوق الحشو
الجيريا

او بطابع تاع الوردة لكبيرة كيما تحبي
انا هنا مدرتش الوردة لكيما في الصورة درت غير الاوراق
وكل مول نسقيه بملعة كبيرة -نص سمن ونص صالحة ذايبين مع بعض-
الجيريا