سيكون موعد مع اهل الجود و الكرم …..سنستمع الى حناجر قوية و ناجحة باذن الله تعالى
السلام عليكم.
هذه بشرى سارة وفيها الخير الكثير لولاية الجلفة.
إن شاء الله تكون فأل خير عليهم
مشكورين وبارك الله فيكم وستكون الجلفة ان شاء الله كما عودتكم خير مضياف لزوارها
مبرووووووووووووووووووووووووووووك للجميع
لسماع أحب الكلام الى القلوب
وستكن الجلفة وفية كعادتها عند استقبال ضيوفها
وأي ضيوفا قدموا إليها
بالتوفيق والسداد
نتمني ونطلب الخير الكثير لكل أهل الجلفة الحبيبة إن شاء الله
السلام عليكم.
هذه بشرى سارة وفيها الخير الكثير لولاية الجلفة.
موفقون ان شاء الله
نعم من استظفتم.
السلام عليكم
باسمك ربي خالقي نبدأ انظم ** كلمة سهله نكمل مبداها
فالجلفة وأولاد نايل نتكلم ** سلسلة الأشراف يسعد من جاها
أهل الهمة و النيف ولمعاد الكرم ** وأهل الدين أصلاتهم في وقتاها
فرسان البارود مافيهمش الذم ** بيت الضيف أمفرشة يا مبهاها
بزرابي و مخاد عندك لازمهم ** و فرشات موزقة فرشناها
والبدوية بيدها تقلع وتخدم ** زربية و فراش ووساد معاها
والقهوة بالشيح ريحة تتنسم ** في برادة ضاوية قد مناها
و الفناجل من فرفوري يامسلم ** و لاتاي اللي حب ورقة جبناها
واللي نافح في اللبن عندك يحشم ** في قدحية من شكوتو فرقناها
دقلة نور وزيد قرس أمعرم ** البيت الحمراء ما تعاير من جاها
البوصلوع النايلي للي عازم ** والرفسة بادهان زينة محلاها
بوكعوالة بيه صحرتنا تهتم ** أكلة شعبية جدك خلاها
والمشوي واجناب ملفوف أمدرقم ** بتوابل للضيف وحدناها
و القصرة ميادنا زين أمسقم ** بالحكمة نطقوا رجال أوشفناها
لينا يقصد ضيف ربي يافهم ** يتعشى ويبات قصرة محلاها
المحتاج انكفوه واللي جاء عازم ** و الحقرة محال نرضى لبلاها
وحتى الخيل النايلي يكسب وغنم ** وكحيلة بكري السامع لرغاها
في القنطاس النايلي مكحلتوا ثم ** عادات جدوليه بكري خلاها
البيت الحمراء جات في الصحراء مرسم ** وعنها يسأل ضيف ربي وين راها
منظرها في الصحراء يفاجي كل الهم ** ايريح قلب اللي تعب كي يراها
رنات الخلخال تنطق تتكلم ** ذا البدوية قال سعد اللي خضاها
أغزالة شراد نظرتها تعدم ** والماهر صياد فرق وخطاها
بنت الصيل ابزينها ديما تحشم ** وردة في الصحراء وربي سجاها
الورد مفتح به عينك تتنعم ** و ظل البطمة فيه رقدة محلاها
و طيورة للصيد الفارس دربهم ** كي صبوا صابوا الكبدة و حذاها
ولايتنا ضاقت من الحرب الهم ** ياسر من رجال ضحوا باسماها
جبل بوكحيل اعدونا فيه اتحطم ** والشاهد مازال يروي وحكاها
أمراكز تعذيب للقاسي يتلم ** مزالت لليوم تشهد شفناها
