السلام عليكم و رحمة الله تعالى و بركاته
اصدقاء ساعطيكم جملة باللهجة التبسية و
حولوها انتم باللهجة نتاعكم
شنوا عم تدني تو؟
اه هذي الخياطة حلوة برشة .
انتظر لهجتكمممممممممممممممممممم
ana teni tbessya mais mangoulouch hlowa barcha ngoulou behya yesser
w mangoulouch chnouwa 3am dir taw ngiulou wech dir dhork
مفهمتهاش كامل هذو الجمل
اختي فضيلة صح نقولو باهية ياسر و نفولو واش ديري درك
بصح هذي الهدرة ما يحكوهاش تاع السونتر فيل يحكوها
تاع الدوائر انت ممكن تكون كاش من دايرة من دوائر تبسة عليها تحكي زي هكا
و انا نسكن في السونتر فيل عليها نحكو زي هكا
ان شاء الله تكوني فهمتي قصدي و شكرا على مرورك انت و براهيم دوبل كانو
السلام عليكم و رحمة الله وبركاته
أهلا بيكم يا ولاد تبسة
حتى انا تبسية بصح مشني من السونتر
أنا من مدينة بئر العاتر معروفة طبعا
ايه راي حتى تبسة في ذاتها تختلف الهدرة فيها هههههه
نحنا نقولو "وش قاعد تدني تو" ولا "وش قاعد تدير تو"
و نقولو "هذي الخياطة باهية ياسر" ولا "مليحة ياسر"
ميرسي اختي فايزة على الموضوع
و ان شاء الله خيوتنا لخرين يشاركونا
صحة سلام
شكرا ليك اختي التبسية بنت العاتر انا ثاني نعرف بئر العاتر
صح نحكو هكذاك ان شاء الله نكونو تباسة مع بعضانا
و حابة نقول حاجة ل girles stars بلي راهي معلوماتي اصح من
معلوماتك و انت اصلا من العاصمة وش دخلك في التباسة هذي هي الهدرة
نتاعنا و نفتخر بيها و مع كل احتراماتي لك اشكرك على المرور
و اشكر اختي بنت العتر كذلك على مرورها المنور
و شكراااااااااااااااااااااااااااااا
لا أعرف اللهجة التبسية و أعرف التونسية .
و كأنها اللهجة التونسية .
بورك فيك على الموضوع .
النور نورك اختي فايزة ميرسي ربي يعيشك
يا جماعة استهدو بالله و ماكلاه تتناقشو على حاجة تافهة
معليش ما صرا والو
كل واحد قال رايو و هو حر فيه
و كل واحد يحترم راي لوخر
ايا تراه
بوسو روس بعضاكم و تسامحو راكم خواتات
ههههههه
تحياتي يا خواتاتي
اختي girles stars كل واحد حر في كيفية طرح موضوعه
و هذي هي اللهجة الي نحكو بيها في الدار و اغلبية التباسة
و يبقى لكل واحد الحرية في الكلام و الراي و مع هذا اشكرك على مرورك و
اشكر كل الاعضاء الاخرين
أختٍي انا تبسيّة مي منحكوش هكَّا
منقولوشْ برشى نقولو ياسرْ
ومنقولوش حلوة نقولو باهية والا مليحة
وتاني منقولوش تو نقولو ذركَْ
***
بلاكْ انت من تبسة مع الحدود التونسية
هوما لي يحكيو هكاا
المُهم شُكرآآ
حنا في قالمة نقولو
واش قاعد تمدلي دوقا
حنايا نقولو
وش راكي ديري
هدي الخياطة مليحة بزاف
اختي دموع الشوق نحنا نحكو زي هكا هذي هي الهدرة نتاعنا
و انا راني نسكن في السونتر فيل في تبسة
هذي هي هدرتنا نحكو هكا انتم تقولو زي هكا …الخ
و انا ثاني عندي فامي يسكنو في دائرة من دوائر تبسة
يحكو كيما قلتولي يقولو باهية و مليحة و قولو ذرك
ممكن تكوني انت تسكني في كاشي دائرة
و كيما قتلك نحنا نحكو زي هكا و اغلب التباسة يحكو
هكا و انا ما قتلكمش استفسرولي على هدرتي قلتلكم حولوها
و نشكرك اختي دموع الشوق على ردك و انا بصراحة فرحت
كيما لقيت اصدقاء تباسة معايا في المنتدى نتمنى ان نكونو اصدقاء
مع بعضانا و شكرااااااااااااااااااااااااااااااا
انا نسكن في لاقار
و كذلك نشكر جمبع الاعضاء على مرورهم
و شكراااااااااااااااااااااا