السلام عليكم ورحمة الله وبركاته
اليوم جبت لكم مجموعة من حلويات من مطبخى
اتمنى ان تنال اعجابكم
اعذرونى الصور مش واضحة مليح لانها فقط من كامرا الجهاز
سلامى
اختي يعطيك الصح فحلة ونص قطواتك ملاح كملي مزيتك واعطينا لاغوسات تاعهم خاصة هذاك الي كي الشوك بيض في الزاوية اليسرى للصورة
|
المشاركة الأصلية كتبت بواسطة ام ظافر
 اختي يعطيك الصح فحلة ونص قطواتك ملاح كملي مزيتك واعطينا لاغوسات تاعهم خاصة هذاك الي كي الشوك بيض في الزاوية اليسرى للصورة
|
هذي اذا هي انا ضرك خارجة كى نرجع ان شاء الله
نحط لك لغوسات نتاعه
فحلة يا النايلية
الله يبارك
نستنو الكيفيات تاعهم ربي يحفظك يارب
نعم هذيك اربي يجازيك الجنة
|
المشاركة الأصلية كتبت بواسطة عائشة حسان
فحلة يا النايلية
الله يبارك نستنو الكيفيات تاعهم ربي يحفظك يارب |
يبارك فيك ويحفظك
شكرا للمرور
|
المشاركة الأصلية كتبت بواسطة ام ظافر
نعم هذيك اربي يجازيك الجنة
|
امين ان شاء الله جميعا يارب
مقادير حلوى الوردة
ثلاث كيلات فرينة
كيلة سمن
2صفار بيض
ملح
ماء الزهر
الحشو
كوكاو محمص ومطحون
سكر
شوية قرفة
ماء الزهر
خليطهم مع يعض تصير حشوة
تحضير
خلطى كل المقادير مع بعض واعجنيهم بماء الزهر
حتى تصبح عجينة لينة حليها بالحلال
اعملى منها دوائر ووردات حجم كبير بقد الدائرة وحجم اصغر
حطي دائرة من عجين حطى فوقها بياض بيض
ثم حشوة ثم بياض بيض ثم دائرة من عجينة
ثم بياض بيض ثم وردة الكبيرة بعدها وردة صغيرة
وحطي بنصفها حبة كوكاو
حطيها فى الفرن درجة حرارة قليلة
بعد ماتنظج حطيها مباشرة فى العسل بعدها رشي شوية بريو
بالتوفيق
شكرك بزاف بنت العرش الزين النايلية وفيتي و كفيتي
يعطيك الصحة في يدياتك
طبعا عاجبتني الصدفة و اعجبني تاع شيكولا لفيه وردة
درتي الخير كمليه
اعطينا
les ressetes
و دمتي وفيه
الله يحفظك ما نقدرش نوصفلك فرحتي كوجهتيلي النداء اشكرك من كل قلبي
|
المشاركة الأصلية كتبت بواسطة chahzed
شكرك بزاف بنت العرش الزين النايلية وفيتي و كفيتي
يعطيك الصحة في يدياتك طبعا عاجبتني الصدفة و اعجبني تاع شيكولا لفيه وردة درتي الخير كمليه اعطينا les ressetes و دمتي وفيه الله يحفظك ما نقدرش نوصفلك فرحتي كوجهتيلي النداء اشكرك من كل قلبي |
العفو اختى بلامزية
يارب ديما فرحانة اختى
المقادير
3 بيضات
كأس سكر اقلاسي
كاس كوكاو محمص ومرحي
كلبة مانغرين250غرام
علبة بيمو مرحي
حلوى ترك
خمارة
تحضير
خلطي كل المقادير مع بعض ولميهم بالفرينة
حتى تصبح عجينة قطعيهم دوائر وحطيهم يطيبو
بعدها لصقى كل دائرتين بمعجون المشمش
حطيى فوق شيكولا واصنعى وردة بعجينة اللوز
بالصحة والعافية
اتمنى ان شرحي مفهوم
اي سؤال انا هنا
شكرا جزيلا
نشكرك ياسر ياسر بنت ولاد نايل
|
المشاركة الأصلية كتبت بواسطة samasima
شكرا جزيلا
|
العفو اختى
شكرا للمرور
|
المشاركة الأصلية كتبت بواسطة chahzed
نشكرك ياسر ياسر بنت ولاد نايل
|
العفو اختى
ربي يحفظك
سلامي
اختي قوليلي القاطو الازرق و ليفيه اللوزة من فضلك
ما شاء الله يخليك دايما مميزة بحلويات الرائعة نتعلمو منك و يجازيك الله كل خير