الى الاخت fifiarch و كل من تفهم في السموكس 2024.

السلام عليكم و رحمة الله و بركاته

ارجو المساعدة من الاخت فيفي و الخبيرات
انا عملت كوفرولي سموكس بغرزة الضفيرة و حابة نطرحو من الاسفل لكن ما عرفتش كيفاه

هو كوفرولي تاع 7 امتار نقسنهم على 2 و نخيطهم مع بعضاهم و نعمل عادي كانت حطاته اخت هنا عندو بزاف و مالقيتوش الان هي دارت ما بين كل ضفيرة و اخري فاصل تاع 8 سم و هي قالت انه ممكن تطرحيه من الاسفل لكن ما شرحتش كيفاه
ما عرفتش نحط صورة لكن اعتقد انه مفهوم واش قلت
ساعدونس باش نطرحو من التحت لاني حاباته يكون واقف

ارجو المساعدة في اقرب الاجال لان الامر عاجل
جزاكن الله خير

اختي غرزة الضفيرة اصلا تجي واقفة لما تخدمي بالساتان روايال
وككل كوفرولي لازم يكون فيه لاوات باه يعطيه السمك المراد
يعني من اسفل ماعليك خير تعملي لواط كيما يجي في الكوات
وتعملي دوبلير للمكوفرولي نتاعك

بالتوفيق

حبيبتي ممكن توضحيلي باترون غرزة المثلث مع الورقة لخياطة بساط للبيبي و كم من القماش نشري

يعطيك الصحة اختي فيفي ربي ينورك
تعيشي فهميني مليح كيفاش تخيط هاد لا وات من التحت نجوز الخياطة عالطروف و لا كيفاه لانه الكوفرولي جا طايح للتحت معناته بالشرشيف تاعه ماشي المربع تاع البنك وحده و الشرشيف وحده راكي فاهمتني
من فضلك اذا ماكانش ازعاج فهميني كيفاه نخيطله لا وات
راني حاولت نحط صورة ان شاء الله تكون خرجت شوفيها رح تفهميني مليح ان شاء الله
بارك الله فيك

Photos-0068.jpg

ربي يرحم خالك و ابي و يرزقهم الجنة و جميع المسلمين

اختي yatoyato ماعلاباليش اذا راكي معايا و الا مع الاخت فيفي على كل انا مبتدئة ما نعرفش بزاف في الخياطة
لكن ممكن تشوفي موضوع للاخت فيفي راهي دارت بساط تاع بيبي بالتفصيل و دارتو بغرزة واحداخرى شابة شوفيها

انا عملت واح كيما هو بالضبط و طرحتو بالبونج و بالعقاش يعني حطي البونج تحت الخدمة نتاعك و لصقيه فيه بالعقاش اصغير و بعد ما تكمليه كامل غطيه بالطافطا

راني شفتو هداك البساط بصه حابة بغرزة المثلث و الورقة

ختي سامية تعيشي فهميني مليح يعني قطعتي البونج مستطيلات طوااااااااااااال تاع عرض 8سم و من بعد لسقتيه تحت الموجات هادوك و الا تحت الضفاير ما فهمتش وين لاني في الضفاير راني درتلو عقاش
فهميني مليح يا اختي و قوليلي شحال دخلك البونج و واش من سمك شريتي

اختي yatoyato اسمحيلي ما نقدرش نفيدك ان شاء الله تدخل الاخت فيفي و تعاونك

البونج ما يتقطعش يبقى كيما تشريه و تطرحيه
انا شريت تاع 2 بلايص من الرقيق
يعني تخلي البونج كيما راه و تلصقيه في الخدمة نتاعك في الضقيرة بالعقاش

شوفي هذا مع انو مش باين مليح

اختي سعاد يعطيك الصحة عالرد
لكن البونج كي ما يتقطعش ما يبانش الكوفرولي كي الحطبة ؟و يجي شباب ؟ و الا كي رقيق معليش
و لا وات ماتعرفيش كيفاش تتخيط راني قلت للاخت فيفي و نستنى تردلي و نشوف اذا ندير لا وات و الا بونج
بارك الله فيك

كيما قاتلك الاخت جيبي بونج قد الفراش نتاعك
طبعا الكشكشة مش محسوبة لانها تطيح على الجوانب
البونج رقيق او لاواط
خيطيهم من الجوانب كامل
وفي النص لصقي حبات عقاش منها تزيني ومنها تحكمي بيهم
بالتوفيق

اختي فيفي تعيشي انا كملت الكوفرولي بغرزة الياسمينة وبالصدفة قبل ما نلمو كامل لاني خدمت ب3 قطع لقيت هذا الموضوع لي ولهني للبونج ولا واط كنت سقسيتك قبل على ما اظن وقلتيلي انو لاوت خير من البونج حبيت برك نتاكد في غرزة الياسمينة لازم ندير اما لاوات او البونج و ايهما افضل ربي ينورك

مشكورة اختي فيفي و الاخوات الي شاركو
يمكن ندير لاوات لاني تخيلتو افضل و الله اعلم
بارك الله فيكم

اختي شذا ان شاء الله تجاوبك الاخت فيفي
ربي يعاونك