مقروط لوز
اسفة على التأ خير الانترنت متحكمش معايا
"3 عبار لوز ناشف في في فرن ساخن من قبل وطافي+3/4 سكر عادي+لفاني +قشور الليمون ثم ارحيهم مع بعض مستوى وسط ثم لميها ب1 بيض مضرب واذا ماتنلمتش اضيفي 1 صفار بيض فقط حتىتنتلم وماتكونش جارية وخلي العقدة ترتاح 5 سا ثم شكلي حربوش وقطعي عبر 2 اصابع فقط والعلو ايكون وسط ويطهى مدة 10 الى 15 د حتى ينشف البيض ويحمار غير شوية من الاسفل
2** تكوني موجدة السيرو انتاعو من قبل 1 كيلة ماء+1+1/2 سكر عادي وتروكيهم حتى تثقل
منبعد اغطسي الحبة في السيرو ورمدي في سكر القلاصي حتى تكملي وتروكيهم ينشفو منبعد عاودي رمدي الحلوى انتاعك في السكر القلاصي مع اضافة لفاني منبعد ديريهم في ليكيسات
وصفة الكعيكعات او الحنيونات
احنا في المنطقتنا انقولولهم الحنيونات
المقادير:
250 غ لوز مرحي غبرة +125 غ سكر قلاصي+1 م ك زبدة +عصير الليمون ثم لميها بياض البيض مضرب وميكونش الخليط جاري لازم ناشف شوية باه الشكل ميخسرش
شكلي حربوش ودوريه على بوشون تاع قارورة صغيرة تاع دواء مقلوبة تعطيك شكل اسورة وديريهم في الفرن 120 درجة حتى يطهى بلون ذهبي منبعد اطليهم بالقلاصاج او رمديهم بسكر القلاصي كما تشائين
واذا احتجتي اي وصفة انا في الخدمة تحياتي
بارك الله فيك
واش نقولك يا لعزيزة ربي يعطيك ما تتمناي والله ما عرفت بواش نجاوبك
الله يجازيك بالخير
حبيبتي نشكرك بزاف على هذا الكرم الي كرمتيني بيه
ونقولك انك وليتي مشهورة كثير في عائلتي بفضلك وبفضل كل الاخوات تاع المنتدى اصبحت شاطرة كثير وكل حلوياتي ناحجة خصوصا وصفاتك الي طبقتها قمة قمة الروعه
والله نصائحك شجعتني بزاف
انا من قبل كنت نخاف ندخل ونعمل القاطو برغم انه عندي كل الامكانيات بسبب خيبة الامل الي كانت تصرالي لما نعمل قاطو وما ينجحش
هذ العام عملت قاطو العيد في بيتي وبيدي حتى اهلي اتخلعو فيه بصراحه كنت متعوده نشريه
الاغلبية اكدوا لي انه الي حضرتو بالبيت احسن من الي كنت نشريه واجد كل عام
بفضلك انتي اختي رجعتلي الثقة
يعطيك الصحة على هذ الوضفات وحبيت نقولك راني نسال على كعيكعات مشكرين يجو بالعجينة وعقدة اللوز ومممبعد يترمدو في السكر قلاصي
احنا عندنا نسموهم كعيكعات مسكرين
تقبلي تحياتي ونهارك سعيد
السلام عليكم
شكرا لكي واذا احتجتى اي وصفة اطلبينى وانا ارد واذا طولت اعيك اعرفي انترنت منبعد نعطيك وصفة ساهلة وكي ديريها قاع ينباهرو بيك وميامنوش بلي انت درتيها نتمنالك مزيد من التألق والنجاح بالتوفيق
يعطيك الصحة اختي يراسمين على كل ما تقديمنه انا ربي يفرحك ويسهلك كل صعب
راني جربت الطلية بطريقتك وجات هايلة لكن عملت باكي سكر وشوية فقط ما استخدمتش الربع ولا النصف ممكن البيض لاستخدمتو صغير المهم جات هايلة
اذا ممكن وصفة للمادلان و لبوتي فور يكون ناجح وما يجيش يابس وربي يجازيك الجنة غاليتي
ههههههههههههههههههههههههههههههههههههههههه
يا لعزيزة غير نفرح اهلي بالدنيا وما فيها
ربي يفرحك بكل عزيز عليك
صح قهوتك حنونتي
سلام
دائما متابعة جديدك نشكرك على كل ما تقديميه
شكرا لك وباك الله فيك حبيبة
نشكرك على كل ما تقديميه وربي يجازيك
مشكورة اختي على هذه الوصفات
انا فعلا كنت نحوس على مقروظ اللوز
ماما كانت ساخفه عليه راح تهبل
راهي تدعيلك ربي يسترك ويسعدك ويحقق ليك كل امانيك
بارك الله فيك