انا جربت المورانغ للاخت ام اماني وتبعت كل الخطوات ولكم للاسف كى دخلتوا للفرن بالخف اصبح لونوا برتقالي
مع انها في وصفتها ذكرت بلي يبقى في الفرن من ساعة الى ساعتين ويحافظ على لونوا
يعنى وين الخلل عندى من فضلكم اي واحد منكم ولا الاخت اماني قولولي وش هو الحل رانى خلطت كمية معتبرة ومعرفتش الخلل
وين وواش ندير للخليط
الفرن تاعك ساخن اكثر من اللازم من الاحسن تسخنيه و من باعد تخفضي الحرارة اقل شي عندك
حتى انا صراتلي المرة الاولى هكذاك و في المرة الثانية نقصت للفور خلاص درتو في 50 د يعني اقل درجة في الفور نتاعي و حليت الفور شوية وصلحلي الحمد لله عاودي جربيه و ان شاء الله يصلحلك
انا جربتها وجاتنى هايلة
الفرن مايكونش سخون
وكى تطيهم يلزم اقل درجة حرارة ،النار قليييييييلة جدا وادا قدرتى خلي باب الفرن مفتوح شوية ،وما تفتحيش عليهم الا بعد ساعة ،وباه تعرفي ادا طابو وناجحين لازم حبة المورانق تنتزع بسهولة وتكون ناشفة تماما
اختي كيما قلولك الاخوات راكي زايدا للفرن بزاف نقسي حتان تحسيه راح يطفا هكاك يطيب المورانغ راني خدمتو وجاني روعة بصح يقعد حتى 3 سوايع متخافيش عليه ادا كانت الحبة كبيرة وادا صغيرة 2 سوايع ادخلي في اسم ام لوجين وهاديل راكي تلقايه وشوفي شحال ابيض ودوق مانحكيلكش بتوفيق ان شاء الله نكون جاوبتك بواش نعرف
اختي ام اماني قالت الفرن 100درجة تشعليه قبل ما تحضري المورانق
ولما تحطيها طيب ننصحك اذا الفرن تاعك ساخن جدا حطي البلاطو في اعلى رف وبدون ما تفتحي باب الفرن غير تحسيه نشف 10د طفي الفرن واذا كان الفرن تاعك مزود بمروحة تنحي لابريز باه ما يبردش الفرن وخليه ينشف في حرارة الفرن وما تحليش عليه حتى يبرد مللللييييييححححح
بصراحة انا من اول تجربة نجحلي واعتمدت الوصفة ولا مرة فسدت لي
جربي كمية قليلة تاع 2 بياض بيض حتى تتحكمي في الفرن والطياب
يعني ما تخليش الفرن 1سا او2سا وهو شاعل بمجرد ما ينشف طفي عليه وخليه يكمل طيابو داخل الفرن طافي واكيد تنجحي المرة المقبلة لان الطريقة
مضمونة وفيه قرمشة من برا ومعلك من داخل على بالي كثرت دو دودودو غير باه تفهمي لاني ما نعرفش نشرح مليح وبالتوفيق ان شاء الله
نقسي للنار الى ادنى درجة تاع الفرن نتاعك راني مجربتهم و خرجولي 444444444444
صح كيما قالو انا ثان جربتهم و خرجو هبال انا قبل ما نبدا نشعل الفرن و كي نجي ندخلهم نقص للنار تكون كالشمعة و نحط البلاطو فالرف الوسطاني و نفتح باب الفرن شوية و تديلي طياب ساعة و عشرة دقائق من بعد نطفي و نغلق الباب و نخليها تبرد