واش راكم نشا الله تكونو بالف خير اليوم جبتلكم وصفة المعقودة نديروها في الغرب بزاف خاصة في شهر رمضان بدون اطالة نعطيكم المقادير كيلو بطاطا تغليها في الماء ثم تطحنيها تزيديلها شوية معدنوس مقطع رقيق و2سنات ثوم رابي ومغرف صغيرة حرور مغرف صغيرة كمون وزعفران وملح واخيرا 2او 3بيض تخلطي مليح ثم ديريها في الثلاجة تبرد كي تخرجيهاتعملي كويرات قد حبة بيض ترمديها في الفرينة او شابلير وتقليهم في زيت يكون سخون نشا الله تجربوها وردولي الخبر
راني نستنى في الردود
والله تشهي انا ثاني نديرها ونزيد نرحي معه اللحم ونزيد لها الفرماج وبالطبع ندير معها لاصوص للي مايحبهاش ناشفة
هنا دخلت اختي يعطيك الصحة راها كيما تاعي شفتيها ؟؟؟
يعطيك الصحة فوووووووووور
شكرا على المرور حبيباتي
أنا ما نديرش البيض و بلا ما نستناها تبرد فم فم نكورها ههههههه
و أحيانا نضيفلها جبن . كاشير . كفتة . زيتون ……. المهم الي حضر
" كور و اعطي لعور" ههههههه
شكرا على الموضوع لكن حابين ندوقو البنة باش نحطو تقييم ههههههههههه