تاكليه بالصحة يا ايمان.بالعكس اسهل حاجة هيى المطلوع انا دائما اقوم بصنعه في الدار وايجي ناجح معاي المهم الاستمرارية في العمل انتاعو
تاكلوه بالصحة جا ك هايل ماشاء الله
سلمت يداك يا الفحلة
ما شاء الله عليك اختي مرا و نص
يعطيك الصحة تمرسي عليه كل يوم تولي فيه فنانة
بالتوفيق
خرجلك روعة يا ساجية
وكيما قالت الاخت المطلوع حاجة ساهلة وليقلك تكون عندك ارادة ومتخافيش وربي يوفقك
كسرة خميرة احنا انسميوها تكليها بالصحة
الله يبارك وما شاء الله عليك خرجلك روعة تاكليه بالصحة والراحة
تسلم ايدك يعطيك الصحة
الله يجازيكم بالخير قولولي كيفاش الطريقة بالضبط
كم كمية السميد وكم الفرينة وكميةالخميرة المناسبة وشحال نبقى ندلكها وهل نخليها ترتاح بعد ما نلمها
ووقتاش ندير الملح
وهل ندير شوية خمارة الحلوة باش تجي خفيفة والمحسن هل هو ضروري في عجين المطلوع أو كسرة
|
المشاركة الأصلية كتبت بواسطة مها81
 الله يجازيكم بالخير قولولي كيفاش الطريقة بالضبط
كم كمية السميد وكم الفرينة وكميةالخميرة المناسبة وشحال نبقى ندلكها وهل نخليها ترتاح بعد ما نلمها ووقتاش ندير الملح وهل ندير شوية خمارة الحلوة باش تجي خفيفة والمحسن هل هو ضروري في عجين المطلوع أو كسرة |
السلام عليكم و رحمة الله و بركاته
حنا نديروه غير بالدقيق
كيلي بالباطة تاع المارغرين تاع 500 غ ديري لكل مطلوعة وحدة ميشي معمرة
و الخميرة في الشتاء ميش كيما الصيف ظك نتي ديري 2 مغارف تاع قهوة معمرين لكل وحدة
و ادلكيها بالماء الحامي زيدي بالشوي ميش الكل مع بعض اعجني اعجني و زيدي و في الاخير ما تخليش العجينة يابسة تكون طرية
ما تخليهاش ترتاح قرصيها كل واحدة في كتانة اللي تشرب الماء و ممبعد خليها تطلع في بلاصة دافية
طيبيه في طاجين تاع الطين
و الملح تحبي خلطيه مع الدقيق تحبي حتان تعجنيها شوية و تنشف ( خلطيه بشوية ما)
حنا ما نديرو لا خميرة تاع الحلوى لا المحسن فهو اذن غير ضروري
يا أخت ايمان يعطيك الصحة
مزيدا من التفوق أتمنى لك