المراة العاملة اعطونا رأيكم

و عليكم السلام و رحمة الله و بركاته
اذا خايف من كلام الناس و اتهامك راح تلق ردود في هذا الموضوع بالذات تندمك لي طرحت سؤالك
خويا دير لي انت مقتنع بيه و برك
موفق و سلام

عادي اخي انك تتزوج امراة عاملة.تساعدك.يا ريت نلقى خدمة و الله نساعد زوجي.رغم ان زوجي عامل ويخلص اكثر من 4ملاين الا انها مش كافية.اتكل على ربي وتزوج.

أخي واش نقلك.
اذا كنت ناوي من اول يوم تزوج بواحدة خدامة تتكل عليها باه تعاونك .
نقولهالك صراحة ما كان لاه تزوج.
أين توكلك على الله الذي تكفل باعانة الناكح الطالب للعفة و جعل هذه الاعانة حق عليه.
" ثلاثة حق على الله على عونهم و ذكر و الناكح الذي يريد العفاف."
أخي اذا كنت تريد الزواج حقا فتوكل على الله و لا تتوكل على زوجة عاملة تمن عليك براتبها.
فشتان بين و بين .
مجرد نصيحة أخوية لا أكثر.

اين المشكل
المهم يكون عمل شريف ي مكان محترم
و تكون زوجة محترمة

الكثير من الزوجات عاملات توكل على الله اذا كنت مقتنعا

روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك".
المهم وحده مدينه ومتخلقه بخلق حسن
بصح مكاين حتى مشكل باه تتزوج بامراة عامله الحديث يقول لمالها منين يجيها المال كون ماتعودش خدامه
أيضا الرسول عليه افضل الصلاة والسلام تزوج السيدة خديجة وكانت تعمل في التجارة حنا منحطوش رواحنا لمرتبه الرسول عليه الصلاة والسلام وفي مرتبه ام المؤمنين السيدة خديجة لكن كل ماقام به الرسول وما قاله هو اكيد يمثل الحياة النوذجيه والأفضل لينا باه نقتديو بيه
هذا راي الخاص

وعليكم السلام ورحمة الله وبركاته
ليس مستغربا دفاع العاملات عن مثيلاتهن لكن حبذا لو تتحدثن بصراحة
المكوث في البيت أفضل ولا تقول الحقيقة وليست على فطرتها من تقول عكس ذلك
أخي لا تتعب نفسك وابحث عن راحتها المعنوية قبل المادية
تجد كثير من المستقرين والمرتاحين ماديا لكن معنوياتهم في الحضيض لأن زوجاتهم عاملات وتقصيرهم حاصل لا محالة
لذلك أخي الأفضل لك أن تتزوج ماكثة تسخر كل وقتها لك ولبيتك
مرتبك بسيط لكنك رأيت من تشكو زوجها يخلص فوق 4 ملاين وفي الواقع عائلات عايشة ب 12017 دج ومستورة وقانعة والحمد لله
عيش البسطاء والقناعة أفضل ما يكون المهم تروّح للدار تلقى زوجتك في استقبالك وغداك سخون وكل البيت في خدمتك ربي يفتح عليك

اقتباس:

المشاركة الأصلية كتبت بواسطة محمد جديدي التبسي ليس مستغربا دفاع العاملات عن مثيلاتهن لكن حبذا لو تتحدثن بصراحة المكوث في البيت أفضل ولا تقول الحقيقة وليست على فطرتها من تقول عكس ذلك أخي لا تتعب نفسك وابحث عن راحتها المعنوية قبل المادية تجد كثير من المستقرين والمرتاحين ماديا لكن معنوياتهم في الحضيض لأن زوجاتهم عاملات وتقصيرهم حاصل لا محالة لذلك أخي الأفضل لك أن تتزوج ماكثة تسخر كل وقتها لك ولبيتك مرتبك بسيط لكنك رأيت من تشكو زوجها يخلص فوق 4 ملاين وفي الواقع عائلات عايشة ب 12017 دج ومستورة وقانعة والحمد لله عيش البسطاء والقناعة أفضل ما يكون المهم تروّح للدار تلقى زوجتك في استقبالك وغداك سخون وكل البيت في خدمتك ربي يفتح عليك

رايي الشخصي ما فيش اي مشكلة طالما عمل الزوجة في مكان محترم ولكن ليس مستمر بمعني اذا تحسنت ظروفكم فيا حبذا لو جلست في البيت لخدمة البيت

الأهم في هذه النقطة ان تكون الزوجة تقدر تدير عملها ومنزلها بكفاءة بدون نقص في البيت

وبعدين اذا كنت خايف ما تقدر تصرف علي البيت لا تقلق اتكل علي الله وتزوج لأن الله سيرسل لك رزق زوجتك وعندما تنجب سيرسل الله رزق طفلك

لا تقلق مع الله في الرزق

لا عيب في أن تتزوج امرأة تعمل في حدود شرع الله يا أخي الكريم ولكن كيف تريد أن تكون رجل كاملا وأنت تنتظر مصروفك من زوجتك؟؟؟ أنا أقبل الموت على أن أكون ذليلا يا أخي هكذا، خصوصا وأنت في كامل قواك العقلية والجسدية فكيف تريد أن تكون في نظر زوجتك رجل كامل وهي تصرف عليك؟؟؟ بالله عليك فسرها لنا يا راجل؟

لا أشك في شهامتك لكن يا أخي الراجل راجل ونعل بو الذل، خصوصا وأنك من البداية ضحيت بما هو أغلى من المال وهو عفة زوجتك وصيانتها فلو تجرأت الأخوات العاملات الفحلات على ذكر ما يتعرضن له من مشاكل في العمل لفهت قصدي لأنني لا أريد أن أجرح أحدا وأنا الذي عمل في شتى المجالات وأعلم كيف تسير الأمور

اللهم وفقك ويرزك رزقا نافعا نحن و إياك يا كريم وحفظ نسائنا وأولادنا والسلام عليكم

راكم خوفتوه المخلوق
اخي اصبر شوي و شوف خدمة ثانية في عطلة الاسبوع باش تصدر دراهم
و ربي يلاقيك ببنت الحلال

سي تبسي،
كاينين خدامات شاطرات في بيتهم
و كاين قاعدات و ما يديرو والو
و العكس

كل شي نسبي

حسب ما راني نشوف في الادارات وفي قاعات الأساتذة وفي المستشفيات وفي الشوارع غير اخطيك من العاملة مع وجود استثناءات قليلة

ونصيحتي أقدمها لنفسي ولمن أحب أن لا تتزوج العاملة

مدام موظف تزوج بقدر مال وظيفيتك وبمن ترضى بهذا الحال أما العاملة فانت كما قلت سيتهمك أهلها وفي حين انت تبحث عنها ب CCp إذا فهو ليس إتهام ياخي أترك العاملة لعملها

سلام
أرجوك لا تتزوج براتب زهيد و لا تسمع لمن يتكلمون عن القناعة
كيف ل 10000 و 20240 ان تكفي الزوجة و الاولاد
الناس عايشة بيها صح لكن روح شوف كيفاش عايشين بيها
كاين لي يبات بلا عشاء و كاين لي يسلف باش يشري العيد و القش و منحكيلكش على الدخول المدرسي و الكتب ت 3 ولا 4 ولاد
لازم نكونو واقعيين
مفيها والو كي تكون استاذة محترمة بنت فاميلة تصرف معاك على ولادكم
والله لمعيشة غلات بزاف
ميغيضوكش ولادك كي يسخفو على الياوورت واللحم ……..
ميغيضوكش في المولد يبقاو بلا عشاء مليح…نقولك في المولد مثلا أبسط حاجة هي المحارق و الصوارخ و النجوم …متلقاش باش تشريهم…الهدرة تالقناعة اي ساهلة
واش تبقى دير المراة في الدار و هي معندهاش حتى القضية باش تطيب كي الناس
و رمضان…..تعيا تعجبو هكاك بلا ريحة اللحم و الدجاج …حتى الشربة متجيش بنينة …الولاد قلقانين على قش العيد…المراة تغيضها روحها لا قندورة لاوالو….و مالقات باش دير القاطو…ابسط قاطو يسقام….متلقاش حتى باش تشري حبوب منع الحمل …نحكي في الواقع و نتحدى لي يقول العكس….تلقى ولدك يكبر يقولك علاش جبتني ..لا ميكرو لا والو…..
انا ام ل 4 اولاد صدقني كلش بالدراهم .المال يسهل كلش و يجيب نص الهنا
اكثر اسباب الطلاق هو الفقر لي يجيب المشاكل ..الزوجةكي متكلش و متلبسش و تشوف ولدها ملقاش واش ياكل اي مش ساهلة
الزواج مصاريف و مسؤولية كبيرة -المرض- الحمل -التحاليل بالصوارد-كلش بالصوارد
لي يكره عمل المراة مكان لاه يعلق
مانيش قاعدة ندافع على الخدامات
قاعدة ننصح ف الراجل نحكيلو على الواقع باش ميحصلش

السلام عليكم
توكل على الله وحده و اطمع في كرم الله وحده
واضح من كلامك انك متردد و تهتم بكلام الناس
يعني لو تزوجتها عاملة و سمعت كلام من الاخرين لا يرضيك فماذا يكون ردك يا ترى …لازم تتوقع اي شئ و تضع له حلول قبل الخوض فيه
حتى لا تظلم زوجتك معاك
و انت ادرى بحالك ان كنت تريدها عاملة تساعدك فانت حر و ان كنت تريدها ماكثة ايضا حر..لان في طرحك للموضوع ستجد كل شخص له راي حسب قناعته ..ثق بنفسك و عش لنفسك لان كلام الناس لا ينتهي
قم بالاستخارة اكثر من مرة و ارمي حمولك على الله و ثق به
و ان شاء الله ستجد ظالتك و ستفرج عليك
ربي ينور طريقك و يرزقك