إليكن حبيباتي المحجوبة البسكرية من إعدادي و تطبيقي و بالصور من كوزينتي ما نطولش عليكم
بسم الله على الله توكلنا
المقادير:
للعجينة: 2 كيلو دقيق (سميد) العادي -ملح و ماء للعجن
الحشو: بصلة كبيرة-2سنينات ثوم-2حبات طماطم كبار-2 رؤوس فلفل أخضر حار (حسب الرغبة)-ملح-زيت – كسبرة خضرا-2ملاعق أكل طماطم مصبرة
للعلم هي تجي فيها راس الحانوت حوالي ملعقة متوسطة لكن أنا نحبها بدون توابل
التحضير:
بالنسبة للعجين خلطي الدقيق و الملح مع الماء تكون عجينة طرية و اتركيها مغطاة بكيس بلاستيكي مدة نصف ساعة باش تساعدك في العجن بعد ما تمر النصف ساعة اعجنيها جيدا بلا ما ترشيها حوالي 5د ثم بللي بالشوية و اعجني جيدا حتى تحصلي على عجينة طرية و ملمسها ناعم
لوزيها أي اعملي منها كريات وضعيهم في صينية مدهونة بالزيت مع دهن كل كرية بالزيت غطيها ببلاستيك جيدا
يجب ألا يلامسها الهواء باش ما تعملكش قشرة ناشفة. دعيها مدة نصف ساعة أخرى باش تتحط أي تصبح مطواعة للتقراص
في تلك الأثناء حضري الحشو
ارحي البصل خشن و الثوم رقيق وضعيهم في مقلاة على النار مع 4 ملاعق أكل زيت يتقلاو حتان يذبل البصل
من جهة أخرى ارحي الطماطم خشنة و قصي الكسبرة رقيقة ضفي الهريسة و الطماطم المصبرة و الفلفل بعج ما تكوني دقيتيه في مهراس مع شوية ملح ثم ضفي البصل و الثوم إلى الخليط و حركي
بإمكانك لإضفاء نكهة مميزة و بنينة إضافة حبة جزر مبشورة ما راحش تحسي بطعمها لكن واح تبنن المحجوبة
أما طريقة تحضير المحاجب فأتركك مع الصور بشكلين للمحجوبة
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
الشكل الثاني
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
ما دوزيتهاش لأنو كاين في الدار اللي ما يحبهاش مدوزيا
شرح هذا الشكل في المشاركة التالية تابعوني…………
طبخ المحجوبة لازم يكون على نار هادئة
شرح الشكل الثاني
بالنسبة للشكل الثاني تحلي كرية على يدك أو بأي طريقة المهم تكون رقيقة ترشي الطاوة بالزيت و تحطيها مدورة و تزيدي ترشيها بالزيت ما إن يتبدل لون العجين اقلبيها و ادهنيها بالحشو كما في الصورة أعلى
ثم حلي كرية أخرى و ضعيها فوق الأولى و رشي بالزيت و اقلبي ثم ادهني السطح مرة أخرى بالحشو و ضعي عليه كرية أخرى و اقلبي و هكدا جواليك حتى تحصلي على طبقات من العجين و الحشو
هذا شكلها بعد ما تتقص
[IMG]
[/IMG]
ما شاء الله و الله يبارك يا ام اياد
يعطيك الصحة هذه المحجوبة البسكرية تاع الصح يخصها راس الحانوت و كسبر مرحي و اللي يحب يزيد قنطس مرحي
القرصة الثانية ناقصة شوية دواء ، انا نحبها محشية ياسر بالدواء تاع البصلة. لكن كاين اللي ما يحبوش ياسر البصلة
بارك الله فيك على المجهود
|
المشاركة الأصلية كتبت بواسطة remadna
 ما شاء الله و الله يبارك يا ام اياد
يعطيك الصحة هذه المحجوبة البسكرية تاع الصح يخصها راس الحانوت و كسبر مرحي و اللي يحب يزيد قنطس مرحي القرصة الثانية ناقصة شوية دواء ، انا نحبها محشية ياسر بالدواء تاع البصلة. لكن كاين اللي ما يحبوش ياسر البصلة بارك الله فيك على المجهود |
هي المحجوبة البسكرية صح فيها التوابل اللي قلتي عليهم بصح أنا اكتشفت بمحض الصدفة إتها تجي أبن بلا توابل على هذي أصبحت ما نديرش فيها التوابل و بالتأكيد كل واحد و ذوقو
أما الدوا زوجي ما يحبهاش محشية و أنا والفت عليه ههههههه
شكرا لك أختي رماضنة على المرور الكريم نورت صفحتي و الله
ما عجبتكمش محجوبتي
ممممم روعه تسلم ايدك ام اياد احمد امين يعطيك الصحة
الله يسلمك شكرا
يعطيك الصحة حنونه جات فووووووووووووووور
يا ودي تخطينا المحجوبة نضيعو باسكو نحبها يااااااااااسر
ماشاء الله
شكلها رووووووعه كثير
تسلم الايادي
|
المشاركة الأصلية كتبت بواسطة souma bio
يعطيك الصحة حنونه جات فووووووووووووووور
يا ودي تخطينا المحجوبة نضيعو باسكو نحبها يااااااااااسر |
شكرا لك على المرور و المشاركة
|
المشاركة الأصلية كتبت بواسطة جبال الثلج
ماشاء الله
شكلها رووووووعه كثير تسلم الايادي |
شكرا لك على التشجيع نورت
ماشاء الله جاوك روعة سلمت يداك
راكي نسيتي القنطس يا أم اياد
يخي نضال نوصي فيك
ياك انا الي علمتهالك
|
المشاركة الأصلية كتبت بواسطة losiano
راكي نسيتي القنطس يا أم اياد
يخي نضال نوصي فيك ياك انا الي علمتهالك |
سامحيني يا ماما بصح ما نسيتوش ما عدتش ندير التوابل في محجوبتي يخي ذقتيها و متي عليها ههههههههههههههههه
|
المشاركة الأصلية كتبت بواسطة عبير3
ماشاء الله جاوك روعة سلمت يداك
|
شكرا لك عزيزتي جربيهم ما راحش تندمي
|
المشاركة الأصلية كتبت بواسطة أم إياد أحمد أمين
سامحيني يا ماما بصح ما نسيتوش ما عدتش ندير التوابل في محجوبتي يخي ذقتيها و متي عليها ههههههههههههههههه
|
صح بنينة على خاطر الي موالفة اطيب معاك هي الي زادتها في البنة
