المحاجب السخونين والحارين

السلام عليكم مارانيش نبيع فالمحاجب مي حبيت تناقشوا معايا ظاهرة سور شفتوها
الراجل يخبز ويبيع المحاجب والمشكل يخدموا خير من النسا علاش الدنيا إنقلبت المرا تخدم خدمة الرجال والرجال يخدموا خدمة المرا ما تزعفوش مني الخدمة حلال مهما كانت مي واش رايكم في اللي يبيع المحاجب اخي العضو هل تخدم هذي الخدمة ووعلاش ؟ وإنت العضوة تتزوجي بواحد يبيع المحاجب؟
أنا نقول راي بكل صراحة ما نحبش الراجل يخدم خدمة المرا نقبل يكون بلا خدمة وما يخدمش خدمتي انا هو راجل وانا المرا نستنى رايكم شكرا للجميع
ملاحظة
السلام عليكم بعد ما قريت الردود وشكرا للجميع يا جماعة إفهموا قصدي مليح معضمكم دار في بالوا إني تكبرت على اللي يبيع المحاجب هذي محال أنا نحترم الراجل الخدام مهما كانت خدمتوا أنا طرحت فمرة تبادل الأادوار هذا ماكان شكرا للجميع

انا ايضا معاك ما نقبلش بصح هذي هي الدنا انفلبت

اضحك الله سنك اختي الكريمة وجوعتينا الله يهديك…………………….واش تحبي اختي انا عندي صاحبي يخدم المحاجب واختو تقرا في الجامعة وماتعرفش الطيب كيفو …………..واش تحبي الطفلة يطلعوها تقرا والرجل يعقدوه يخلوه يطيب …………….هو في الحقيقة عمل شريف وعادي………..المشكلة هي ………..تصوري كل النساء تقعد في الدار وتخدم على روحها وطيب للرجل الغداء والعشاء لكرانا مالقيناش المحاجب برا …………………………تصوري انا معايا رجال يخدمو كي يلحق الغداء يخرجو معايا باش يتغداو يروحو للقرقوطي والمحاجب والمطاعم بالرغم ان بيوتهم قريبة من المؤسسة …………………….ويقولولك الله غالب المرا راهي خدامة ……………وانا صدقيني نتغدى برا تعاتبني امي وتقلي انا لمن طيبت لغدى ………….اين انتم يانساء بكري……………..الله المستعان

هههههههههه اشهر الطباخين هم الرجال + الخدمة مفيهاش عيب+ العيب الي راهو قاعد ويبرفيتي + والعيب الاكبر هو الي تخدم عليه مرتو هو قاعد+ خدام الرجال سيدهم
واش حابة تخدمي عليه وهو قاعد دنيا هاذي انقلبت عادو نساء يخدمو والرجال يقعدو فدار

السلام عليكم…………..العمل ليس فيه عيب مهما كان نوعه المهم ان يكون حلال وان يكتسب هذا العامل نقود من عرق جبينه
اما بخصوص سؤالك……….اذا كنت انا في حالة مزرية لا مستوى ولا وضيفة وكذالك زوجي (في المستقبل)فا ليما لا ان يعمل بائع المحاجب كما قلتي او حتى بائع متجول وهذا كله من اجل من اجل عائلته
اما بخصوص سؤالك ان ارجل اصبح يتقن الطبخ عن المراة…………..فانا كذالك اجيد الطبيخ وخاصة المحاجب
مشكورة

فوجئت لأنكي تعتبرين بائع المحاجب عمل نسائي ؟؟ منذ متى كان الطبخ حكرا على الرجال

هل لو كان هذا الرجل شاف في أحد المطاعم هل كان سيبدو لكى الأمر غريبا

بائع المحاجب مهنة شريفة و هي ليست عملا مقتصرا على النساء أصلا لا أتخيل امرأة تصنع المحاجب

أعرف رجالا يشتغلون في تطريز الكراكو الذي تلبسه العروس مع ان التطريز عمل عرفت بها النساء وهم جد محترمون

و الكل يحترم مهنتهم و متزوجون و الأمر عادي تماما .

بالنسبة للأخ الذي قال ين ذهبت نساء زمان نقلك ذهبن مع رجال زمان

الرجل بكري ما كانش يقرا و لا يخدم عند الدولة كان صنايعي ولا فلاح ، و الآن تغير الأمر فلاتلتصقوا بالماضي

فزمانهم مضى بخصوصياته و هذا الزمان مختلف

اشهر الطباخين العالميين رجال ومافيهاش عيب روحي للشيراطون و لا الروايال ولا …….. تلقي اغلب الطباخين رجال المهم يكون رزق حلال افضل ما يروح يطلب و افضل من طابلة دخان وخير مايروح يبيع خمر او يمد يده ويسرق ايلا ما لقى مسكين عليها وين مافيها والو عوض لا نعيبو على مهنته نروحو نشوفو الظروف اللي دفعاته لهاذ الخدمة ربي يكون في عونهم ويرزقهم ان شاء الله وبصراحة الطبخ ماينقصش من الرجولة بالعكس راجل ونص ماخلاش زوجته تخرج للشوارع تلقط لقمة العيش ويشوفها كل من هب ودب
ايلا على الزواج مكان حتى مانع علاش اللي يبيع المحاجب مشي راجل ايلا ماحترمتش وظيفته على الاقل نحترم الروح اللي دارها فيه ربي نتزوج معاه هو خير ما نتزوج مع واحد غني كي تقرب عاشوراء يشري سيارة جديدة
لا حول ولا قوة الا بالله العلي العظيم

ايلا الحمال واللي يبع السفنج واللي يبع المحاجب والاسكافي والخياط و عامل النظافة و…الخ ماعندهش حق فالزواج عندنا خسارة فينا كلمة مسلمين

العمل شرف المهم يكون محترما
و قولك :
" ما نحبش الراجل يخدم خدمة المرا نقبل يكون بلا خدمة وما يخدمش خدمتي "
هذه النظرية عندي خاطئة و غير مقبولة طبعا رأيي بصرااااااااااااااااحة

عندنا مثل يقول اخدم بسوردي وحاسب البطال
السوردي هو عملة في القديم تعادل السنتيم حاليا
هؤلاء الرجال يستحقون الاحترام لانهم مكافحون لم يستسلموا ولم يبقوا تحت الحائط
الرجل لا يعيبه عمله تعيبه اخلاقه

اقتباس:

المشاركة الأصلية كتبت بواسطة 2ne1girl انا ايضا معاك ما نقبلش بصح هذي هي الدنا انفلبت

السلام عليكم شكرا على مشاركتك المحترمة جزاك الله خيرا

اقتباس:

المشاركة الأصلية كتبت بواسطة الواثق اضحك الله سنك اختي الكريمة وجوعتينا الله يهديك…………………….واش تحبي اختي انا عندي صاحبي يخدم المحاجب واختو تقرا في الجامعة وماتعرفش الطيب كيفو …………..واش تحبي الطفلة يطلعوها تقرا والرجل يعقدوه يخلوه يطيب …………….هو في الحقيقة عمل شريف وعادي………..المشكلة هي ………..تصوري كل النساء تقعد في الدار وتخدم على روحها وطيب للرجل الغداء والعشاء لكرانا مالقيناش المحاجب برا …………………………تصوري انا معايا رجال يخدمو كي يلحق الغداء يخرجو معايا باش يتغداو يروحو للقرقوطي والمحاجب والمطاعم بالرغم ان بيوتهم قريبة من المؤسسة …………………….ويقولولك الله غالب المرا راهي خدامة ……………وانا صدقيني نتغدى برا تعاتبني امي وتقلي انا لمن طيبت لغدى ………….اين انتم يانساء بكري……………..الله المستعان

السلام عليكم اخي الواثق كيف الحال؟ شكرا على مرورك الكريم وآمين ربي يهدينا كامل مؤكد العمل شريف وأنا مه كل عمل شريف ولكنني أرفض فكرة تبادل الادوار وولات عادة الماكلة برا منتشرة عندنا بزاف ووعلاه تعب يماك وتروح تاكل برا ربي يخليهالك راهي تقوم بيك ونهار تتزوج جيب اللي تبقى فالدار وبكل الماكلة برا من كل النواحي ما راهيش عادة مليحة ربي يجازيك بكل خير شكرا على المشاركة المميزة

اقتباس:

المشاركة الأصلية كتبت بواسطة said26 هههههههههه اشهر الطباخين هم الرجال + الخدمة مفيهاش عيب+ العيب الي راهو قاعد ويبرفيتي + والعيب الاكبر هو الي تخدم عليه مرتو هو قاعد+ خدام الرجال سيدهم واش حابة تخدمي عليه وهو قاعد دنيا هاذي انقلبت عادو نساء يخدمو والرجال يقعدو فدار

السلام عليكم شكرا على مرورك بموضوعي مركد أشهر الطباخين رجال +ما قلتش الخدمة عيب راه يخدم بعرقوا +سور العيب فاللي راقد والمرا تخدم عليه+ خدام الرجال سيدهم راني معاك أنا طرحت الفكرة من باب تبادل الادوار هذي هي شكرا على المشاركة

اقتباس:

المشاركة الأصلية كتبت بواسطة naima2016 السلام عليكم…………..العمل ليس فيه عيب مهما كان نوعه المهم ان يكون حلال وان يكتسب هذا العامل نقود من عرق جبينه اما بخصوص سؤالك……….اذا كنت انا في حالة مزرية لا مستوى ولا وضيفة وكذالك زوجي (في المستقبل)فا ليما لا ان يعمل بائع المحاجب كما قلتي او حتى بائع متجول وهذا كله من اجل من اجل عائلته اما بخصوص سؤالك ان ارجل اصبح يتقن الطبخ عن المراة…………..فانا كذالك اجيد الطبيخ وخاصة المحاجب مشكورة

السلام عليكم اختي نعيمة شكرا على مرورك بموضوعي اختي أوافقك الرأي أنا حبيت نتناقشوا ماراهيش من باب إنوا عيب لالا أنا حبيا نوصل لفكرة الرجال يخدموا خدمة النسا والنسا يخدموا خدمة الرجال والمهم الراجل يكون خدام رانا على الوقت اللي وصلنا ليه زمان ما كانتش هذي العادة شكرا على المرور

اقتباس:

المشاركة الأصلية كتبت بواسطة sissi123 فوجئت لأنكي تعتبرين بائع المحاجب عمل نسائي ؟؟ منذ متى كان الطبخ حكرا على الرجال هل لو كان هذا الرجل شاف في أحد المطاعم هل كان سيبدو لكى الأمر غريبا بائع المحاجب مهنة شريفة و هي ليست عملا مقتصرا على النساء أصلا لا أتخيل امرأة تصنع المحاجب أعرف رجالا يشتغلون في تطريز الكراكو الذي تلبسه العروس مع ان التطريز عمل عرفت بها النساء وهم جد محترمون و الكل يحترم مهنتهم و متزوجون و الأمر عادي تماما . بالنسبة للأخ الذي قال ين ذهبت نساء زمان نقلك ذهبن مع رجال زمان الرجل بكري ما كانش يقرا و لا يخدم عند الدولة كان صنايعي ولا فلاح ، و الآن تغير الأمر فلاتلتصقوا بالماضي فزمانهم مضى بخصوصياته و هذا الزمان مختلف

السلام عليكم أختي شكرا على مشاركتك بموضوعي ما الذي فاجأك إسألي والدك أو جدك هل كانت هذه العادة كاينة في وقتهم كانوا بكري النسا يعجنوا المحاجب والفطير والأولاد يبيعوا ماشي هوما يطيبوا ويبيعوا والله يا جماعة فهمتةني علاط ما رانيش نقول الخدمة هذي عيب راهي حلال رانا نهدروا على عادات وظواهر بدعوها شبابنا والوقت اللي وصلنا ليه والواثق قالك وين راهم نسا نتاع بكري الراجل راجل ختي ولازم يتطور ويخدم والمرا بلاصتها الدار زصلنا لزمان ولوكان غير رانا عايشين فالماضي كانت المرا مرا والراجل راجل شكرا جزيلا سرمي النقاش معك مشكورة

اقتباس:

المشاركة الأصلية كتبت بواسطة amal2017 اشهر الطباخين العالميين رجال ومافيهاش عيب روحي للشيراطون و لا الروايال ولا …….. تلقي اغلب الطباخين رجال المهم يكون رزق حلال افضل ما يروح يطلب و افضل من طابلة دخان وخير مايروح يبيع خمر او يمد يده ويسرق ايلا ما لقى مسكين عليها وين مافيها والو عوض لا نعيبو على مهنته نروحو نشوفو الظروف اللي دفعاته لهاذ الخدمة ربي يكون في عونهم ويرزقهم ان شاء الله وبصراحة الطبخ ماينقصش من الرجولة بالعكس راجل ونص ماخلاش زوجته تخرج للشوارع تلقط لقمة العيش ويشوفها كل من هب ودب ايلا على الزواج مكان حتى مانع علاش اللي يبيع المحاجب مشي راجل ايلا ماحترمتش وظيفته على الاقل نحترم الروح اللي دارها فيه ربي نتزوج معاه هو خير ما نتزوج مع واحد غني كي تقرب عاشوراء يشري سيارة جديدة لا حول ولا قوة الا بالله العلي العظيم ايلا الحمال واللي يبع السفنج واللي يبع المحاجب والاسكافي والخياط و عامل النظافة و…الخ ماعندهش حق فالزواج عندنا خسارة فينا كلمة مسلمين

السلام عليكم أختي شكرا على مرورك بموضوعي اولا فهمتيني غلاط انا قبل الجميع نحترم اللي يبيع المحاجب واللي حمال واللي فقير وربي شاهد عليا المشكل في تبادل الادوار زمان هذي العقلية ماكانتش عندنا لو أنا نخبز وهو يبيع والله عادي نتعاونوا على مشاكل الحياة على خاطر سور راحا ندي واحد فقير وزوالي كيما انا ونعيش معاه مرتاحة مي نحب لكل واحد دوروا الراجل راجل والمرا مرا نحترم رايك بزاف مي فهمتيني غلاط شكرا اختي امال وبارك الله فبك على نظرتك الرائعة للزواج وللرجل شكرا اختي جزاك الله خيرا