السلام عليكم و رحمة الله
ربي يخليكم قوليلي انا اللي معقدة ولا الدنيا الي سابقتني راني نشوف في الشات ولات حاجة عادي بالنسبة للمتزوجات و المخطوبات قصدي اللي مرتبطين الراجل يشوف مرتة تحكي مع اخرين و تحط التعليقات لرجال اخرين خاصة في الفايسبوك و عااااااااااااااااااااااادي قال واش قال او عندي كلمة السر تاعها و اي تحكي مع البنات برك …..واشي هاذا الرجلة ربي يبارك فرات
لالا ماكيش معقدة العباد الي جات تتفتح طاحت في حفرة
انا ضد هذه المواقع وصراحة الي يخلي مرتو تدخل ليه (……………..)
المرا كي تتزوج تضهر اهتمامات في حياتها ودخولها للنت ينحصر في ضروريات
مثل تعلم اشياء مفيدة او ايجاد حلول لمشاكلها
وليست الدردشة مع الرجال او الاطفال
والله راحت الدنيا
صح عندك الحق انا امتلك حساب فيسبوك لكن فيه الا العايلة والصديقات ومعنديش خلاص رجال
ياو النخوة بح ماتت
المراة ماهي مراة والراجل مهو راجل
انا شخصيا ما نستعرفش بوسائل الاتصال هذه ***** وفايس وما عنديش لا ختر ما نحتاجهاش وقتي عزيز علي
صح هذا الشيء راه كاين منه بزاف وحدة متزوجة ولا نقولو مخطوبة ودردش مع الرجال في face book او msn ولا حثى في المنتديات .ياختي راهم يقولو عادي مجرد اصدقاء لكن نقولك كاين رجال مايسمحوش بهذا الشيء وأنا واحد منهم ومانسمحش مرتي دير هذا الشيء.
للاسف توجد هذه الظاهرة وانتشرت لكن التي تاكدي انها تفعل هذا خلسة عن زوجها او خطيبها وخاصة المخطوبات اتقولك ها انحي ضيقة الخاطر حتى نتزوج والله لامر مؤسف .
انت راكي عادية هاد النوع من الناس هم اللي فهمو الدنيا بالعكس
ربي يثبتنا على الدين
الفايسبوك يجيب غير الهم و المشاكل و لي حب يهدر مع العائلة و الاصدقاء كاين تيليفون و لا يزورهم ادا كانو قراب احسن هادي نصيحة عن تجربة وكل واحد حر
لي نعرفوا أن المحترمة محترمة سواء متزوجة أو لا لأن مش راجلها راجل وباباها أو خاوتها لا هذا عن التمييز بين المتزوجة وغيرها.
بالنسبة للفايسبوك هو مثله مثل المنتدى لما يكونوا اشخاص كثر يناقشوا موضوع بدون خصوصية ونحوها ودون خضوع في القول
حتى لا يطمع الذي في قلبه مرض وين المشكل؟
والثابت في السنة و التابعين ان النساء كن يجادلن في أمور دينهم وحياتهم حتى الخاصة و العامة ولنا في قصة المجادلة مع رسول الله صلوات ربي عليه وقصة الشفاء مع سيدنا عمر المثال وغيره كثير
..أما الشات فكلامك صواب ربي يهدي وفرات
ربي يهدي ماخلق
كثرت الفتن ولازم الواحد يحكم في روحو
للاسف هدي الظاهرة طغت بقوة
فانتظر الساعة
الله يسمح لناس السكا لانك تقدري تحصريه فالاتصالات فقط
اما الفايس راهو غول من الافضل الواحد او الوحدة ما يسجلوش فيه
والله مضنيتش كاين بنات يشوفهم ازواجهم يدخلو للفايسبوك ويشاتيو مع رجال ويسكتو خاطر يسمى دايوث
اللهم اغفر لهم فانهم لا يعلمون مايفعلون
