بنات,ربي يحميكم,محتاجة وصفات لحلوة بالغرس,شريتو وما لقيتش حلوة خفيفة نديرها
حابة حلوة اقتصادية 
هي ليك وصفة معمول
هذه الوصفة تخص اختي روعه في منتدى اخر
جربتها وتجي هايله وتذوب فى فم
250 غ مـارغرين طريَّة
½ كـأس سكـّر رطـب
3 صفـار بيض
قرصـة ملـح
فـاني مغرف صغيرة
½ كـأس نشاء
فرينـة
الحشو
عبارة عن غرس منقي +جلجلانية محمصة+قرفة مرحية
طريقة العمل
¤ نخلـط جيّدا على التَّوالي(الزّبدة، والسكـّر) ثـمَّ (الفاني، 3 صفـار البيض، الملـح) بعـده النّشاء والفرينة حتـَّى تتماسك العجينـة…
¤ نترك العجينة ترتـاح مدَّة 15 د، ثمَّ نكوّر العجينة مـع الحرص عـلى عـدم ترك شقوق، ونحفر بالمركز لنضع فيها كميَّة مناسبة من الحشـو، نكوّر العجينة مجدَّدا، ثمَّ بقالب المعمول نضغـط ونتحصَّل على الشَّكل المطلوب…
توضع الصّينيَّة بالفرن حتَّى مدَّة احمرار الجزء السّفلي فقـط، عنـد النّضج نتركها تبرد ثم نرش سكر ناعم
حلوة التمر
مقادير العجين
500غ من زبدة
4 معالـــق كبار سكر
4 أصفر بيض
قبصة من الملح
فرينـة
مقادير الحشوة
500غ من معجون التمر
قرفة
قرنفل مطحون
ماء الزهر
طريقه
خلطي مكوناتبالترتيب حتـَّى تتماسك العجينـة…شكلي كريات لنضع فيها كميَّة مناسبة من الحشـو، نكوّر العجينة من جديد
ثمَّ بقالب المعمول نضغـط ونتحصَّل على الشَّكل المطلوب..الىفرن و مرمدها فى سكر ناعم
دمك خفيف ياحلوة هناك وصفات كثيرة منها النقاش كذلك جربي العجينة السحرية الوصفة موجودة في مواضيعي سلامي
بارك الله فيكم,,جاري البحث عن المزيد
ومنها أيضا وصفة هايلة ومجربة وهي مقروض بالفرينة
تـاخذي كيلة من الزبدة لــ3 كيلات من الفرينة وقرسة ملح وبيضة وفنجان سكر حسب الذوق وتدلكي الجميع جيدا بين أكف يديك ثم تبللي العجينة بماء الزهر الدافي وتتركيها ترتاح والأفضل تتركيها تبات ليلة
ثم تأخذي الغرس المعجون بالقرفة والقرنفل وإن شئت ضعي فيه الجلجلانية المحمصة وتأخذي كرة من العجين تطرحيها وتحليها بالحلال على طاولة مرشوشة فالفرينة حتى لا تلتسق العجينة ثم تأخذي حربوش من الغرس وتضعيه في مستطيل العجينة وتلفي أطراف المستطيل على الغرس حتى يغطى جميعا واحرصي على أن تكون العجينة متوسطة الرقة يعني لا ترققيها كثيرا ثم قطعيها على شكل مقروضات وضعيها في الفرن ،،، بعد لحظات ستجدين لونها غير لون تبقى في الفرن طويلا لأنها معجونة من فرينة وليست دقيق والمعروف أن مقروض الدقيق يأخذ وقتا أطول حتى يكتمل طهيه ،،، بعد أن تنتهي من كل العجينة تأخذي عسل ساخن إن كان المقروض بارد وتغمسي فيه المقروض وتتركيه لحظات يتشرب العسل ثم تضعيه وتمرريه جيدا في الكاوكاو المرحي المحضر سابقا يعني تكسيه بالكاوكاو وتضعيه في ليكيسات وستجدنيها وصفة شهية وبصحتك
السلام عليكم اختي الحقيقة انا دخلت نقرعج و كي لقيتك تحوسي على قاطو بالغرس قلت نكتبلك وصفة النقاش انا اخترعتها لكن و الله تحفة جربي كمية قليلة و اذا عجبك زيدي .
2 كيلات و نص فرينة
نص كيلة نشا
الدهان (3/4 كيلة زبدة و 1/4 كيلة زيت )
نص كيلة سكر قلاسي
قرصة خميرة +قرصة ملح
و لمي لعجين بخليط ماء زهر+حليب
و خلي لعجينة ترتاح على الاقل نص ساعة
و الحشو : غرس + قرقة + جلجلان
حلي لعجينة رقيقة خلاص و ديري حربوش نتاع الغرس و رولي تقريبا 3 مرات . هزي نقاش و نقشي حبة القاطو .
دخليها للفور من 10 الى 15 دقيقة على 180 درجة .
|
المشاركة الأصلية كتبت بواسطة ines22
 السلام عليكم اختي الحقيقة انا دخلت نقرعج و كي لقيتك تحوسي على قاطو بالغرس قلت نكتبلك وصفة النقاش انا اخترعتها لكن و الله تحفة جربي كمية قليلة و اذا عجبك زيدي .
2 كيلات و نص فرينة نص كيلة نشا الدهان (3/4 كيلة زبدة و 1/4 كيلة زيت ) نص كيلة سكر قلاسي قرصة خميرة +قرصة ملح و لمي لعجين بخليط ماء زهر+حليب و خلي لعجينة ترتاح على الاقل نص ساعة و الحشو : غرس + قرقة + جلجلان حلي لعجينة رقيقة خلاص و ديري حربوش نتاع الغرس و رولي تقريبا 3 مرات . هزي نقاش و نقشي حبة القاطو . |
هذي الحلوة جربتها كثيرا والي ذاقو سالني عن الكيفية لانه طعمه روعة ان شاء الله يعجبك وتجربيه
وينك يا صاحبة الموضوع والا اقتراحي ما عجبكش
راني غير نتمسخر معاك علابالي ساعات الوحدة تتلاهى وما تلقاش الوقت حتى باش تشوف روحها في المراة حبيت نحط رد ويرجع الموضوع للصفحة الاولى وتقدري تشوفي الرد