السلام عليكم 
صباح الخير حبيباتي إن شاء تكونو صبحتو بخير
اليوم بإذن الله راح نوريلكم طريقتي في طبخ اللحم المحمر في الكوكوطة تعلمتها من أمي ربي يجيبلها الشفاء العاجل … هي طريقة سهلة ماهلة ماتديش الوقت يجي طايب زبدة و خير من المقلي في المقلة
نجيبو الكوكوط نتاعنا نديرو فيها كمية من الزيت قيس نصف كأس و نحطو فوق النار
ممبعد نحط اللحم تاعنا أنا إستعملت لحم عجل و نخليه يتقلى على نار قاوية بدون إضافات و بلا مانحط الغطاء يعني نخليها هكذاك و نحرك مرة على مرة كأنك تقلىي فيه في المقلة و تشوفيه بدأ يتحمر من برى
في هذه الأثناء نحضر فصوص ثوم مقطعين دوائر و أوراق رند
هنا صايي تحمر من برى شوية
نضيف الملح و الفلفل الأسود و شرائح الثوم و الرند و نزيد تقريبا كاس أو أقل ماء حسب قساوة و كمية اللحم و نسكر الكوكوطة مليح و ندير الصفارة و نخليها على نار هاااادئة لمدة 1/2 ساعة
كي تفتحي تلقاي اللحم طايب زبدة و اللصوص عاقدة بذوق الثوم ورند ممممممم
ملاحظة إذا شفتو بلي لاصوص مانشفتش حطوها فوق نار بلا مغط و خلوا اللحم يتجمر حتى ينشف ويبقى غير الزيت
أنا قدمته مع أرز … ممكن تقدميه مع خضرسوتي أو بوري أو سلطة منوعة 
لذيذ جدا
ملاحظة : ماتكثروش التوابل في اللحم باش مايفقدش البنة نتاعو
دعوة خير
روعة ….. يا ام انس …… نفس طريقتي تقريبا … بصح انا نزيد حبة طماطم
يعطيك الصحة اختي جي روعة احسن طريقة مشكورة
كيما نطيبو انا يجي زبدة وما يتشبعش مممممممممممممممم
ربي يشيب الشفا لميمتك ويحفظهالك
ما شاء الله تباني شاطرة وشبعانة ربي يجزيك
يعطيك الصحه يشهي شكرا ليك وصفاتك كلها رائعه
الله يبارك عليك، نفس طريقتي تقريبا و بالنسبة لي هي أفضل طريقة للإسمتاع باللحم، ربي يفرحكمبشفاء الوالدة، و على فكرة ذاك النهار مريت على المسيلة و تفكرت سبحان الله………. سلام
ممممممممممممممممممم شهيتيني
يعطيك الصحة و ربي يجيب الشفاء لامك العزيزة
هاااااااااااااااااااااااااايل رااائع ربي يعطيك واش تتمناي ويشافي الوالدة ياااارب
شكراااااااااااااااااااااااااااااااااااااااااااااا
ربي يشفي الوالدة ويطول عمرها
ويحفظ ه>وك اليدين ويدومها نعمة عليك
امممممممممم يشهي يعطيك الصحة ربي يشفلك الوالدة ويخليهالك
رووووووووووووووووووووووووووووووووووووووووووووووووو ووووووووعة
ممممممممممممممم بارك الله فيك باين بنييييييييييييين شهيتيني
شكرااااااااااااااا