1كغ فرينة نحطو فيها ربع كأس زيت ثم نضيف عليها 2ملاعق كبار خميرة الخبز و 150غ سكر حرش بعد مزجهم مع بعض و نحطو الفانيليا
ثم نضيف الملح و نذوبوا هاداك الملح بالماء الدافئ و نضيف 2 حبات بيض
ثم نكمل نبلو بالماء الدافئ
حتى نتحصل على عجينة متجانسة نقوم بعجنها ثم نخليها ترتاح لمدة 15دقيقة ثم نعجنوها للمرة الثانية حتى نتحصل في الأخير على عجينة طرية و ملساء نغطيوها بقطعة بلاستيكية و نتركها في مكان دافئ تتخمر و يتضاعف حجمها
هنا من بعد ماتخمرت نفتحوها و نحطو زبدة التوريق انا نستعمل لذيذ هايلة تعجبني خير من صالحة
و نغلقوها و نطملو بالحلال نطرحوها
من بعد نطوي العجينة كيما موضحة فالصورة
وهذا الدور الأول ثم نخليها ترتاح لمدة 15دقيقة ثم نطرحوها للمرة الثانية و الثالثة حتى الدور الرابع و كل دور ودور نخليوها ترتاح لمدة 15دقيقة
بعد فترة الراحة الأخيرة نطرح هذه العجينة يكون سمكها حوالي 1سم ثم نشكلوها مثلتات
نشكلوهم كما فالصورة
أنا هنا شريت شيكولا و قطعتها
نخلوهم في بلاصة دافية حتى يتضاعف حجمهم من بعد نذهنوهم من فوق بالبيض وإلى الفرن
يعطيك الصحه اختي
جزاكي الله خيرا
راءع يعطيك الصحة
بارك الله فيك.
وفيكن بركة حبوباتي
زين يا زينة
شكرا زينة
خدمة شابة
في انتظارالجديد
شكرا حبوباتي
مروركن اسعدني
هايل تبارك الله
ربي يخليكم حبوباتي
شكرا على المرور