السلام عليكم
شكرا على هذه الفرصة اللي وفرتوهالنا باش نطرحو المشاكل والانشغالات تاعنا …
انا مشكلتي لا اعرف ان كانت كبيرة او صغيرة المهم انا شاب مثل كل الشباب الجزائري فاتحين حساب فالفايسبوك .. انا منظم الى بعض الصفحات لي نشارك فيهم و بعض المجموعات الجزائرية ومنذ مدة انضممت الى واحد المجموعة وبديت نشارك فيها يعني احيانا نكتب مواضيع للنقاش و احيانا للضحك والترفيه وانا خاصة نحب نقسر بزاااف و نضحك ولكن انسان جدي مين تكون حاجة تع حق نقولها وشحال من مرة ندخل في نقاشات مع الاعضاء في مايخص مجتمعنا والدين …وطبعا كيما تعرفو كاين بنات واولاد وشحال من مرة ننصح البنات بالحجاب وعدم الانسياق وراء الاهواء …الخ
و انا طبعي في النقاشات هادئ جدا ونأخذ الامور ببساطة مانستخدمش العصبية … المهم اصبحت عضو نشيط جدا في المجموعة والكل يعرفني وحتى لم اتأخر عن الدخول ولا نغيب ليوم او يومين يسالو عليا … وكونت الله يبارك صداقات مع شباب خير …
الان المشكلة كاين بعض البنات 3 او 4 نعرفهم ناشطات من هاد المجموعة .. اضفنني كصديق.. انا قلت شيء عادي … تحدثت معاهم يومين وحديثنا عادي السلام واش راك لاباس اللحمد الله وخلاص …
الى غاية احد الايام قالتلي وحدة منهم كاين واحد فالقروب راهو عاجبني … قلتلها وشكون هاذا … قالتلي عندو شخصية قوية و..وو.و بصح ما نعرف عليه والو … انا ما درتش بالي راهي عليا كامل قلتلها اخطيك من هاد الامور والفايسبوك مجرد مكان للنقاش والترفيه وخلاص … ومبعدا بدات تمعنيلي باشياء تدل علي انا … طبعا هنا قلتلها على بالي بلي راكي عليا وقطعتلها الامل من الضربة الاولى وخلاصت الامور هنا ….
بعد مدة زادت وحدة اخرى بقات تهدر معايا .. وبدات تمعنيلي اخخخخخخخخخ انا وين راح نروح يا ربي
المهم هاذي قلبتلها الطبسي كيما يقولو ودورتها فالحديث باش تنسى … وراني نتفادا الساعات لي تتواجد فيها فالقروب باش ما نتلاقاوش …
المهم الان راني حاب نعرف كيفاش ندير في هاد المشكل يعني انا انسان خاطيني هاد الامور ومين نحب ندير علاقة مع طفلة تكون ظمن اطار الشرع والدين .. ولا اظن انها تكون عبر الانترنت … خممت نديزاكتيفي الكومبت تاعي بصح ما نقدرش عندي ناس اصدقائي من عدة ولايات نتحدث معاهم عرفتهم من خلال الفايسبوك وخلاصة هاد المجموعة
انصحوني واش ندير الله يحفظكم ؟؟؟
وشكرا
سلام عليكم و رحمة الله و بركاته
عليك بالحزم في الامر كي لا تسترسل فيه لانه من كلمة . ضحكة …. حتى تفتن ( بفتح التاء) او تفتن( بضم التاء )
الفيس بوك عالم للتواصل لا تتركه يخذ كل وقتك لان هناك امور كثيرة في حياتك تستحق منك كل هدا الوقت
و ربي يبارك فيك و يثبتك و يبعد عليك سوء
و شكرا
ســــــــــــــــــــــــــــــــاهلة مــــــــــــــاهلة
اخرج من هاديك المجموعة لي فيها هاد البنات
و سيبريميهم من الكونت تاعك
يخي ماراهم ني خواتاتك ني فاميلتك باش تحشم منهم
ويلا جاتك هادي تاني صعيبة,,,,,,,,,,,,,,,,,,,,,,,,,,
ابلوكيهم
او الحل الامثل كي تجي وحدة تهدر معاك خليها تجي تقول سلام ماتردش عليها
لانو لوكانت بنت تع الصح ماكانتش تهدر الهدرات هاذو
عادي ….تعامل معاها بكل برودة اعصاب
|
المشاركة الأصلية كتبت بواسطة مشكلتي
 انصحوني واش ندير الله يحفظكم ؟؟؟
وشكرا |
( فَفِرُّوا إِلَى اللَّهِ إِنِّي لَكُمْ مِنْهُ نَذِيرٌ مُبِينٌ ) الذاريات/50
هذه ليست أول مشكلة،،،تخص الفيسبوك،،،تطرح في هذا القسم،،،
——-
ومادامك خاطيك،،،، ابتعد ،،،
وإلا ستجد نفسك،،، تتبع في خطواتهن،،،وأنت لا تدري،،،
أسأل الله أن يجنبنا الفتن ما ظهر منها وما بطن
يا اخي نحي الفايسبوك……………… واتهنى…………………
انا نضن بلي الفايسبوك ماهوش ضرورة في حياة كامل الناس……………..
وانت مادام صراولك مشاكل فيه…………. اخطيك………
نقولك أخـــــي دير روحك hors-ligne لهاذوك لبنات … ميصيبوكش اون لاين مام راك مكونيكيتي و خلاص هذا كحل أولي
الله اعلم
في رايي خويا مادام ماتحبش هاد العلاقات وعلاش رحتلهم برجليك
كاين منتديات اسلامية بحتة بكل اللغات تغنيك عن الفايس بوك
forum islam sunite موقع جميل بصراحة مازال مادخلتلوش مليح ان شاء الله يكون عندي شوية وقت برك وفيه كل ماهو دين وثقافة وكتب وتربية وترفيه
ومافيهش تصاور
نحي البنات اكل اللي عندك واللا ابلوكيه
شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااا
بما أنك واثق من نفسك بلي ماراكش حاب دير علاقات مع البنات على النت و هادي حاجة مليحة ماتزيدهمش في قائمة الأصدقاء
و كيما قال الأخ ماتخليش الفايسبوك ياخدلك كل وقتك كاين بزاف أمور تستحق أنك تعطيها وقت و ربي يوفقك
ربي يبارك فيك و يثبتك و يبعد عليك سوء
و شكرا
اخي كن حازم مع نفسك
فيسبوك واختلاط و ضمن مجموعة
اسلحة دمار شامل
ان يرتاح ضميرك و ترضي ربك
افضل من الدنيا وما فيها
بامكانك الانسحاب من المجموعة متى ما اردت
انت سيد نفسك والله سيد الجميع