السلام عليكم و صح فطوركم في يوم ثالث عيد رايحة نعرض اهل خطيبي يتغداو دبرو علي واش نطيب اريد اقتراحات عن الطبق الرئيسي و الطبق الثاني و السلطة كيفاش تكون انا لست خبيرة في امور العرضات ما تبخلوش عليا يا حباباتي و صح عيدكم
ربي يتمملك على خير حنونتي واعطيني شوية وقت درك نخمملك في لقطات ملاح
شكرا اختي ما طوليش عليا ربي يعيشك و صح عيدك و كل عام و امتم بخير
اختي الطبق الرئيسي في رايي يكون حريرة ولا شربة و ديري المثوم و لا طاجين الزيتون و يلا تقدري اتزيدي طاجين الحلو خير لاخاطرش لازم تكون عندك حاجة حلوة فطابلة و الشلادة ديري لوغداف بالبيطراف و الزرودية و الشلادة الخضرة و الخيار و قاع شا عندك خضرة ئ زيدي امبعد العصير و القازوز و الفاككة و راكي عارفة انتي هادوك صوالح
ماتنسايش طاجين بونارين والبوراك اللحم وبولات الكفته في الفور مع صوص روج والحلو مع شباح الصفرة وشلاضة عش البلبل وسلاطة التونسية فوقها طن والزيتون
أنا رأيي هذا وين خرجنا من رمضان الواحد لازم يبدل من الشربة و توابعها
ديري حاجة تقليدية خير
متلا رشتة ديري معاها مثوم و سلايط,,,,,,
|
المشاركة الأصلية كتبت بواسطة رشــــ81ــــا
 أنا رأيي هذا وين خرجنا من رمضان الواحد لازم يبدل من الشربة و توابعها
ديري حاجة تقليدية خير متلا رشتة ديري معاها مثوم و سلايط,,,,,, |
عدك الحق
علاه مادريش
التمر مع الحليب واللبن
ثم الكسكس بالخضرة خاصة رانا في وقت الكابويه والقرعه مع طراف اللحم كبار والبيض
فلفل المرقد أو مشوي
قازوز مع jus
الدلاع البنان البطيخ الأصفر والعنب أو slad de friut
شوفي اختي من رايي انا روحي اختاري وصفات من عند ام رامي راهم الكل يحمرو الوجه
وممكن نختار معاك
ديري شلاطه نتاعها راهي منظر يشرح القلب
وممكن ديري اصابع المرقاز بالدجاج راهم يهبلو مجربينهم عضوات بزاف ويشكرو فيهم
خبزات محشية باللحم والكريمة
ومكن اضيفي شئ اخر والحلى ممكن اديري فلون الطبقات هذا مجرباتو بنين
شكراااااااااااااااااااااااااااااااااااااا يا البنات اعطيتوني افكار هايلة يعطيكم الصحة و فكرت ندير طاجين الزيتون باللحم المفروم و الكسكسي باللحم و الخضر و اللبنو طبق ثالثت الكفتة في الفور سلطة متنوعة و الديسير عنب بطيخ او دلاع قازوز او عصير و اش قلتو في تدبيرتي زيدو شيخو عليا راني حابة عجوزي تفرح بيا و تقولهم بلي راني فحلة 
وقمت بيهم مليح صح عيدكم
ana lari kima ray okhet fazo anoucha w meme ana ghadi ndir hagda