حبيت نطرح موضوع يحدث في كثير من العائلات و هو العروسة كي تكون جديدة و تقوم بحركات امام اخوات زوجها و والديه كمعانقته و الاقتراب منه و مداعبته و قد يصل الامر للقبل مما يحرج اهل زوجها و اذا وجهولها الملاحظة تثير مشكل .و هنا الزوج يرى زوجته ضحية و في اغلب الاحيان ينتهي الامر بمغادرة بيت الاهل لسبب تافه. اريد اراءكن و تجاربكن….
الحمد لله اللي ماتلاقيتش مع هاد النوع
ما ضنيتش كاين ؤاجل يدير هكدا قدام والديه
مازالت عندنا الحشمة
commeme
الله يسترنا
سلام الله
أظن المجتمع الجزائري عندوا مزال الحشمة داخل البيت وبين الأهل والله وما دكرتي لا أظنّه يقع … ممكن فقط من سقطت في الأفلام التركية
ولكن في شوارعنا والله الحشمة زالت وزااالت وراحت
حتى تحشم تخرج مع والدتك أو مع أختك أو الزوجة مع زوجها والله زالت الحشمة بالمضاهر لي انشوفوها
مي في المنازل مزال كاين حشمة … وإدا كاين الزوجة لي تزعف بعد هدا الشيء بصراحة خلّيها تزعف … عاش من عرف قدره
ما شفتش هذه المواقف نظن مازال كاين الحشمة عندنا يعني هذه وقاحة كبيرة ما نظنش أي واحدة تقدر تديرها
وي صح واش راكي تقولي انا سمعت بواحدة هي وراجها يقرصها قدام خاوتو الاكبر منو ومتزوجين وقدام يماه بصح هادي كامل من المسلسلات والافلام……ربي يسترنا كشفو كل ما ستر الله….
وهو ما عندوش فم يبه ينصحها هي تتعمد فعل هذا امور ربما لحبها له او ركم تعرفوا نساء وندوز تاعهم فاسد
ما تنساوش كاين وحد الاهل سامطيين ناس مزوجة جديدة وهما لاصقين فيهم الحشمة مليحة والسماطة ماشي مليحة والفهم يفهم
شوفي اختي الحق انا ما شفتش ناس كيما هكدا
مي ادا كاينين
كيما يقول زوجي
على هديك اللي عندنا غرفتنا الخاصة
لكي نعيش حياتنا في الستر
سينو انا نرقد مع خويا وانت ارقدي مع خواتاتي
استغفر الله
ناس وجها مغسول
انا جامي لاسمعت بيها
ممكن طريقة للخروج من البيت وارادة السكن في منزل مستقل
فعندهم الغاية تبرر الوسيلة……. وبطبيعة الحال لست معهم في ذلك ألف بالمئة
السلام عليكم
بصراحة لو المراة عملت هكدا قدام اهل زوجها وهو ساكت ..يتسمى هو مش راااااجل ومش محتارم…
للأسف شفت واحدة كيما راكي تحكي.. تظل دير في لقطات يحشمو نتاع الصح قدلم الأهل نتاعو… و الكارثة أنو زوجها يتحرج و يعود هارب و هي تبع فيه..
ربي يهدي و ربي تسترنا ان شاء الله.
والله كلامك صح وحد نعرفو يوكل مرتو في فمها قدام باباه وامه واخواتاتو مع الاشارة انه عندهم منزل مستقل بلا ما نحكي على الغمزات والحركات المكشوفة منهم في زوج حتى يخلي اهلو يحشمو وينوظو ربي يستر