العرس ليلة تدباروا عام

السلام عليكم

عرس اليوم يحتلف تماما عما كان في الماضي كانت تغلب عليه
البساطة و لم كل العائلة صغيرا و كبيرا بالرغم من ضيق الشقق اتذكر اننا لا نجد مكانا نجلس فيه هاهاهاهاها واحدة في شرف البيوت و الاخريات امام النوافذ اما الباب تكاد تنفجر من النسوة ممن لم تجد مكانا لا هنا و لا هناك وحتى وقت الاكل الاطفال لا يبالون بهم يتركونهم من دون اكل هاهاهاها او يجمعون جميع الاطفال حول مائدة صغيرة و يضعون صحنا كبيرا فيه الكسكس
و قليلا من فتات اللحم الكل ياكل و يخرج لللعب …..
كنا لا نبالي لا بالاكل و لا بالحلويات نوع او نوعين و انتهى الامر…………..

اما اليوم كل شيئ اختلف الاغلبية صار يحبذ قاعات الحفلات كل شيئ جاهز لكن الفاتورة اعلى بكثير, انواع من الاطباق
و الحلويات اصناف و الوان و حتى العروس تاع الزمان و اليوم ماشي كيف كيف…..
اليوم التصديرة الكثير من الالبسة تصل الى عشرة او اكثر كل لباس اغلى من الثاني لتظهر في ابهى حلة و اكثر جمالا من جارتها فلانة و بنات فاميلتها هاهاهاهاها يبقى التنافس على اشده الى نهاية العرس و يبدا التنقيط و التمنشير هاهاهاهاهاها
و حتى العريس يتصدر مع الزوجة هاهاهاهاها
المفرقعات بكل انواعه يشتكون من المصاريف الكبيرة لكن الكل صار يريدها في عرسه و بعض التقاليد ان يركب العريس فوق الخيل و العروس فوق الكرسي لا اعرف ما يسمى اظن تقاليد ناس الغرب كل هاذا تكلفة زائدة عن العرس الذي هو اصلا مكلف للغاية …………….
بدون مقدمات كيف كان عرسكم ؟ او كيف تتمنون ان يكون …
بسيط جدا
عادي مثل جميع الناس
اسطوريا لا يشبه حتى عرس
هل انتم ممن يقولون اتزوج مرة في حياتي يجب ان يكون عرسي حفلا لا ينساه احدا ….لذا يجب ليموزين و الزرناجية ووووو للعلم هناك من تشترط هاذا و هناك ازواج بمحظ ارادتهم يهدونها لزوجاتهم …
وليلة العمر في الفنادق الفخمة و شهر العسل في بلد اجنبي
لما لا….
ما رايكم؟؟؟؟
اين انتم شاركوني ….

السلام عليكم ورحمة الله وبركاته

وفيما يخص شهر العسل اذا كانت الظروف تسمح فلما لا ومانطمعش غير في شهر ههههه نطمع في كامل حياتي تكون عسل

على بيها نشوفو البركة قلت وكثر الطلاق ………….. مافيش اجمل من البساطة اما التبدير المفرط فهو بدخ …………..خير الامور اوسطها

شوفي اختي لما كنت في بيتنا كنت فتاة جد متطلبة احب ان اتحصل على كل شيئ ربما لاني كنت ااصغرهم و لما اقترب موعد زفافي الكل توقع قاعة حفلات و ديسك جوكي و بذخ لكن الغريب في الامر انني انا من رفض كل هذا و الله لا ادري لماذا و اقمنا عرسي في بيتنا كيما زمان تاع الاربعاء و نروح بالخميس لا انكر ان بيتنا اصلا واسع لكن العرس كيما نقولو جاز حلو يهبل في بساطته
و سبحان الله حتى زوجي كان بمقدوره ان يقيم عرسا اسطوريا لكنه هو بدوره اكتفى بالعادي كيما انا و الله يا اختي غير تحيري تقولي تفاهمنا واش نديرو و احنا الهدره ما هدرناهاش مع بعض الان كي نتفكرو نحيرو كيفاه ربي وحد قلوبنا و تصرفاتنا
ربي يستر على كل بنات المسلمين

حبيت نزيد اضافة برك هاد المثل المذكور اعلاه كان زمان دوكا العرس ليله تدبارو 40 سنة و يا ربي

أستناي نتفكرلك هههههههه

سلام انا معملتش العرس والحمد لله عايشة متهنية عندي نصيحة عند اقامة الاراس حاولوا انكم تعرضو الانسان الفقير هو كي يدعيلكم يدعي من القلب اما البعض اجيو ايعلقو وي فتشو على ليفوت سلام

اقتباس:

المشاركة الأصلية كتبت بواسطة ام نهوله حبيت نزيد اضافة برك هاد المثل المذكور اعلاه كان زمان دوكا العرس ليله تدبارو 40 سنة و يا ربي

هههه هاداك هو واحدة تقرا معايا من عادتهم يوجدوا البنت من صغرها ويأمها تجمع فالجهاز صحبتي فالجامعة جهازها كان واجد خصها غي عريس الغفلة لي ماشرفش من ذهب لفراش للقماش تاع تصديرة

للأسف الأغلب راهم يحوسوا على الماديات برك الله يهدينا كل واحد يقارن روحوا مع فلان وفلانة
بالنسبة لي فوتت العرس كيما نحب انا فالدار وفالنهار مع انتقادات الناس وفالاخير كامل استعرفوا انه الأفضل ولي ماحضرش ندم فالغرب العراس حتى للفجر يالطيف

انا طلبت الخيل لراجلي والفرقة لي حطتها ياسمين
والشرط التاني شرطت مايدخلوش الرجال لاني حبيت نفوت عرسي بلا حجاب وراجلي تصور معايا فالكولوار ومايديروش غناء الرأي وتبهديل والحمد لله

شكرا سندوسة ياسمين
الكثير من معارفي اقاموا عرسا مشتركا لعدم اهدار المال يعني لما نقوم بحجز قاعة حفلات الزوجين يقومان باقتسام التكاليف خاصة لما لا يكون لديهم الكثير من الاقارب حتى لو كان الزوج من ولاية اخرى المهم الاتفاق و التفاهم
هاهاهاهاها فكرتيني في سلفة اختي شرطت لزوجها الزرناجية
قالتلو لوكان ما اجيبهمش ما نخرجش من الدار
انا اظن ان كل ولاية لديها خاصيتها شروطها و كل بنت و كيف ترى ذلك في الغرب لديكم كثيرا ما يسمى بالنقافات نحن القبايل ليست في تقاليدنا لذلك لا نقوم بها
انا شخصيا لا احبذ ان تكون امراة تلبسني ملابس من غير اخواتي…… الله غالب انا هاكدا دايرة

اقتباس:

المشاركة الأصلية كتبت بواسطة anfal10 شكرا سندوسة ياسمين الكثير من معارفي اقاموا عرسا مشتركا لعدم اهدار المال يعني لما نقوم بحجز قاعة حفلات الزوجين يقومان باقتسام التكاليف خاصة لما لا يكون لديهم الكثير من الاقارب حتى لو كان الزوج من ولاية اخرى المهم الاتفاق و التفاهم هاهاهاهاها فكرتيني في سلفة اختي شرطت لزوجها الزرناجية قالتلو لوكان ما اجيبهمش ما نخرجش من الدار انا اظن ان كل ولاية لديها خاصيتها شروطها و كل بنت و كيف ترى ذلك في الغرب لديكم كثيرا ما يسمى بالنقافات نحن القبايل ليست في تقاليدنا لذلك لا نقوم بها انا شخصيا لا احبذ ان تكون امراة تلبسني ملابس من غير اخواتي…… الله غالب انا هاكدا دايرة

العفو اختي

واش رايك في هادو

ما تزعفيش مني سندوسة ياك
انا صريحة بزاف الله غالب شوفي انا شخصيا ما يعجبونيش او مندرهمش في عرسي مي كيما قتلك في جهتكم بنات اديروهم كامل و لا راني غالطة
تبقى مسالة ذوق و كل واحدة واش تحب

oum mane83
و الله نقصت البركة الكل يشترط و يكثر من الطلبات
عن نفسي اريد عرسا بسيطا كشخصيتي تماما

اقتباس:

المشاركة الأصلية كتبت بواسطة anfal10 ما تزعفيش مني سندوسة ياك انا صريحة بزاف الله غالب شوفي انا شخصيا ما يعجبونيش او مندرهمش في عرسي مي كيما قتلك في جهتكم بنات اديروهم كامل و لا راني غالطة تبقى مسالة ذوق و كل واحدة واش تحب

وعلاه نزعف

كل وحدة وشاتبغي وكل وحدة وذوقها
تقبلي مرور

[FONT="Amiri"][/FONT]الصحة والهناء والباقي بكل ما يخلعوش ربي يهنيكم ويهنيناا

ام نهولة شكرا
لا يوجد اجمل من البساطة يا اختي الحمد لله ان العائلة احترمت رايك هناك فتيات ترغبن في البساطة لكن تصطدم بالحاح شديد
ان يكون العرس مختلفا…..
صديقتي من عائلة متوسطة الحال قالت لعائلتها انها لا تريد ان تقوم بالحلويات يعني نوع فقط بسيط المهم اختها عارضتها بشدة قائلة واش اقولوا علينا الناس …….
الحمد لله المهم الهناء برك ربي ادوم المحبة يا اختي