موالفة ندير العجينة المورقة عادي وتخرج رووووعة
هادي لمرة درتها، مي الزبدة ما حبتش تدخل فالعجينة راهي قطع قطع انا ندخلها وهي تتشتت
ما فهمت والو
لي عندها طريقة باش نسلكها تقولي
ويلا خسرت اسكو نقدر نديرها حاجة وحدوخرا
مع العلم اني نستعمل طريقة الاخت فلة ربي يحفظها وديما تجيني روعة
مافهمت والو؟؟؟؟
سلام اختي ، هل استعملت الزبدة مباشرة من الثلاجة يعني عاصية ماهيش طرية؟
لالا استعملتها طرية بحرارة المطبخ
خرجتها من الثلاجة 24 ساعة قبل الاستعمال
مع العلم انو المطبخ دافئ
لبنااات وينكم
والله احيانا تصرا كل المقادير صحيحة او طريقة ايضا مي ما تصلحش؟ عاودي دخلي العجينة كيما راهي بالزبدة الى الثلاجة ممكن تحكم روحها في العجنة او عاودي اخدميها او شوفي بلاك تكون طرات بزاف هي اصلا تتطلب تكون حاكمة روحها او كل ما تخدميها شوية تحطيها في الثلاجة تريح من 5 الى 10د
ام عروة اظ نوعية المارغارين صراتلي خطرة هكدا
شكرا لكل وحدة ردت عليا
تعافرت معاها، وعطيتها طريحة ما تنساهاش هههههههههههههههههه
هاكداك وبقاو شوية قطع الزبدة يبانو فيها
استسلمت وطيبت منها كيش السلق والنتيجة:
روووووووووووووووووووووووووعة، صدقوني غير خرجت ولاباس
مي غدوة ان شاء الله نسيي بيها صوالح ونشوف ويلا تتنفخ
ويلا ما تنفختش نعرف بلي تصلح غير ليكيش خخخخخخخخخخ
المهم ما نرميهاش، يمكن ندير بيها ميلفاي
الحمد لله على كل حال
برطابلي راهو خاسر اوموان كنت نصورلكم تشوفو ممممممممممممم
هذا وين شفت طلبك
هي مالبرد ابقات قطع بصح مايهمش ماتخسرش بصح اتعيي في الخدمة نصحتي مرة اخرى كتلقيها هكذا رابيها بالسكرفاج
|
المشاركة الأصلية كتبت بواسطة ام سهام 02
 هذا وين شفت طلبك
هي مالبرد ابقات قطع بصح مايهمش ماتخسرش بصح اتعيي في الخدمة نصحتي مرة اخرى كتلقيها هكذا رابيها بالسكرفاج |
شكرا اختي بارك الله فيكِ