العجينة الساخنة Pâte à choux 2024.

نبدا على بركة الله بالمقادير :

العجينة:
نصف لتر حليب يفضل استعمال لحضة
فاني
200غ زبدة
مغرفة عشاء سكر عادي
قرصة ملح
300غ فرينة
8 حبات بيض

الكريم باتيسيار:
1ل حليب يفضل لحضة (100 بودر و 900 حليب)
250 سكر عادي
100نشاء
8 صفار بيض

طريقة تحضير العجينة :
في اناء نضع الحليب + الزبدة +الملح + السكر فوق نار هادية حتان ذوب الزبدة


ثم نكب الفرينة دفعة واحدة و نحرك حتان تتلم العجينة

نتركها تبرد

و نبدا نضيف البيض واحدة ب وحدة و نخفق

ثم نشكلها بالبوش في بلاطو فيه ورق الطهي كما في الصورة

ثم ندخلها الفرن 180 درجة

تحضير الكريم :

نقسم السكر على 2 نص نحطو يغلي مع الحليب و الفاني

و النصف الثاني تاع السكر نطلعو مع صفار البيض

ثم نكبلو النشاء

ثم كي يغلي الحليب نكبو في خليط الصفار و نحركو مليح و نقلبو فوق نار هادية حتان يبدا يدير فقاعات يسمى الكريم راهي طايبة طرف الزبدة هذاك اختياري

غطيها و خليها تبرد

ثم نجيب الحبات بعد ما طابو نديرلهم الكريم

نحط حبات الفراز او توت او اي فاكهة تحبيها

مع لمسة الشونتيي

بالصحة و الهناء
اتنمنى ان تعجبكم

ملاحظة : ممكن المقادير جاتكم بزاف تقدروا تنقصوا حنا الله غالب عندنا الجراد هههههههههههه