السلام عليكم
قربت الزيادة ديال أختي ومانكذبش عليكم ما نعرفش ندير الطمينة قلت تساعدوني
حابة نعرف كيفاش نطيبها
كاين نتاع الحمص و السميد و مرة ذقت عند وحدة بالخبز يابس مرحي
ارجو اخواتي تساعدوني اي بأي وصفة نتاع الطمينة
باقيلها قل من شهر دعولها تقوم بالسلامة
شكرا مسبقا
ربي يقومها بالسلامة
عندنا في الشرق نديروها بدقيق القمح
نحمصو القمح و نرحوه
ديري عسل و زبدة يسيحو ع النار و تضيفي دقيق القمحو خلطي على النار كي تتجانس نحيها و حطيها في صحن و زينيها بالعسل من فوق و المكسرات و حلوة الترك
ربي يحفظك ام كوثر نجم ندير الحمص في بلاصت القمح ؟؟؟
حنا في الغرب نقولو تقنتا ولا طمينة
تgلي السميد المتوسط في مقلات
من جهة نحضري خليط بالعسل والزبدة وتسقي السميد وتزيني بالقرفة والمكسرات ودراجي
بالاطبع كل عائلة او منطقة تختلف طريقتها ولديها لمستها الخاصة
الله يسلمك اختي هنا كاين اللي يخلط حمص و قمح و تجي بنينة تهبل
حتى انا من سيدي بلعباس و شكرا على طريقة السميد مشكورة
شكرا ام كوثر على التوضيح
احنا في الاوراس نقولولها الزريز ونديروها بالقمح المقلي والحمصالمقلي ثاني وانا فيالزيادة انتاعي الاخيرة زادت يما فيها الروز والجلجلانية محمصين وجات روعة الناس كل عجبتهم ويسقسيو عليها ومع العلم انو تخلطيم مع الزبدة والعسل السخونين
حنا في الغرب نسموها تقنتا
taknetta
طريقة تحضيرها سهلة جدا
اقلي السميد المتوسط في طاجين ولا مقلة
و وجدي الزبدة مع العسل
و ثم خلطي كلش
و حطيها في اطباق و زينيها بالقرفة
كاين اللي يحيرو الفرينة و يخلطوها مع الكاوكاو المهرس
و يضيفو ليها الزبدة و السكر و تزين بالدراجي و المكسرات
على فكرة انا عمري ما عرفت ان الطمينة تندار بالحمص
ممكن تقولولي كيفاش تندار؟؟
مشكورات مسبقا
أم نديم
شكرا حبيبتي على الوصفة كثرا مين فيها الجنجلان حيت عندي كمية كبيرة منه و ما عرفت واش ندير بيه
صحا بنت الغرب نحمصو الحمص حبات و القمح حابات و نطحنوهم و نغربلوهم و نخلطوهم و نحمو العسل و الدهان و و نضيفولهم الخليط الحمص مع القمح ماتجيش جارية و ما تجيش يابسة تجي هايلة
|
المشاركة الأصلية كتبت بواسطة yasmina dz
 |
شكرا لك اخيتي بارك الله فيك
نجربها و نردلك الخبر
ان شاء الله اختي
أختي ربي يطلع أختك على 1000 خير و إنشاء الله سلاك و صفة الناس
حنا طمينة نعملوها كالأتي
1-تحمصي دقيق متوسط و باش تعرفي أنو خلاص تحمص أحكمي شويا و دوقي كي يقرمش بين أسنانك تعرفي أنو تحمص مليح و كذالك يكسب لون محمر
2-تاخدي كاسرول و تحطي العسل و السمن حتى يدوبو و ضيفي القليل من القرنفل المرحي و خلطي كلش
3-نحي الكاسرول من فوق النار و فرغي الدقيق لي حمصته في الداخل و ملازمش تكتري باش ما جيكش ناشفة
وبصح و الهنا أتمنى ان تجربها و تنجحي فيها و ارجو اني وفقت في الشرح
