ارجوكم لماذا طبق اللوبيا عند المطبخ العمومي جد رائع لكن في البيت اجدها غير ذلك اي لا اكاد اكمل صحنا صغيرا منها
ارجوكم اريد الطريقة المثلى لتحضيرها
وشكرااااااااااااااااااا
رجوكم لماذا طبق اللوبيا عند المطبخ العمومي جد رائع لكن في البيت اجدها غير ذلك اي لا اكاد اكمل صحنا صغيرا منها
ارجوكم اريد الطريقة المثلى لتحضيرها
وشكرااااااااااااااااااا
ديري في قدر ثوم وبصل قليهم مليح بالزيت زيدي لحم وقليه معاهم انا يعجبني تاع لبقري زيدي طماطم مصبرة واذا بغيتي تزيدي تاع الحب ظيفي البهارات ملح فلفل كحل كمون زعفران رشة قرفة باش تنحي بنة تاع دم ومرقي بالماء مغلي انا سر تاعي هو الكابويا تعطي ذوق يهبل وخلي كلش يطيب مليح
وطيبي لوبي فالماء وحدها كي طيب خلطيها مع المرق وخليها طيب شوية ان شاء الله تعجبك
اختي اللوبيا البيضاء اشتري الحجم الكبير الصغيرة مش مليحة ومش بنينة
انقعيها ليلة كاملة في الماء وفي الغد غليها في ماءنظيف حتى تخرج الرغوة انزعيها وقطري اللوبيا من الماء انا نقسم الكمية على اثنين او ثلاثة ونخبيها في الكونجيلاتور
وقت الاستعمال عادي حضري المرق دجاج او لحم بصلة ثوم زيت ملح فلفل اسود كسبر وفلفل احمر حار وكمون قلي مليح ثم اضيفي اللوبيا والطماطم المصبرة والهريسة مرقي بالماء الساخن واغلقي الكوكوت من 20 د الى 40 د حسب نوعية اللوبيا تجيك خاثرة وبنينة
انا نعطيلك طريقتي في الحبوب .نغسل اللوبياء مليح و مبعد نغليها في الماء كي تعود نص غلوة نضيفلها الجزر و شوي زيت و اللحم و نخليهم معاها يتغلاو ومبعد نضيف الثوم و البصل و البهارات و الطماطم و مبعد نغليها تكمل الطيب كي تقرب تطينب نحط فيها قرن فلفل حار و مبعد نطفي ونقص فيها دبشة مليح ونحطها واللوبياء سخونة باش تطلق بنتها .جربيها و رديلي الخبر.
انا طريقة تاعي مثل اختي ام رامي جيك روعة
كيفية amina31 الاحسن تجى بنينة انا نطيبها كيما حبيبتى ام رامي لى نشكرها على وصفاتها الرائعة و لكن متجيش بنينة كيما قالت الاخت و حبيبتى عاصمية طيبها كيما الاخت امينة و الله غير بنينة
غلي اللوبيا من جهة حمسي اللحم+بصل+توم+طماطم+ملح فرغي فوقها اللوبيا بالماء تاعها كطيب ديريلها الكمون+فلفل اسود جي بنينة حاصة ان التوابل تكون مع الاخير
طريقتي رائعة 100بالمئة
ضعي كمية من اللوبيا في قدر غليها لمدة 10 او 15د ثم صفيها ورابي حبة بصل وحبة طماطم وقطعي حبة جزر كبيرة وقطع اللحم اذا وجد ثم ضعي ملعقة صغيرة ملح +فلفل احمر +حبة زعفران +6او8معالق زيت قليهم شوية واضيفي الماء ثم بعد مدة من الطهي حوالي 2 ساعة قطعي 2 بطاطا الى قطع صغيرة وارميها وقبل ما تطفي عليها اهرسي 4 حبات توم واظيفي البهارات الفلفل اسود والكمون
ملاحظة عند اظافة الباطاطا مرة على مرة حركي باه ماتلتسقش اللوبيا والله النتيجة مضمونة
انا نبيتها فلما مبعد نغليها حتى تدوب بلا ملح و من جهة نقلي الثوم والدجاج مع ملح ورقتين رند كمون فلفل قرن حار احمر يابس راس لحانوت و طماطيش مصبرة مبعد كي يتقلاو نديرهم فوق الوبيا ونخلي الدجاج حتى يطيب تجي هايلة ولي يدوقها تعجبو بزاف