السلام عليكم و رحمة الله و بركاته
بسم الله
الكمية تكفي لصحنين كبيرين.
المقادير : 5 فلفل حار 2 فلفل حلو, 3 طماطم, 2 سنون ثوم, 1 م ص تابل (كزبر ناشف أي حبوب الكزبرة الناشفة (بذور الكزبرة الناشفة)) و كروية. ملح و شوية فلفل اسود. زيت زيتون.
للتقديم : تن, 1 بيض مسموطة, زيتون.
الطريقة : اصمطي الطماطم في الماء و شوية ملح و حطيهم يستقطرو. و بعد اعصريهم بيدك في كسكاس أو صفاية واسعة. راح تلاقيه الكل هبط إلا القشور و العروق الخشينة. (تقدري أيضا تشويها الطماطم)
اشوي الفلفل و الثوم , حطي الفلفل في كيس بلاستيكي لسهولة التقشير.
هرسي التابل و الكروية و الملح و شوية فلفل اسود , بعد زيدي الثوم و هرسيه, و بعد قشري الفلفل ( اذا تحبي نحي البذور) و هرسي بالواحد بالواحد و خلطيهم مع الطماطم.
في التقديم حطي السلاطة في صحن , صبي عليها زيت الزيتون و زيني حسب الرغبة.
أترككم مع الصور للتوضيح أكثر :
نصيحتي لرمضان :
أول ما يتواجد الفلفل بكثرة و يرخص, (في الصيف), اختاري نهار فيه النسمة , و اشوي كمية كبيرة من الفلفل , قسميها في اكياس من غير ما تقشري الفلفل (حوالي 8 حبات في كل كيس), و حطيهم في الفريزر.
في رمضان , كل عشية هبطي كيس , اول ما يتنحى التثليج قشريه و اسمطي شوية طماطم و كملي نفس المراحل الي حطيتهالكم قبل, و الثوم من غير ما تشويه. و الا من غير طماطم قشري الفلفل و هرسيه و على النار قليه في شوية زيت مع بيضة و ملح و فلفل اسود : تكوني حضرتي عجة في دقيقتين!
و الفلفل المشوي يصبر حتى عام كامل في الفريزر, يعني في الشتاء القادم وقت اللي أسعاره تغلى , تقدري تحضري سلاطة مشوية في كل وقت!!
دعواتكم.
ملاحظة : اللي ما عندها مهراس تقدر تستعمل ماكينة السلاطة هذه :
yatik esaha ala slata el mechwiya tounsia lazem tkoun hara ya salam alik ou choukran ala tadbira taaaa el felfel baraka lahou fik
شكرا انا نموووووووووووووووووت عليها
macha allah hayyyyyyyyyyyyyyyyyyyyla
ya3tik saha
يعطيك الصحة حنونة بصح انا نحب نشوي الطماطم يجيني طعمها خير وطيقتك مليحة تاع الفلفل كيفاش ندخبيه في الكونجيلتار
مشكورة اختي على الطريقة والنصيحة
يعطيك الصحة أختي فكرة شابة أنا نموت عليها و خاصة في رمضان
اللهم بلغنا رمضان
بصح حارة بزااااااااااااااااااااااااف بصح هاااااااااااااااااااااااايلة
bnina nhabha ktir
ربى يحفضك هنيتينى
انا راجلى يحب دائما الشكشوكة الفلفل فوق الطابلة
ماشاء الله هل يمكن رحيهم في الروبو ولالازم يدق في المهراس
بارك الله فيك على طريقة تجميد الفلفل ربي يرزقك ما تتمناي نتشهاها في الشتاء ومانلقاهاش
yatik esaha ala slata el mechwiya tounsia lazem tkoun hara ya salam alik ou choukran ala tadbira taaaa el felfel baraka lahou fik
|
هذا من واجبي يا عزيزتي, و ربي يبارك فيك.
الله يخليك يا بشرى, ان شاء الله نكون أفدتك
الله يجازيك كل خير يا سومة على التشجيع
يعطيك الصحة حنونة بصح انا نحب نشوي الطماطم يجيني طعمها خير وطيقتك مليحة تاع الفلفل كيفاش ندخبيه في الكونجيلتار
|
ربي يفضلك يا أم ياسين, حتى نحبها بالطماطم المشوية أما الطعم لا يفرق كثيرا و فيها تعب أكثر هههههههه و ان شاء الله النصيحة تكون أفادتك. و بالصحة أختي